79 / 116
OP PLAASVLAK
Geldsake
Die produsent
se vriend
S
uid-Afrika is die afgelope aantal
jare deur intense klimaatstoestande
getref, onder andere een van die
ergste kalenderjaardroogtes in die
afgelope 100 jaar. Die herstel van hierdie
uiterste natuurverskynsels vind egter nie
teen dieselfde tempo as die voorkoms
daarvan plaas nie.
“Min mense sou kon voorspel dat ons
vanjaar die grootste graanoes van alle tye
sou insamel,” sê mnr Reinhard Kuschke
(besturende direkteur: AgriSeker).
“Aangesien hierdie omstandighede boer-
derybesighede raak, het AgriSeker elke
benoude tree saam met produsente gegee.
Ons besef dat die kontantvloeidruk en
ander invloede op welvaart nie oornag
sal verdwyn nie. Daarom het ons saam
met ons onderskrywer, Land Bank Verse-
keringsmaatskappy (Lbic), strategieë in
werking gestel om die produsent te bevoor-
deel.”
AgriSeker het produkte aangepas om in
lyn met die kontantvloeikurwe van die
produsent te kom. Hulle het ‘n unieke pro-
duk geskep, waar die produsent self die
betaalterme van die oesversekeringspolis
kan beding om sy kontantvloei te pas.
“Omdat ons daagliks eise kan uitbetaal,
stel ons die produsent in staat om, nadat
hy skade gely het en dit getakseer is,
onmiddellik met sy werksaamhede te
kan voortgaan,” sê Kuschke. Omdat Lbic
so onwrikbaar is om landbouers te on-
dersteun, het hulle hierdie fasiliteite
goedgekeur. Volgens Kuschke word die
betaalvaardigheid verder gerugsteun deur
‘n herversekeringspaneel van hoogstaande
internasionale standaarde.
Hy sê AgriSeker se buigsaamheid en
finansiële stabiliteit stel hulle in staat om
oesversekeringseise vinnig en akkuraat af
te handel. AgriSeker bied vertroue en fi-
nansiële risikobestuurswaarde aan die
landbouer. Daar is egter nog veel meer wat
die maatskappy aan die produsent bied.
“Ons het ‘n aantal jare gelede ‘n strate-
giese besluit geneem om die produsent
met inligting te voorsien wat hom in sy
risikobestuur en -beplanning kan onder-
steun. Deur die
Cumulus
, ‘n weeklikse
nuusbrief, kommunikeer ons inligting oor
die onmiddellike klimaats- en weersom-
standighede met ons kliënte. Een van die
bes gekwalifiseerde landbouweerkundiges
in die land doen weekliks verslag oor
wat gedurende die somermaande ge-
beur het en wat ons te wagte kan wees
wat weersake betref. Ons lewer ook ‘n
innoverende moniteringsdiens waar die
jongste satellietinligting verwerk word.
Hierdie verwerkte data gee waarde aan die
nuusbrief en stel inligting aan die produsent
beskikbaar om sy risikobestuursprogram
uit te voer,” het hy gesê.
AgriSeker se kundigheid word deur ‘n
uitgebreide streeksbestuursnetwerk onder-
steun.
“Ons twaalf satellietkantore bedien die
hele Suid-Afrika met die beste tegnologie
om ons kliënte van kundige advies te
voorsien. Ons is ook trots daarop dat ons
alle tussengangers en versekeringsagente
jaarliks oplei en akkrediteer om te verse-
ker dat die beste en mees toepaslike advies
jou as produsent toeval,” sê Kuschke.
“Ons beskik ook oor tegniese en taksasie-
kundigheid.”
Alle assessors word jaarliks geakkrediteer
en sodoende word slegs die beste kundig-
heid aangewend om verliese vinnig en
akkuraat te bepaal sodat dit spoedig
afgehandel kan word. Ons voeg waarde
tot jou boerdery toe met die mees toepas-
like werkwyse, kundige produktoepassing
en advies binne die konteks van ons
statutêre verpligting. Hierby voeg ons
verbintenis met die Land Bank (wat vir
vyf jaar agtereenvolgens ‘n skoon en on-
gekwalifiseerde oudit van die Ouditeur-
Generaal ontvang het) verder waarde toe
aan ons diens.
Produk-inligting
ELRITA SCHÜTZE,
AgriSeker
77