30 / 112
FOKUS
Diere
Spesiale
Oktober 2016
28
Skaapprodukte verhoog melkproduksie,
lamvoedingstatus en wolgroei
V
oedingsbehoeftes vir wolproduksie is behoeftes bo en
behalwe die ooi se voedingsbehoeftes vir fisiologiese
produksie- en reproduksiestadiums. Die primêre voedings-
behoeftes vir wolproduksie is tweeledig, te wete proteïen
en energie.
Omdat wol ‘n suiwer proteïen is, is ‘n proteïenryke rantsoen
noodsaaklik vir optimale wolproduksie. Weiding is in die algemeen
proteïen-arm – veral wat swawel-bevattende aminosure betref.
Hierdie aminosure moet dus in die vorm van deurvloeiproteïen
aangevul word.
Wat dít betref hou RCL Foods se Super Lam- en Ooikorrels
(V26508), Lam- en Ooilek (V25056), Wolmeester Konsentraat
(V19782) en Elite Block (V26008) ‘n groot voordeel in, in die sin
dat die aminosuursamestelling tydens formulering in ag geneem
word. Die energie word benodig vir optimale benutting van proteïen
vir wolproduksie, asook vir die vorming van wolvet.
Navorsing het bewys dat voeding in laatdragtigheid ‘n groot invloed
op die lam se wolproduksiepotensiaal uitoefen. Deur ‘n te hoë
en te lae voedingspeil te verskaf, het die lammers ‘n verskil van
34% in geboortegewig gehad. Die kleiner lammers het by geboorte
15% minder wolfollikels gehad, maar ook ‘n groot aantal onvol-
wasse follikels.
Die verskil in follikelaantal is tot op die volwasse stadium gehand-
haaf – wat ‘n hoër veseldikte by die klein lammers tot gevolg gehad
het. Die klein lammers het as volwasse diere 8,5% minder wol met
‘n hoër veseldikte geproduseer.
Indien lammers ook na geboorte voedingstremming ervaar, sal
wolproduksie permanent benadeel word. Die grootste effek van
voeding op die lam se wolproduksie vind plaas gedurende die
eerste maand na geboorte, omdat 70% tot 80% van die potensiële
wolfollikels gedurende hierdie periode volwassenheid bereik.
‘n Ooi wat twee lammers soog, elk met ‘n groeitempo van
350 g/dag, is so produktief soos ‘n melkkoei in pieklaktasie wat
30 kg melk/dag produseer. Die ooi se energiebehoeftes is 70%
hoër as gedurende die vorige twee weke van dragtigheid. Om te
verhoed dat sy liggaamsvet verloor, sal haar energiebehoeftes ge-
lykstaande aan drie maal onderhoudspeil moet wees.
Dit is egter onprakties om sodanige voedingspeile te bereik.
Liggaamsvetreserwes is dus baie kritiek gedurende vroeë laktasie
en gevolglik behoort die gebruik van liggaamsvet tot hierdie periode,
eerder as gedurende laatdragtigheid beperk te word.
Indien die korrekte voedingsbeginsels gedurende mid- en laat-
dragtigheid gevolg word, behoort die ooi oor minstens 75% van die
vet wat met paring teenwoordig was, met lam te hê. Tot 50% van
die vet kan gebruik word om energie vir melkproduksie te voorsien,
wat weer eens die belangrikheid van die optimale kondisiepunt van
3,5 (op ‘n skaal van 1 tot 5) met paring beklemtoon.
Ondervoeding van ooie in laatdragtigheid veroorsaak ‘n verlaagde
melkproduksie met lam, wat lei tot swak moedereienskappe en
hoër lamvrektes. Hoewel die voeding van die laatdragtige ooi baie
belangrik is vir uierontwikkeling en kolostrumproduksie, toon na-
vorsing dat die ooi se voedingspeil ná lam ‘n nog groter invloed op
melkproduksie het.
RCL Foods se klaargemengde lek, konsentraat, blok en produk-
siekorrels vir ooie met lammers, sal bogemelde voordele vir die
skaapprodusent verseker. Wat egter belangrik is om te onthou, is
dat dit nie net die hoeveelheid proteïen is wat belangrik is nie,
maar dat die hoeveelheid kwaliteit deurvloeiproteïen in die aan-
vulling net so belangrik is.
Voer Super Lam en Ooikorrels, Lam en Ooilek, Wolmeester
Konsentraat (nadat dit gemeng is met sout en mieliemeel) en
Elite Block teen 300 g/ooi/dag tot 400 g/ooi/dag gedurende laat-
dragtigheid en verhoog ooie se inname na 400 g/ooi/dag tot
500 g/ooi/dag gedurende laktasie afhangende van meerlingstatus,
weidingskwaliteit en die kondisie van die ooie.
Vir verdere inligting rakende Epol- en Molatek-skaapprodukte vir
ooie vir onderhoud, produksie of ‘n volledige voeroplossing, skakel
jou naaste RCL Foods-verteenwoordiger.
Produk-inligting
VLOK FERREIRA,
nasionale tegniese bestuurder: Herkouers, RCL Foods
Goed gebalanseerde aanvullings stimuleer melkproduksie.