12 / 124
LEDE-LANDSKAP
4: Gewaskeuses word gebaseer op proewe met verskeie saadmaat-
skappye wat optimaal in die area se spesifieke omstandighede kan
funksioneer. Presisieboerdery word toegepas as ‘n samestelling van die
jongste beskikbare tegnologiese produkte. Grondmonsters word vol-
gens ruitverwysings geneem en oesmonitors word in stropers gebruik.
Veranderlike toedieningstegnologie word, in samewerking met Omnia,
ingespan en die Delta T-meter word gebruik vir die berekening van opti-
male weerstoestande tydens beplande onkruid- en plaagdoderbespui-
ting. Presisieboerdery stel die boerdery in staat om groot hoeveelhede
data in te win, wat optimale funksionering moontlik maak.
5: Kultivarkeuses berus op eie proewe, wat duidelike rigtingwysers in
die boerdery se spesifieke omstandighede bied en slegs BT-vrymielies
word geplant. Die Boshoffs gebruik omgewingsproewe as ‘n goeie
maatstaf en nasionale proewe, wat verskillende weersomstandighede
oor die lang termyn aandui, aangesien stabiliteit van kultivars oor ver-
skillende weersomstandighede heen as betreklik belangrik geag word.
Sojaboonsaadproduksie (vermeerdering en pre-basissaad) word op die
spilpunte gedoen en kultivars word uit eie saadproewe gekies.
6: Gewasverbouing behels lande wat na stroop lig bewei en met ‘n
rolmoer opgevolg word. Geenbewerkingspraktyke vir plant word op
sojaboonlande toegepas. Die grondhulpbronne word bestuur deur
jaarliks selektiewe grondmonsters te neem. Grond word, soos nodig,
met kalk en kunsmis aangevul waarvolgens die chemiese regstellings
gedoen word. Wisselbou word toegepas met mielies, sojabone en
ertjies. Wisselbou werk verhoging van opbrengs in die hand en breek
die onkruiddodersiklus. Hierdie jaar gaan die Boshoffs sojaland-op-
sojaland plant – ‘n eerste – maar met die hoop om tarentaalgrasse baas
te raak. Mielies en sojabone word op dieselfde tyd geplant – wat die
Sclerotinia-risiko bykans uitskakel.
7: Plaagbeheerstrategieë vereis ‘n bietjie kreatiwiteit van die Boshoffs,
aangesien muise in die lande groot skade aanrig. Alhoewel die uitsit
van plaagdoders wel in die verlede toegepas is, het hul nou die fokus na
‘n meer natuur-vriendelike oplossing verskuif. Die gebruik van grond-
boontjiebotter en waterbakke as lokaas werp goeie vrugte af. Verder
is ‘n groot hoeveelheid uilhuise gebou om die voortbestaan en aanwas
van uile te bevorder en as ‘n gevolg die muisbeheer op dié manier ‘n
hupstoot te gee.
8: Die finansiële sukses van die boerdery verbeter toenemend en kan
aan beter rekordhouding en personeelvermeerdering toegeskryf word.
Daarbenewens dra daaglikse rekordhouding, beplanning en inten-
siewe begrotingspraktyke by tot beter besluitneming. Begrotings vir
die volgende seisoen word met groot sorg saamgestel en bestuurs-
inligting word deurlopend gemonitor. Graan word tans in Afgri se silo’s
opgeberg, maar die Boshoffs is in proses om ‘n eie silo op die plaas
Brakfontein op te rig – hoofsaaklik vir die voerkraal.
9: Die Boshoffs weet die vraag na voedsel sal nooit stop nie en daarom
is hul as produsente se toekoms daarin verseker. Aangesien politieke
skommelinge altyd sal voorkom, bly landbou steeds ‘n basiese behoefte
wat sal bly oorleef. Jan glo die graanbedryf se winsgewendheid is
gesetel daarin om meer doeltreffend en meer produktief te wees.
Markgerigte produksie, sowel as verwerking van produkte in die
waardeketting, sal winsgewendheid bevorder. Beplanning vir die nabye
toekoms sluit verdere diversifikasie in om sodoende meer waarde tot
die voedselketting te voeg.
10: Met die voorreg om bietjie tyd tot sy beskikking te hê, is Jan dit
eens dat as jy hande in die ysters het, jy nie tyd kry om te beplan nie. Hy
glo daarin om mense te kry wat take kan verrig om sy tyd vry te maak
om die mense te bestuur – sodoende gee ‘n mens ook aan ander die
geleentheid om hande in die ratte te steek. Die Boshoffs se langtermyn-
beplanning sluit uitbreiding in, maar nie noodwendig in terme van
grond nie – eerder om dít wat daar is, optimaal te benut en in die proses
mense te verryk en op te bou. Uitbreiding en groei behels ook die
inbring van afdelings sonder om bestaande afdelings te benadeel.
7
8
9
10
5
6
4
September 2017
10