17 / 108
Twee lede van die Bothaville Studiegroep, Ben Sitshe en Edward
Tsoene, het boerderysake met Johan Kriel (ontwikkelingskoör-
dineerder van Graan SA in die Vrystaat) gesels.
Albert Makoae (agter), ‘n produsent van Ventura Mission Farm in
die Ladybrand-area, het drie laerskoolleerders en ‘n groep landbou
studente wat landboubestuur aan die Sentrale Universiteit van
Tegnologie studeer, met hul eerste besoek aan die NAMPO Oesdag
vergesel. Die studente is Lerato Khiba, Masello Mokhoro,
Lerato Mahloane en Khodani Nembambula.
Terugblik
Graan SA/Grain SA
Karina Muller,
SA Graan/Grain
medewerker
N
a ‘n dosyn jare in die hittige masjienkamer van die steeds
groeiende NAMPO Oesdag, wil mnr Cobus van Coller
(uittredende voorsitter van die Oesdagkomitee) in 2019
“agter in die bus sit”; lekker aan’t kuier met vriende uit
landbougeledere…
Van Coller het gedurende sy tyd op die Oesdagkomitee (waarvan
agt jaar in die voorsitterstoel) beleef hoe dialoog oor verskeie ge
meenskaplike sake ontwikkel het, hoe besoekergetalle jaar na jaar
sterk gestyg het en hoe meer en meer buitelandse uitstallers na
NAMPO gekom het.
“NAMPO het in ‘n sterk handelsmerk ontwikkel. Ons het byvoor
beeld navrae van Italiaanse en Franse sakelui gehad wat die han
delsmerk wou koop,” vertel hy. “Dit word nie verkoop nie. Ons het
wel streeksgewys uitgebrei met NAMPO Kaap wat in September op
Bredasdorp aangebied word.”
Wat hy wel besef het, is dat NAMPO ‘n “ongelooflike familieverband”
skep. “Produsente kom hierheen ook om mekaar te bemoedig in tye
wanneer dit sleg gaan. Landbou het ‘n besonder sterk ondersteu
ningstelsel.”
Van Coller en sy span was altyd druk besig wanneer die Oesdag-
wiele aan die rol was. Daar was nie veel tyd vir plesier nie, maar
hy dink tog met nostalgie aan die “inlywing” van nuwe komiteelede
– wat vir groot pret en skaterlag gesorg het.
As hy moet terugdink, hoeveel fiasko’s was agter die skerms
aan’t afspeel? “Mense moenie weet van hierdie dinge nie, maar
daar was dié jaar toe die Eskom kraglyn (wat die krag aan NAMPO
voorsien) ‘n probleem gehad het en ons vinnig moes spring om
bystandkrag aan die gang te probeer kry. Sonder krag gaan staan
alle netwerke op NAMPO. Of dié keer toe daar fout was met die
voorsiening van die nodige 60 000 liter water per uur.”
Vanjaar het betogings in dele van Noordwes, wat toegangsroetes
versper het, ook vir hoofbrekens gesorg.
Pad vorentoe
Van Coller wil hom nou veral op bewaringslandbou – ‘n saak
waaroor hy baie sterk voel – toespits. Hy pas dit op sy eie grond
toe, maar gaan ook praatjies hieroor aanbied.
“Ek hoor gereeld by ander mense hoe my kinders
presteer; ek wil dit nou eerstehands beleef.”
Cobus en sy vrou, Magdel, het twee kinders
– Johané (16) en Janico (14). Magdel het die
leisels tuis bekwaam vasgehou in die tye wat
hy met NAMPO-sake besig was. Sy pas ook pre
sisieboerdery op hul skaapkudde toe.
Die bestuur van Graan SA bedank
Cobus graag vir sy positiewe insette
oor die afgelope twaalf jaar wat van
NAMPO so ‘n uitstaande geleent
heid gemaak het.
Hy wil nou agter in die bus sit
Cobus van Coller het vanjaar na
afloop van die Oesdag die leisels
as voorsitter van dié landbou
tentoonstelling neergelê.
15
July 2018