34 / 116
Produk-inligting
Nuwe koringkultivars vir besproeiing
D
ie ontwikkeling van verbeterde koringkultivars met hoë
opbrengsvlakke, goeie kwaliteitseienskappe en weer-
stand teen die heersende plantsiektes bly Sensako se
hoofprioriteit.
Die nuutste weerstandsgene teen die heersende en verwagte aar-,
wortel- en blaarsiektes van kleingrane word deur dié saadmaat-
skappy in kultivarontwikkeling aangewend om plantweerstand te
beskerm, met voordele soos laer siektebeheerkostes, verlengde
rakleeftyd van kultivars en verlaagde risiko van verbouing.
Genetiese materiaal, wat die stikstofverbruikvermoë van kultivars
onder besproeiing sal verbeter, sal optimale produksie teen
laer insetkostes moontlik maak. Water- en elektrisiteitskostes
in besproeiing is insetkostes wat dramaties gestyg het. Vir elke
besproeiingsprodusent is dit ’n koste wat ’n betekenisvolle impak
op die gewasbegroting maak. Kultivars wat water meer doeltreffend
verbruik, word ontwikkel om die kostes te verminder sonder om
die opbrengs te benadeel.
Navorsingsresultate dui daarop dat verskeie kultivars die vermoë
het om steeds goeie opbrengste (minder as 1 t/ha verlaging)
te lewer met verminderde watertoedienings. Die praktyk gaan
egter steeds hand-aan-hand met die navolging van besproei-
ingskeduleringsriglyne om plantbeskikbare water optimaal te be-
stuur om opbrengspotensiaal te ontwikkel en te beskerm.
Ontwikkeling van kultivars vir besproeiing
sluit in
SST 8135 – ‘n hoëpotensiaalkultivar met ‘nmedium-kort groeiperiode,
goeie weerstand teen geelroes en poeieragtige meeldou, goeie
stabiliteit, staanvermoë, uitstekende graderingskwaliteit en graan-
eienskappe.
Die bestaande reeks kultivars, SST 895, SST 875, SST 835, SST 806,
SST 866, SST 884 en SST 843, verteenwoordig steeds die wenpak-
ket vir opbrengs met uitstekende graankwaliteit.
Belowende kultivars vir kommersialisering is SST 8125, SST 896,
SST 8154 en SST 8155. Die durumkultivars SSD 8154 en SSD 8133,
wat skoonskip maak in die gespesialiseerde nismark wat opbrengs,
staanvermoë en pastakwaliteit betref, is kommersieel beskikbaar.
Onthou: Nuwe kultivars het hoër opbrengspotensiaal en optimale
gewasbestuur met spesifieke bestuurs- en bemestingspraktyke moet
gevolg word om die verhoogde genetiese potensiaal te verwesenlik.
Sensako kultivars word versprei deur Senseed, deel van die VKB-
groep.
FOKUS
Besproeiing
Spesiale
DR WILLEM OTTO,
bemarkingskoördineerder, Sensako