67 / 84
Sewe-stap miljoenêrsplan vir dames
D
it is moontlik om in ‘n gebroke wêreld sprankelend te
leef. Met hierdie boodskap het Monsanto hul kliënte se
vroue sielskos gegee by die jaarlikse vrouedae wat op
Lichtenburg, Wolmaransstad, Bethlehem, Heidelberg en
Middelburg aangebied is.
Elke vrou is ook bederf met ‘n geskenk, kos en dekor uit die boon-
ste rakke en strelende harpmusiek van Christy-Lyn, wat deel-
geneem het aan vanjaar se nasionale sangkompetisie,
The Voice
South Africa
.
Me Milanie Vosloo, sakevrou en skrywer, wat jaarliks saam met
Monsanto die vrouedae aanbied, het tydens haar verwelkoming aan
die dames gesê dat jy nie kraakvry hoef te wees nie. “Om te sprankel
hang nie af van ‘n volmaakte wêreld nie. Moenie teen die vloei
van die lewe baklei nie, want jy gaan net spartel. Al wat jy moet doen,
is om te bly in die vloei van ‘n volmaakte God,” het sy gesê.
Die gasspreker, me René du Preez, ‘n finansiële adviseur, het
gesels oor wat ‘n miljoenêrsvrou tipeer. Sy het gevra: “Hoeveel
dink julle sou Steve Jobs (stigter van Apple), wat ongeveer 8 miljard
dollar gehad het toe hy dood is, betaal het vir meer tyd saam met
sy gesin?” Almal was dit eens dat hy al die geld of nog meer sou
wou gee.
Du Preez se sewepuntplan vir vroue is soos volg:
Skryf jou doelwitte neer.
Ontwikkel die regte geloof en gewoontes.
Bepaal jou kennis, kundigheid en vaardighede, strategieë en
taktiek om jou doelwitte te bereik.
Kry die regte ondersteuning.
Neem die eerste stap in jou plan.
Evalueer jou resultate en verander jou gedagtes en aksies.
Geniet jouself en deel jou suksesresep met ander.
Deel van om sprankelend te wees, is om terug te gee aan die
gemeenskap. Me Magda du Toit (korporatiewe kommunikasiebe-
stuurder, Monsanto SA) het gesels oor die ontwikkelingsprojekte
wat onder die nuwe sambreelprogram,
imbewu
, sorteer. Dit sluit
onder andere in: Besigheidsontwikkeling (Buhle Farmers Academy),
vaardigheidsopleiding (Graan SA ontwikkelingsprojek) en sosiale
ontwikkeling (Khulisa Social Solutions, werkskadu, boomplantdae,
sportbyeenkomste, ‘n bussieprojek en Mandeladag).
‘n Ontwikkelingsprojek vorm jaarliks deel van die vrouedae. Die
dames wat dit bywoon, het al oor die jare komberse, blikkieskos,
skryfbehoeftes en toiletware vir minderbevoorregtes ingesamel.
Verlede jaar is besluit om ‘n studiebeurs vir ‘n landboustudent
te gee en R10 000 is aan mnr Chris van der Merwe geskenk om
‘n honneursgraad in landbou-ekonomie aan die Vrystaatse Univer-
siteit te voltooi. Meer inligting oor die 2017-ontwikkelingsprojek sal
later bekend gemaak word.
65
November 2017
AKTUEEL
RUTH SCHULTZ,
SA Graan/Grain
medewerker
1
4
5
2
3
1: Die Graan SA-dames het die Monsanto
Vrouedag op Heidelberg terdeë geniet.
Van links is: Magda du Toit, Petru Fourie
(navorsingskoördineerder en produksiekoste-
analis, Graan SA), Luzelle Botha (komitee-
beampte, Graan SA), Christy-Lyn en Alzena
Gomes (skakelbeampte, Graan SA).
2: Pragdekor soos dié het elke vrou spesiaal
laat voel.
3: Priscilla Krugel (Heidelberg) het
René du Preez, regs, se boek,
The ordinary
millionare
, by die vrouedag gekoop.
4: Rina Uys (Heidelberg) het haar vriendin van
Meyerton, Bonnie Blaauw, na die vrouedag
saamgenooi. “Met ses kinders, ses skoon-
kinders en 14 kleinkinders, is ek verseker ‘n
miljoenêr,” het Rina met ‘n breë glimlag gesê.
5: Met haar ongelooflike stem en die “hemelse”
musiek wat sy op haar hefboomharp speel,
het die talentvolle Christy-Lyn die vroue
laat terugsit en vir ‘n oomblik van hul bekom-
mernisse laat vergeet.
Produk-inligting