36 / 116
FOKUS
Saad
Spesiale
Hoë temperature se invloed
op mielies tydens bestuiwing
LEONARD OBERHOLZER,
tegniese ontwikkelingsbestuurder: Monsanto SA
D
ie ongewone warm temperature wat die afgelope tyd
ondervind is saam met min of laat reën, het uiteenlopende
gevolge op mielieproduksie. Een aspek wat geraak word,
is bestuiwing.
Bestuiwing in mielies kan negatief beïnvloed word deur lang tyd-
perke van hoë temperature. Baie warm temperature het nie net ‘n
negatiewe uitwerking op die produksie van stuifmeel nie, maar ook
op die vrugbaarheid en vrystelling van stuifmeel.
Verder kan buitengewone hittetoestande ook baardvorming op die
koppe vertraag wat veroorsaak dat die stort van die stuifmeel en die
baardvorming nie gesinchroniseerd is nie.
Droogtestremming teenoor
hittestremming
Wanneer daar genoeg grondvog beskikbaar is, sal hittestremming
nie noodwendig groot skade by mielies veroorsaak nie, maar wan-
neer droogtestremming met hoë temperature gepaardgaan, sal ‘n
mens ‘n meer nadelige uitwerking op bestuiwing waarneem.
Die invloed van hoë temperature op die
vorming van baarde
Baardvorming moet aanhoudend en terselfdertyd plaasvind ter-
wyl die stuifmeel vrygestel word om goeie bestuiwing te verseker.
Baarde wat minder vatbaar raak vir stuifmeel en wat sterf tydens
bestuiwing, kan lei tot swak bestuiwing.
Wanneer die temperatuur bo 35
o
C is en die humiditeit laag is, kan dit
veroorsaak dat baarde vroeg doodgaan.
Baard groei teen ‘n tempo van 2,5 cm tot 4 cm per dag wanneer dit
begin verskyn totdat dit bestuif word. Warm weer vertraag nie die
tempo waarteen baard verleng nie, maar wel die hoeveelheid nuwe
baarde wat uit die kop se skutblare groei.
Swak bestuiwing is gewoonlik as gevolg van die baarde wat ophou
groei tydens hitte- en droogtestremmingstydperke, maar stuifmeel
wat steeds gestort word ongeag die groei van die baard. Wanneer
die baarde dan weer normaal begin groei (sodra daar weer genoeg
vog beskikbaar is), is daar dikwels nie meer stuifmeel beskikbaar nie.
Hitte se invloed op stuifmeelstorting
Stuifmeelstorting by mielies vind plaas wanneer daar gelyktydig ‘n
verhoging in temperatuur en ‘n verlaging in humiditeit is. Stuifmeel-
storting vind gewoonlik vroegoggend plaas, wanneer temperature
nie te warm is nie, met nog ‘n storting wat laatmiddag kan plaasvind,
wanneer dit weer koeler is.
Hoë humiditeit en temperature kan stuifmeelstorting dus negatief
beïnvloed en by temperature bo 30
o
C kan die hoeveelheid stuifmeel
wat gestort word, verminder.
‘n Enkele pluim kan vir ‘n week lank stuifmeel stort, met die meeste
stuifmeel wat binne twee tot drie dae gestort word. Stuifmeelstor-
ting kan deur hoë temperature en droë weer versnel word. Wan-
neer warm weer ‘n paar dae voor en gedurende stuifmeelstorting
voorkom, word die stuifmeelproduksie van die plant verminder.
Stuifmeel word aanhoudend uit die stuifmeelsakkies vrygestel soos
wat hulle ryp word, totdat al die stuifmeel vrygestel is. Die stuifmeel
het ‘n baie dun buitenste membraan wat veroorsaak dat dit slegs ‘n
kort tyd aan die lewe kan bly.
1: Nuwe baardontwikkeling.
2: Baarde wat aanhou groei as gevolg van ‘n stuifmeeltekort.
3: Blaarontwikkeling by ‘n mieliekop.
4: Stuifmeel.
5: ‘n Baard by ‘n mieliekop.
6: Stuifmeel aan die pluime.
7: ‘n Stuifmeelstortende pluim.
8: Swak bestuiwing as gevolg van droogtestremming.
1
2
5
3
4
Maart 2016
34