24 / 112
Produk-inligting
Augustus 2017
22
Bewaringsboerdery in rygewasse
– die regte planterkeuse is die sleutel tot sukses
D
eesdae is daar geen kommersiële produsent
wat nie die
beginsels van bewaringsboerdery begryp en ondersteun
nie. Die definisies is egter wyd en uiteenlopend, maar
die feit dat natuurlike hulpbronne soos grond en water
nie hernubaar is nie, motiveer ons almal om dit met groot sorg te
hanteer en aan te wend.
Daar is nie ‘n “regte” en “verkeerde” benadering nie – net verskillende
opinies – wat verskillend gemotiveer en aanvaar word. Ongeag of
die keuse op konvensionele -, minimum- of geenbewerking val om
die gestelde doelwitte te bereik, sal die keuse van die spesifikasies
van die rygewasplanter bepalend wees in die suksesvolle bereiking
daarvan.
Eenvoudige, basiese beginsels
Die plant van rygewasse is nie ingewikkeld nie en die volgende
doelwitte moet bereik word:
Presiese plantdiepte, soos vereis en vooraf bepaal.
Korrekte saad-tot-grondkontak, verkry met die korrekte
kompaksievlakke.
Presiese en korrekte interplant-afstande, elke pit, elke keer.
Korrekte plasing van die korrekte hoeveelheid kunsmis.
Min of geen variasie in bogemelde wanneer planttoestande
varieer.
Eenvoudige en maklike verstelling van die planter om die
bogemelde doelwitte te bereik.
Die enigste werklike verskil tussen plantervereistes in konvensio-
nele -, minimum- en geenbewerkingstoestande lê hoofsaaklik in die
vermoë van die plantereenheid om plantreste te hanteer (minimum-
en geenbewerking) sowel as om die fermer grondstruktuur tydens
geenbewerking te hanteer.
‘n Goed-ontwerpte konvensionele planter behoort geredelik aan-
gepas te kan word om in minimumbewerkingstoestande te
kan plant deur eenvoudig ryskoonmakers aan te bring en ‘n
opwaartse verstelling van die druk op die ry-eenheid. Dit gee die
produsent die geleentheid om dieselfde planter onder verskillende
bewerkingstoestande aan te wend.
Geenbewerkingsplanters is gewoonlik ontwerp om deur groot
hoeveelhede plantreste te sny sonder om van ryskoonmakers
gebruik te maak. Dit sal masjiene vereis wat meer druk op die
snyskywe kan plaas om die snywerk effektief te doen. Ook sal die
hoër druk op die plantereenheid gebruik word om meer druk op
die kompaksiewiele te plaas om in fermer grond steeds goeie
saad-tot-grondkontak te verkry.
Kuhn – ‘n planter vir alle toestande
Kuhn vervaardig rygewasplanters vir verskillende toestande in sy
fabrieke in Frankryk en Brasilië.
Die Kuhn Maxima 2-reeks is pneumatiese presisieplanters wat
gemik is op die konvensionele en minimumbewerkingsomgewing.
Modelle is beskikbaar in vier-, ses- en agt-ryformaat, 75 cm of
90 cm gespasieer en albei in sleep- en driepuntmontering beskikbaar.
Toevoeging van die ryskoonmakers verander die Maxima 2 in ‘n
planter wat effektief minimumbewerkingstoestande kan hanteer.
Die planteenheid is op ‘n parallelogram gemonteer, wat presisie-
diepte-plant in variërende grondkontoere ondersteun.
Kuhn Maxima PG en PDMPG Prime is ontwerp en gebou vir
geenbewerkingstoestande. Planters is beskikbaar in vier-, ses-, agt-,
tien- en twaalf-ryformaat, 45 cm, 75 cm en 90 cm gespasieer en in
sleepweergawe beskikbaar.
Die PDMPG Prime is toegerus met sentrale saadvoorsiening en
V-set Precision® uitmeeteenhede wat deur die Elliot Flexshaft-
transmissie aangedryf word vir minimum onderhoud en optimale
presisie.
FOKUS
Werktuie en toerusting
Spesiale
MARIUS RAS,
bemarkingsdirekteur, Rovic Leers
1: Die Kuhn Maxima 2.
2: Die Kuhn PG Prime.
1
2