18 / 124
September 2017
16
LEDE-LANDSKAP
5: Raaigras is weerstandbiedend in die omgewing en voor-opkoms-
chemikalieë is noodsaaklik. Waar lande skoon en vry van stoppel is,
verseker goeie beheer die verlaging van weerstand teen chemikalieë.
Geenbewerkingstandplanters word gebruik vir die minste versteuring
van die grond en om akkurate plasing van saad te verseker. Kunsmis
word terselfdertyd gebandplaas om sodoende plasing in die wortel-
sone van die plant te verkry. Lande word gerol om ‘n gelyke saadbed
te verkry en sodoende die oesproses te vergemaklik, aangesien daar
betreklik laag gestroop word om maksimum kaf te herwin. Presisie-
boerdery word tans nog nie toegepas nie, maar hulle beoog om tydens
die volgende seisoen oor te skakel na presisieboerderypraktyke in die
toediening van kalk en fosfaat. Volledige presisieboerdery is tans nie
koste-effektief op droëland, waar opbrengs van reënval afhanklik is nie.
6: Tekorte van kalk en fosfaat word volgens die grondontledings aange-
vul. Gewasbemesting word streng volgens landboukundige aanbe-
velings toegepas, met vloeibare kunsmis wat tydens die plantproses
toegedien word. Kanolalande word voor-planttyd met gips gestrooi,
wat ‘n bydrae lewer tot ontkieming en verbrakking. Die wisselbou-
stelsel is ‘n verdere manier om chemikalieë af te wissel, onkruid meer
doeltreffend te beheer en siektes te verminder. Die sterk kanolawortel
verbeter grondstruktuur, wat koringproduksie maksimaliseer. Die
veefaktor is hoofsaaklik uitgeskakel, aangesien die grond in die nat
wintermaande vasgetrap word as gevolg van die hoë klei-inhoud – wat
negatief inwerk op die opgeboude grondstruktuur.
7: Opbrengs bly die belangrikste faktor tydens kultivarkeuse, met die
meerderheid van gronde wat met bekende kultivars geplant word
– wat goeie opbrengste op die tipe grond realiseer. Nuwe beskikbare
kultivars word wel jaarliks geplant om opbrengspotensiaal op hul grond
te toets en hulle streef daarna om kultivars af te wissel om sodoende
nie dieselfde kultivar in die daaropvolgende jaar op dieselfde grond te
plant nie. Opbrengsmikpunte word realisties bepaal met vyf en tien jaar
gemiddelde. Proewe word beperk tot minimale toetsing van verskeie
chemikalieë, maar aangesien eie lugbespuiting gedoen word, is die
plant van proewe minder ideaal.
8: Visagie Boerdery se finansiële bestuur word op goeie beplanning en
volledige begrotings geskoei en vir volhoubaarheid bestuur. Sentimen-
tele boerderyvertakkings word vermy en slegs vertakkings met ten
minste 25% tot 30% inkomstegenerasiepotensiaal regverdig aandag
sonder om die hoofvertakking af te skeep. Daar word in twee vertak-
kings gespesialiseer en diversifikasie met verskeie kleiner vertakkings
wat aandag verg, word ten alle koste vermy.
9: Meganisasie word noukeuring bestuur en diensregisters, instand-
houdingsregisters en -ure word bygehou vir kontroledoeleindes om
herstelwerkkostes sodoende te monitor. Hoë instandhoudingskostes en
-ure is bepalend vir die vervangingsbeleid op masjinerie en die gebruik
van kontrakteurs word totaal uitgeskakel deur die boerdery se meer as
tien trekkers, drie spuite en vyf stropers.
10: Visagie Boerdery is daarop gefokus om volhoubaar te wees en
voedsel vir ‘n vinniggroeiende bevolking te produseer. Met genoeg
koring wat geproduseer word om Suid-Afrika vir een dag van brood
te voorsien, word besigheid met integriteit gedoen en voluit geboer.
Om volhoubaar te bly en die stormwaters van landbou te oorleef, vorm
positiewe denke, geloof en vertroue die basis van hul benadering om
die tradisie en trots van Visagie Boerdery te laat voortleef.
5
7
10
8
9
6