52 / 72
Mei 2016
50
OP PLAASVLAK
Bestuurspraktyke
Die stropermonitorkaart vorm hier die bron van inligting. Die gronde
is oorspronklik volgens die presisiemetode ontleed en bemesting-
stowwe is, waar nodig, reggestel. Met onlangse ontleding is bevind
dat hierdie metode van bemesting volgens onttrekking resultate
lewer. Daarom was die regstellings in die tweede rondte baie minder
as in die eerste rondte.
Sy lande word bestuur volgens die produksiepotensiaal daarvan. Die
lande word as ‘n A-, B- of C-land (volgens potensiaal) geklassifiseer
en hiervolgens word dit, wat gewasse en bemesting betref, bestuur.
Rekordhouding
Sonder behoorlike rekordhouding en beplanning is enige boerdery
gedoem. Hierdie boerdery is ook deel van ‘n studiegroep wat die
kostes, inkomste en winste van vertakkings met mekaar en tussen
deelnemers vergelyk.
Die studiegroep dwing hulle om die rekords op datum te hou en
om die inligting te ontleed en sin daarvan te maak. Hierdie inligting
word derhalwe nie net vir die bankbestuurder bygehou nie, maar
voeg geweldig waarde tot die boerdery toe. “Ewe skielik maak dit
sin om die syfers by te hou en ons leer ontsaglik baie by mekaar,”
verduidelik hy.
Niel noem dat hulle ‘n ander interessante vertakking in die boerdery
ingebring het, naamlik om beleggings buite die boerdery op die
aandelebeurs te maak. Hierdie beleggingsvertakking het hulle in-
teressante lesse geleer. Deur te vra wat is werklik nodig vir die boer-
dery, kan verkeerde kapitaalaankope maklik voorkom word. Tog
moet aankoop van kapitaalgoedere en nuwe tegnologie nie gestaak
word as dit werklik benodig word nie, maar moet dit die effektiwi-
teit en doeltreffendheid van die besigheid verhoog.
Hy maak gereeld van kundige persone gebruik om te help met
produksiebesluite. Hierin speel die verteenwoordigers in sy gebied
‘n belangrike rol. Hulle help met aanbevelings ten opsigte van
bemesting asook watter chemiese middels waar en wanneer en teen
watter dosis gespuit moet word.
Herwinning
Plastiek is ‘n produk wat op enige plaas maklik tot omgewings-
besoedeling aanleiding kan gee. Op hierdie plaas word plastiekver-
pakkingsmateriaal sinvol bestuur. Die plastiek word bymekaar
gemaak en dan na die dorp geneem vir herwinning en herbenutting
of vernietiging.
Die werkers is al mooi opgelei om plastiekverpakkings te versamel
en te berg totdat daar ‘n geleentheid dorp toe is. Dit vereis egter
bietjie organisering om ‘n geleentheid dorp toe vir plastiek te kry.
Niel gebruik die instansies wat afleweringswerk doen om sommer
die plastiek wat versamel is, na die dorp te neem.
Toekoms
Hy is positief oor die toekoms. Hy glo dat daar ‘n blink toekoms vir
graanprodusente voorlê en dat die bedreiging wat grondhervor-
ming inhou, sinvol bestuur kan word. Dit is egter vir hom belangrik
dat nuwe toetreders tot die landboubedryf doeltreffende mentors
kry wat hulle kan oplei en sorg dat hulle ‘n sukses van hul besighede
sal maak.
Daar is nog baie om te vertel van dié boerdery, maar nie genoeg
spasie in hierdie artikel nie. Kontak gerus vir Niel Neethling by
082 8963 545 of Pietman Botha by 082 759 2991 as jy meer wil
hoor.
6: Die gewasse word met ‘n direkte
plant-planter geplant.
7: Niel en sy broer, Jacques, by die
werkers. Agter: Hein Toerien,
Eben Toerien, Andries Roode en
Brendon Rossouw. Middel:
Theuns October, Renaldo Ward,
Hendrik Filander, Donnie Evertson,
Tiaan Toerien, Jannie Beukes,
Burnett de Waal en Jacques Neethling.
Voor: Niel Neethling, Jenoline Beukes
en Dominique Toerien.
Integrasie verhoog wins
6
7