14 / 124
AC van Wyk
Bultfontein
1: Abraham Cornelius van Wyk, oftewel AC, boer van kleintyd af en
het reeds in sy hoërskooldae self mielies geplant. Warmhoek het ‘n
lang geskiedenis en behoort sedert die familie se aankoms in 1841
aan die familie. Na ‘n leersame ervaring in Amerika, waartydens
AC op verskeie saaiplase gewerk het, het hy na die voltooiing van sy
BAgric (Hons)-graad by UOVS in 2001, voltyds op die familieplaas
begin boer. AC se pa, wat sterk bestuursgeoriënteerd was, het hom
nie as jongman teruggehou nie en sy liefde vir veral die saaiboer-
dery, het ‘n interessante reis van alles-selfdoen op grondvlak na sy
huidige meer strategiese rol tot gevolg gehad.
2: Die plaas het ‘n redelike eenvoudige struktuur, aangesien slegs
mielies geplant word. Die boerdery is voorts in proses om oor te
skakel na ‘n osboerdery. ‘n Driehoekige kruisstelsel is reeds vanaf
1972 gevolg en met geen speenkalwers wat verkoop is nie, is alle
nageslagte op die plaas gehou. Koeiseleksie is op grond van koei-
doeltreffendheid gedoen en na vele oorweging is die teelkudde in
Februarie vanjaar verkoop. Die eerste osse is onlangs ingekoop en
met ontledings wat daarop dui dat die entrepreneur se aanslag die
rentabiliteit op die osboerdery marginaal verhoog, vergeleke met
‘n goeie koeiboerdery. Daar is goeie sinergie tussen die saaiboer-
dery en osse wat kontantvloei en groei per os op oesreste en
veldweiding betref.
3: AC verbou tans mielies op ongeveer 6 000 ha, waarvan slegs
475 ha mielies-op-mielies was. Die oorblywende hektare is op
sonneblomlande van die vorige seisoen, op bygehuurde grondbone-
lande en op oorlêlande van 2015-mielies geplant. As gevolg van rus
of versuip van die huidige seisoenmielies, het helfte van die hektare
vrywater en die vooruitsigte vir 2018 lyk belowend. As gevolg
van goeie ondervog is die beplanning beslis om vroeg te plant. In
die Wes-Vrystaat kan mielies as monokultuurgewas winsgewend
aangeplant word sonder om die grond as hulpbron te benadeel en
is agronomiese volhoubaarheid agronomies haalbaar.
1
LEDE-LANDSKAP
2
3
September 2017
12