27 / 112
Produk-inligting
Geniale trekkertegnologie
S
edert Fendt-trekkers vanjaar by die NAMPO Oesdag
bekend gestel is, gaan dit voort om opslae by boeredae
en demonstrasies te maak. En dit is geen wonder nie,
want só ‘n geniale kombinasie van trekkertegnologie is
nog nie voorheen in Suid-Afrika gesien nie.
Dit is veral die vlagskip, die Fendt 1000 Vario-reeks van 291 kW tot
380 kW, wat graanprodusente aan die praat het. Die Fendt 1000
Vario is ‘n konvensionele wieltrekkerreeks, maar daar is niks
konvensioneels daaraan nie. Daarvoor sorg tegnologie wat
werkverrigting en brandstofekonomie na ‘n nuwe vlak neem, sê
mnr Cornie Tosen, nasionale verkoopsbestuurder vir Fendt by
BHBW Suid-Afrika (voorheen Barloworld Agriculture).
Die hart van dié trekkers is VarioDrive, die eerste trekkertransmissie
ter wêreld wat onafhanklike vierwielaandrywing moontlik maak.
Dit sorg vir die ideale wringkragverspreiding na die voor- en
agterasse, sodat die trekker sy volle 380 kW op die grond neersit.
Ses massiewe wiele (die vlagskip Fendt 1050 Vario se agterbande
is amper 2,35 m in deursnee) dra hiertoe by, sê Tosen.
“Wringkrag word outomaties versprei na die wiele met die beste
traksie, wat power hop uitskakel en ook die draaisirkel met 10%
verminder.”
Met VarioDrive bou die maatskappy voort op sy Vario-transmissie
wat sedert 1995 die standaard stel vir deurlopend-wisselende
transmissies in landbou. Meer as 250 000 Vario-transmissies is al
deur die maatskappy vervaardig.
Die Fendt 1000 Vario is ook die eerste trekker waarvan alle kompo-
nente wat krag verbruik (van die 12,4 liter MAN-sessilinderenjin
en VarioDrive-transmissie tot die waaier en hidrouliese stelsel)
volgens ‘n omvattende lae-enjinomwentelinge-hoë-wringkragbe-
ginsel genaamd Fendt iD ontwerp is. Die gevolg is uitsonderlike
lae brandstofverbruik.
Maksimum wringkrag van 2 400 Nm word van 1 100 tot 1 500
omwentelinge per minuut gehandhaaf. Maksimum kraglewering
en wringkrag sowel as die laagste spesifieke brandstofverbruik
word teen net meer as 1 400 opm bereik en gehandhaaf danksy
die VarioDrive-transmissie wat die werkspoed outomaties by
toestande aanpas.
Van 200 m/h tot 40 km/h werk die enjin dus konstant teen optimale
omwentelinge, wat brandstofverbruik per hektaar verlaag en die
dienslewe van die enjin en ander komponente verleng.
Die enjin word verkoel deur ‘n waaier wat aan sy buitekant geleë is
en deur sy eie hidrostatiese motor aangedryf word en is ontwerp
om in temperature van tot 45°C te werk. Só word verdere energie
bespaar.
“Van groot belang vir plaaslike grondbewerkings- en plantpraktyke
is dat hidrouliese vloei tot 430 liter per minuut verhoog kan word,
met twee onafhanklike hidrouliese kringe wat 220 liter en 210 liter
onderskeidelik lewer,” sê Tosen.
Fendt-trekkers is beskikbaar met kraglewering van 51 kW tot
380 kW. In Suid-Afrika fokus BHBW, afgesien van die Fendt 1000
Vario, op die volgende reekse vir graanprodusente: Die Fendt
900 Vario (199 kW - 243 kW), Fendt 800 Vario (162 kW - 206 kW)
en Fendt 700 Vario (94 kW - 162 kW). Al dié reekse is toegerus met
die Vario-transmissie.
Jou behoefte, jou trekker
Trekkers word gespesifiseer en volgens individuele behoeftes in
die fabriek in Duitsland gebou. Oor die vier reekse heen is daar
byvoorbeeld ‘n keuse tussen sowat 300 verskillende opsies, om
seker te maak die eindproduk voldoen perfek aan spesifieke
vereistes, sê Tosen.
“Opsies is onder meer beskikbaar ten opsigte van hidrouliese vloei,
bandgrootte, belading, presisieboerdery, die kajuit en ’n funksie
genaamd Grip Assist, waarmee banddruk by enkelwiele outomaties
uit die kajuit verstel kan word.”
Fendt word direk bemark deur BHBW, die gesamentlike onderne-
ming tussen Barloworld en die Duitse groep BayWa AG, wat ook
die wêreld se grootste Fendt-handelaar is.
25
August 2017
FOKUS
Werktuie en toerusting
Spesiale
ANITA VAN ZYL,
namens BHBW Suid-Afrika
1: Suid-Afrika se eerste Fendt-trekker, ‘n Fendt 1042 Vario van 320 kW, is verkoop aan
Thys Pottas (tweede van regs) wat tussen Kroonstad en Welkom boer. By hom staan
Charles van Niekerk (besigheidsontwikkelingsbestuurder by BHBW), Roland Schuler
(lid van BayWa AG se bestuursraad) en Godfried Heydenrych (uitvoerende hoof
van BHBW).
2: Cornie Tosen (nasionale verkoopsbestuurder vir Fendt by BHBW).
1
2