44 / 52
Desember 2018
42
GRONDHERVORMING
die spil van Agri SA Kongres
T
ydens die onlangse Agri SA Kon-
gres in Pretoria het die grond-
hervormingsdebat hoogty gevier.
Aan die vooraand van die kongres het
die herverkose Agri SA-president, mnr Dan
Kriek, gesê dat hierdie ’n waterskeidingstyd
vir Suid-Afrika is.
Daar moet oorweeg word hoe om vinnige
landbouhervorming te verseker, terwyl
belanghebbendes betrek moet word ten
einde aan te dui waarom onteiening sonder
vergoeding teenproduktief vir suksesvol-
le transformasie sal wees. Kriek, wat op
president Cyril Ramaphosa se adviespaneel
oor grondhervorming dien, het voorts gesê
dat georganiseerde landbou gewillig en
in staat is om saam met die regering aan
grondhervorming te werk. Hy het ook ’n
boodskap aan die president gerig, waarin
hy hom versoek het om ’n nasionale
direkteur van openbare vervolging aan te
stel wat misdadigers sonder vrees of guns
sal vervolg.
"Ek het die grootste respek vir ons presi-
dent. Hy is ’n produsent en hy is ’n lid van
Wildlife Ranching SA. Hy is een van ons. Ek
weet, mnr die president, dat jy ’n intieme
kennis van landbou in Suid-Afrika het. Jy
is ’n normale produsent, soos ons. Jy weet
van plaasmoorde en geweld; ek weet dat jy
dit deeglik ken,” het Kriek gesê. “Maar ons
wil hoor dat jy dit sê, want jy is die president
van ons land. Jy is een van ons, jy moet die
leiding neem. Ek weet ook dat jy verstaan
dat ons almal aan kollektiewe trauma ly.”
Agri SA het tydens die kongres toestem-
ming verkry om met sy mandaat ten opsigte
van grondhervorming voort te gaan. Dit
moet strook met die Grondwet, die na-
sionale ontwikkelingsplan ondersteun en
diversiteit binne landbou erken.
AKTUEEL
MARIËTTA CRONJÉ,
SA Graan/Grain
medewerker
1: Graan SA is tydens die kongres deur
van sy hoofbestuurslede verteenwoor-
dig. Jaco Minnaar (voorsitter van
Graan SA), regs, het ook opgetree as
fasiliteerder tydens die sessie oor hoe
jong produsente en besigheidsmanne
oor die toekoms van landbou in Suid-
Afrika voel. By hom is Anton Botha en
Chris Schoonwinkel (al twee dagbe-
stuurslede van Graan SA).
2: Meer as 200 afgevaardigdes het die
Agri SA Kongres bygewoon. Deon
Venter, Bernard Maree, Jacques
van Rensburg, Jacobus Stroebel
en Stefan Hanekom was ook daar.
1
2