80 / 92
Julie 2015
78
Jy moet meet om te kan weet en
jy moet weet om te kan besluit
I
n die omgewing van Klipheuwel in die Swartland, is waar die
Blanckenberg-familie hul besigheid bedryf. In hierdie boerdery
is daar voorsiening gemaak dat die drie Blanckenberg-broers
(Koos, Vlok en Philip) saam met hul pa, Boy, dié besigheid kon
uitbrei en laat groei.
Hierdie landboubesigheid bestaan uit onder meer ‘n groot saai-
boerdery waar daar hoofsaaklik koring, hawer en kanola vir die
kontantmark verbou word. Verder word daar ook ‘n groot melkery
asook ‘n skaap- en vleisbeesboerdery bedryf.
Omdat die skaap en vleisbeeste weiding vereis, word medics in
wisselbou met die saaiboerdery geplant. Ten einde vir die melkery
genoeg rumateriaal te verskaf, word daar onder besproeiing mielies
vir kuilvoerproduksie aangeplant en daar word ook hawerkuilvoer
vanaf droëlande geproduseer.
Ten einde só ‘n groot en intensiewe boerdery te bestuur, is ‘n
spanbenadering van kardinale belang. Dit is hier waar die waarde
van goeie verhoudinge en die vermoë om saam te kan werk, ekstra
gewig dra.
Dié boerdery se bestuur bestaan uit vier direkteure – die drie
Blanckenberg-broers en hul pa, Boy – wat elk ‘n eie rol vervul en
die verantwoordelikheid van elke onderskeie rol moet dra. Besluite
word gewoonlik gesamentlik deur die direksie geneem en tydens
gereelde vergaderings word die beplanning, vordering en prestasie
bespreek en bestuur.
Omdat hierdie boerdery op ‘n daaglikse basis ten volle moet kan
funksioneer, is daaglikse kommunikasie baie belangrik. Die direk-
teure kom soggens vroeg bymekaar waar die werksaamhede vir die
dag en aspekte rakende die nabye toekoms bespreek word.
Aksieplanne en verantwoordelikhede word uitgesit en dan na die
werkers gekommunikeer. Maandeliks sit die bestuur om die vol-
gende maand se vooruit- en seisoensbeplanning te doen en hier
is ‘n besluitelys, notule en agenda uiters belangrik. Die aksies
wat uitgevoer moes word, die aksies wat uitgevoer is en die stand
van sake, word onder meer tydens hierdie vergaderings bespreek.
Familieboerdery
Vir enige familieboerdery en -besigheid is dit van uiterste belang
dat die lede goed kan saamwerk. In hierdie besigheid is daar gebruik
gemaak van ‘n spesialis om die lede van die direksie se persoonlik-
hede asook sterk- en swakpunte te bepaal en ‘n werkswyse daar te
stel oor hoe om hierdie uiteenlopende persoonlikhede op die regte
plek aan te wend en te laat saamwerk.
Elke lid van die bestuur is dus gemaklik in sy werk en die lede weet
wat mekaar gelukkig maak en ongemaklik laat voel. Hierdie kennis
is van onskatbare waarde en dit help tot ‘n groot mate dat die
kommunikasie tussen die lede van die direksie baie goed is en bly.
Koos noem ook dat daar soms struwelinge is en dan maak hul
weer van hul konsultant gebruik om die situasie aan te spreek en
die bestuur te help om die saak reg te stel. Goeie kommunikasie,
tydige gesprekke en die vinnige regstel van probleme, help om baie
groot probleme te voorkom.
Om te meet, is om te weet
Die inbring van ‘n skaal in die boerdery het ‘n baie groot
OP PLAASVLAK
Familieboerdery / Spanbenadering / Kommunikasie
Bestuurspraktyke
PIETMAN BOTHA,
SA Graan/Grain
medewerker
Graan SA/Syngenta Graanprodusent van die Jaar-finalis
1: ‘n Baie besonderse familiefoto van die Blanckenbergs: Philip en Letanje met hulle drie kinders, Hendri, Mandi en Francois; Vlok en Elrita met Hendrik,
Boy en Hester; ouma Marie en oupa Boy en Koos en Cornele saam met Boy (agter), Hanu en Kobus.
1