SA Graan Oktober 2015

92 / 112

®
Kontak gerus ons kliëntediens by: 011 790-8200
of
DEKALB® enMonsanto isgeregistreerdehandelsname
vanMonsantoTechnologyLLC.
MonsantoSuid-Afrika (Edms)Bpk, Posbus69933,Bryanston,2021.
PLANT JOU SUKSES
Groei jou wins natuurlik met DEKALB®mielies!
DEKALB® spog noumet nuwe geelmieliebasters wat by uitstek geskik is vir die
besproeiingsgebiede. DEKALB® is sinoniemmet innoverende idees, uitstekende
kiemplasma en saad waarop jy kan vertrou.
Uiters geskik
vir besproeiings-
gebiede
DKC62-80BR GEN
DKC64-78BR GEN
DKC62-84R
DKC61-90
DKC64-54BR
DKC65-52BR
DKC63-53
Kultivars
uppe marketing A13057
AKTUEEL
Genetika se groeikamers
kry nuwe (helderder) baadjie
Vyf MSc-studente van die Departement Genetika se Plan-
teteeltlaboratorium is van die eerste Maties wat die ge-
leentheid kry om hul graanproewe in die gemoderniseerde
groeikamerfasiliteite van die Fakulteit AgriWetenskappe
uit te voer. Onder hulle is me Irma van Zyl, wat eksperimente uit-
voer om kruisbaarheid en stuifmeelvloei in kleingrane te ondersoek.
Wandile Ngcamphalala, Jabulani Mthembu, Nondumiso Cebehulu
en SW Meintjes se navorsing hou verband met die Planteteelt-
laboratorium se koringvoortelingsprogram.
Met die draai van ‘n skakelaar kan hulle die spektrum van lig wat
op die plante skyn, verander en sodoende weet dat die temperature
in die groeikamer konstant sal bly. Die geriewe is verbeter danksy
die Fakulteit AgriWetenskappe se Strategiese Fonds, waardeur
R2 miljoen opsy gesit is. “Daardeur wil ons seker maak ons bly op
die voorpunt van graan- en genetikanavorsing in Suid-Afrika, tot
voordeel van die plaaslike industrie,” verduidelik dr Michael-John
Freeborough, bestuurder van die Fakulteit AgriWetenskappe.
Die gebou op die Welgevallen Proefplaas waarin dit gehuisves is,
is destyds deur die Koringraad ingerig. Dit het egter in onbruik
begin verval. “Die beligting was baie energie-ondoeltreffend
en verouderd en moes met die hand verander word, terwyl
instandhouding ‘n kwessie geraak het,” vertel planteteler
Willem Botes van die Departement Genetika. Die bestaande agt
groeikamers binne die gebou is gesloop en die ruimte herbenut om
ses nuwe groeikamer-eenhede en ‘n voorbereidingsarea in te rig.
Elke kamer het ‘n kleinerige ingangsarea met ‘n dubbeldeurstelsel
om temperatuur beter te bestuur en ook aspekte rondom bioveilig-
heid aan te spreek. Nuwe werksareas en energiebesparende LED-
beligting waardeur temperature beter gereguleer kan word, is ook
deel van die opgradering.
“Hoewel die gebruik van LED-beligting al hoe meer algemeen in
huishoudings word, is dié groeikamerprojek een van die eerste van
sy soort in Suid-Afrika wat hierdie soort beligting gebruik,” ver-
tel Botes. Die stelsel is deur ‘n Suid-Afrikaanse verskaffer,
Tech Trend, ontwerp en geïnstalleer. Buiten die Planteteeltlaborato-
rium, word die geriewe ook gereeld gebruik deur die Departement
Agronomie en prof Anna-Maria Oberholster van die Departement
Genetika se Graangenomikalaboratorium. Daar word beoog om die
oorblywende kapasiteit ten opsigte van groeikamers beskikbaar
te stel vir ander navorsers binne die Fakulteit AgriWetenskappe.
“Dit is ideaal vir navorsers wat ‘n behoefte het om eksperimente
in ‘n groeikamer uit te voer onder spesifieke, beheerde lig- en tem-
peratuurtoetstande,” vertel Botes.
ENGELA DUVENAGE, Fakulteit AgriWetenskappe, Universiteit van Stellenbosch
Planteteler Willem Botes van die Departement
Genetika en MSc-student Irma van Zyl aan die
werk in een van die groeikamers.