49 / 72
Integrasie verhoog
dié besigheid se wins
D
ie Neethlings van die Bredasdorp-omgewing bedryf ‘n ge-
mengde boerdery waar die veevertakking uit ‘n melkery en
skaapvertakking bestaan. Volstruise vorm ook deel van die
boerdery. Twee broers, mnre Niel en Jacques Neethling,
bedryf die boerdery gesamentlik.
Die saaivertakking produseer hoofsaaklik koring, gars en kanola
vir die kontantmark, terwyl hawer, korog en lupiene vir die vee
as weiding en kuilvoer aangeplant word. Heelwat lusern word vir
die vee aangeplant en ook as wisselbougewas vir die saaiboer-
dery gebruik.
Regstelling van grond
Om graan volhoubaar te produseer, moet die grond in staat gestel
word om dit te kan doen. Dit is hier waar Niel se hoofprioriteit lê.
Weens boerderypraktyke wat voorheen toegepas is, is die grond se
voedingstatus en die hoeveelheid organiese materiaal daarin baie
laag. Hierdie aspekte moet reggestel word en Niel probeer om met
behulp van voortreflike planne die saak om te keer.
Wisselbou met verskillende kontantgewasse is ‘n praktyk wat inge-
span word, maar so ook die gebruik van langtermyn-weidingsge-
wasse. Hierdie weidingsgewasse word deur die vee benut, terwyl
die melkery se mis aangewend word om die grond se voedingstatus
aan te spreek.
Die oesreste word só bestuur dat die maksimum materiaal vir so lank
as moontlik bo-op die grond gehou word.
Vertakkings komplementeer mekaar
Vir enige boerdery om volhoubaar te kan wees, moet die verskillen-
de vertakkings mekaar komplementeer. In hierdie boerdery gebeur
dit beslis. Die weidings wat verbou word, help met die beheer van
gewassiektes en onkruide, die vee wat die weidings benut, ge-
nereer organiese bemesting vir die grond en die mis afkomstig uit
die melkery, help om die gewasse se produksie te verhoog.
Wisselbou is ‘n integrerende deel van die stelsel omdat dit die
grond bevoordeel, onkruid teenwerk en die volhoubaarheid van die
boerdery verseker.
Besproeiing
Niel en Jacques verbou ook besproeiingsmielies onder ‘n spilpunt.
Die mielies word gekuil en die kuilvoer word as voer vir die melkery
aangewend. Niel gebruik die spilpunt as sy laboratorium om die
effek van wisselbou, mistoediening, oesreste wat nie bewei word
nie en direkte plant (
no till
) te toets.
Dit maak dat hul vinnig die verandering en die effek van verande-
ring kan meet. Die mielies word direk in die koringstrooi geplant
sonder om iets aan die strooi te doen terwyl die koring direk in die
mieliestoppels geplant word.
Volgens Niel het hierdie proef aan hom getoon dat hulle op die regte
pad is wat verbouingstelsels betref. Die grondlewe is hervestig,
erdwurms is volop en die hoeveelheid klippe op die bo-grond het
aansienlik verminder.
47
May 2016
OP PLAASVLAK
Bestuurspraktyke
Graanprodusent van die Jaar
– Graan SA/Syngenta Graanprodusent van die Jaar-finalis
PIETMAN BOTHA,
SA Graan/Grain
medewerker
1: Niel Neethling by van sy melkkoeie.
2: Die Neethlings boer in die Bredasdorp-
omgewing en is vertroud daarmee om land wat
baie styl is, te bewerk. Hulle verbou hoofsaaklik
koring, gars en kanola vir die kontantmark
terwyl hawer, korog en lupiene vir vee as
weiding en kuilvoer aangeplant word.
1
2