17 / 124
15
September 2017
Visagie Boerdery
Porterville
1: Willem Visagie het in 1975 saam met sy pa
begin boer en het die boerdery in 1981, na sy
pa se afsterwe, oorgeneem. Sy seun, Hein,
het na verwerwing van sy BCom(Rek)-graad
aan Stellenbosch by die boerdery aangesluit.
Beide die Visagies is gebore en getoë op
die familieplaas, Jakhalskloof, wat vandag
die hoofsetel van Visagie Boerdery is. Met
aandele in Gideon Milling, waar ‘n groot
gedeelte van die boerdery se koring gemaal
word, asook ‘n aandeel in ECN Vervoer, wat
onder andere gebruik word om graan van die
silo’s na die meule te skuif, het die boerdery-
bedrywighede aansienlik uitgebrei.
2: Die Visagies verbou hoofsaaklik koring,
kanola, gars en hawer op ongeveer 3 500 ha.
Koring en kanola word in ‘n wisselboustelsel
op tweederdes en ‘n derde onderskeidelik
aangeplant, wat in ‘n siklus van drie jaar op
hoëpotensiaalgronde geroteer word. Gars
en hawer word op die mediumpotensiaal-
gronde aangeplant vir die maak van hooibale
en hawer word op die laepotensiaalgronde
vir weiding aangeplant. Die grondhulpbron
word bestuur deur alle moontlike hektare
aan te plant om sodoende oorhoofse koste
te minimaliseer. Verder word geen onnodige
bewerkings gedoen nie, wat die grond se
bolaag soveel as moontlik onversteur laat.
Ten tye van minimale onkruiddruk word
oesreste op die lande gelos en verdigting op
hoëpotensiaallande word voorkom deur vee
nie daarop te laat wei nie. Grondontledings
word drie-jaarliks gedoen, waartydens die
nodige plantvoedingstowwe reggestel word.
Die verbetering van die grond lei tot ‘n ver-
mindering in die frekwensie van diepplant-
bewerkings en nat lande word volgens die
rif- en voorbewerkingsmetode gedreineer.
3: Gewaskeuses word as gevolg van droë-
landomstandighede op Porterville beperk
tot koring en kanola. Hawer vir weidingdoel-
eindes en hooibale word slegs op marginale
gronde verbou vir die klein veekomponent.
75 ha is as eksperiment met brouersgars
onder kontrak verbou om die winsmarge
daarvan met koring te vergelyk. Gars is meer
droogtebestand as koring en kan op swakker
gronde verbou word. Gars kan ook as alter-
natief vir koring dien indien reënval as gevolg
van klimaatsverandering verminder.
4: Lande word met ‘n mespuntskaar geskeur-
ploeg (gerip) voor kanola-aanplanting om
sodoende diepte in die grond te verkry en
ploegbanke op te hef, indien nodig. As ‘n
gevolg, groei kanolawortels reguit afwaarts,
vergeleke met vorige 90°-dwarsgroei. Dieper
penetrerende wortels het beter waterop-
name en dreinering tot gevolg en verbeter
wortelvorming in koringverbouing in die
daaropvolgende jaar – wat sodoende tot
beter opbrengste lei. Alhoewel onkruidbe-
heer deur middel van brand toegepas word
waar koring op koringstoppel geplant word,
is die Visagies besig om die effek van onver-
steurde oesreste op onkruid en grondstruk-
tuur, indien enige, te bestudeer.
LEDE-LANDSKAP
1
2
3
4