15 / 124
4: Verminderde bewerking, met ‘n rip-op-die-ry en minimum stoppel-
versteuring, word toegepas. Ongeveer 60% word na-plant geskof-
fel en die besluit om 60 ha tot 70 ha per dag met een implement te
skoffel, word in die seisoen geneem. Ongeveer 25% van die hektare
kry topbemesting. Normaalweg kry heelwat lande voor-plantkunsmis,
word daarna geplant en topbemesting word op vier weke toegedien om
bemesting teoreties ideaal te versprei. In meer konserwatiewe seisoene
word die drie kunsmistoedienings na twee verminder.
5: Presisieboerdery word toegepas op ‘n 2 ha-ruitpatroon, wat chemies
geanaliseer en fisies gekarteer word, met variërende kalktoediening.
Met selfgeboude rippers word in drie rye geskeurploeg (gerip). Die
boerdery se kunsmisprogram is sterk gebaseer op ‘n balans tussen
teorie en wat in die praktyk werk. Eenvoudige gravitasie kunsmisbakke
word gevul met ‘n enkeltoediening van stikstof en fosfaat deur middel
van ‘n 16 ton-kapkar. As gevolg van die 1,8 m-rye word weerskante van
elke ry ge-
preplant
. In dwarsprofiele word egalige wortelontwikkeling
steeds waargeneem.
6: In teenstelling met die omgewing, word op 1,8 m-enkelrye geplant
– vergelykbaar met die Amerikaanse 30-voetstelsel en alhoewel AC al
voorheen nouer rye oorweeg het, het die noukeurige bestudering van
ander lande en chemiese toediening, dié besluit telkemale gekortwiek.
Hul spesifieke kultivarkeuse doen goed met die wyer rye, met ‘n moont-
like variëteit-verandering wat in die toekoms ‘n maklike skuif na
10 x 900’s kan regverdig. Kultivars word tans geselekteer volgens
opbrengspotensiaal – waarvoor goeie proefdata in die omgewing
beskikbaar is – uiteraard op grond van stabiliteit, siekteweerstand,
staanvermoë, beskikbaarheid en prys. Opbrengsmikpunte word streng
volgens historiese data, verteenwoordigend van die spesifieke land,
bepaal en natuurlike potensiaal volgens kartering, oorlêstatus,
vogstatus, onkruiddruk en potensiële waaiskade.
7: ‘n Wisselboustelsel word sedert 2013 nie meer gevolg nie, nadat
koring – in vaste rotasie – vir ongeveer tien jaar op ‘n kwart van die
lande met skitterende resultate vanuit ‘n agronomiese oogpunt
verbou is. Ongelukkig laat die winsgewendheid van koring veel te
wense oor en het die boerdery se operasionele kapasiteit groter
mielie-aanplantings bevorder. Mieliekultivarproewe, kunsmisproewe
en studiegroepproewe word op die plaas gedoen en die resultate met
medeprodusente gedeel. Aangesien ‘n oormaat inligting tussen al die
produsente wat proewe aanplant beskikbaar is, word kultivarkeuse ook
streng volgens historiese prestasie oorweeg. Die boerdery het min uit-
dagings wat plae en graad betref. Beheermaatreëls om springhaasrotte,
nagmuise en aalwurm onder beheer te hou, is voldoende.
8: AC se finansiële bestuur is daarop gebaseer om langtermyndoelwitte
te hê en om die korttermynhulpbronne en prioriteite tot so mate te
bestuur, dat hul langtermyndoelwitte algaande benader. Die boerdery
is sterk op groei ingestel en goeie bestuur is van kardinale belang. Kort-
en langtermynbeplanning word geskoei op inligting en stimulus wat
van medeprodusente verkry word – ver, naby en oorsee – asook leesstof
en ekskursies op die plaas en tussen lande. Volledige data en rekords
word as deel van die meganisasiebestuur bygehou en ingespan tydens
implemente se uur-beplannings. Daar is nie ‘n vaste vervangingsbeleid
ten opsigte van die boerdery se meganisasiekomponent nie, maar
nuwe toerusting word aangeskaf sodra ‘n ouer eweknie nie meer die
verlangde werkverrigting betroubaar kan handhaaf nie.
9: Arbeidsbestuur is hoog op AC se prioriteitslys en die drie plaas-
bestuurders deel in byna alle vlakke van besluitneming. Die arbeidsmag
neem verder deel aan gesprekke rondom praktiese uitvoering van take,
weeksbeplanning en werkstandaarde. AC maak staat op bestuurders se
insette ten opsigte van operasionele kapasiteit, haalbare doelwitte en
fisiese werksverdeling. As ‘n voorstander van georganiseerde landbou-
instansies, is AC ook voorsitter van die Grootpan Studiegroep tussen
Bultfontein en Hoopstad. Hy heg waarde aan gemeenskapsbetrok-
kenheid en steun skool-, mediese - en sport-inisiatiewe op die plaas en
omliggende dorpe.
10: AC beplan om op die medium tot lang termyn steeds op maksimum
groei te fokus, wat die grootste geleenthede vir beleidswysigings bied.
Sy bestuursfilosofie is verder gebaseer op balans – in beide natuur
en ekonomie. Met die vryheid om inisiatief onder die werkers as ‘n
integrale deel van sy bestuurstyl toe te laat, is AC vry om sy tyd meer
strategies aan te wend en entrepreneurskapmoontlikhede wat voordele
vir die boerdery inhou, wink op die horison. Hier is AC saam met sy
vrou, Lizelle en kinders Coenraad en Frané.
10
4
5
6
8
9
13
September 2017
7