18 / 44
16
PROMOSIE-ARTIKEL
Desember 2015
droogtebestandheid van kultivar
DIRK HANEKOM,
Agricol
A
gamax is gedurende die 2011-seisoen vrygestel en het die af-
gelope vyf jaar bewys dat dit seker die kultivar is met die mees
stabiele opbrengs. Of die jaar nou voorspoedig verloop en of ongun-
stige weerstoestande voorkom, neig die kultivar voortdurend om ‘n
bogemiddelde opbrengs te produseer.
Vanjaar het die Swartland seker een van die moeilikste seisoene nóg
beleef met heelwat van die areas wat minder as die helfte van die
langtermyngemiddelde reënval ontvang het. Nieteenstaande word
daar uit verskeie oorde verneem dat Agamax die lae grondvogtoe-
stande uitstekend hanteer het en dat boverwagte opbrengste behaal
is, ten spyte van die lae reënval.
By mnr Johannes Joubert, in die Heidelberg-distrik, het die kultivar
‘n opbrengs van sowat 2,3 t/ha gemiddeld gegee. By mnr Hendrik
Pienaar, wat boer in die Vleesbaai-area naby Mosselbaai, het die kul-
tivar opbrengste van tot 1,8 t/ha gegee. Volgens mnr Kobus Horn,
van Riversdal, het sy Agamax oor die 2 ton geskiet.
By mnr Rennie Brink, in die Koeberg-area, is ‘n gemiddelde op-
brengs van 2,2 t/ha behaal met ‘n totale reënval van 283 mm vir die
seisoen met omtrent geen beduidende neerslae gedurende
September en Oktober nie. Ten spyte hiervan, het die Agamax nog
steeds ‘n uitstekende opbrengs behaal en volgens Brink kon dit selfs
beter gewees het as die besmetting van Sclerotinia nie so swaar
was nie.
So wat maak dit so ‘n besonderse
kanolakultivar?
Resultate van navorsing deur die Departement van Biotegnolo-
gie van die Universiteit van die Wes-Kaap gedoen, het nou ‘n ver-
duideliking aan die lig laat kom van Agamax se bewese vermoë om
selfs onder moeilike omstandighede nog steeds ‘n goeie opbrengs
te lewer.
Volgens hulle lei droogtestres tot die oor-akkumulasie van reaktiewe
suurstof spesies wat plantgeprogrameerde selafsterwing induseer.
Superoksied-dismutase is ‘n ensiem wat die vorming van reaktiewe
suurstof spesies inhibeer.
Verhoogde vlakke van hierdie ensiem is waargeneem in die kultivar
in vergelyking met die ander genotipes in die studie. Dit verklaar
hoekom die kultivar, veral in ‘n moeilike jaar, uitstaan en hoekom dit
die voorkeur kultivar moet wees met risikobeplanning wanneer daar
besluit word op die reeks van kultivars wat aangeplant word.
Vanjaar het weer eens bewys dat produsente beslis moet oorweeg
om eerder ‘n pakket van lang- en kortgroeiseisoenkultivars te plant.
Nie net gee dit ‘n mate van versekering teen moontlike moeilike
jare soos vanjaar nie, maar verlig ook wel die druk tydens oestyd
aangesien kultivars met verskillende groeiseisoenlengtes neig om
wel op verskillende tye oesgereed te wees. Agricol beskik oor ‘n
reeks van kultivars wat aan hierdie behoefte kan voldoen.
1: Christof Muller van Agricol saam met Johannes Joubert in ‘n land Agamax.
2: Die droogtebestandheid van die kultivar is duidelik sigbaar (links) en word verklaar deur verhoogde vlakke van
Superoksied-dismutase waargeneem in die Agamax-genotipe.
1
2