28 / 112
Produk-inligting
Augustus 2017
26
Prysmededingendheid
vir klante verbeter
S
trategiese veranderings het dikwels ‘n beduidende effek
op besigheid. NWK Meganisasie het in die afgelope
paar jaar ‘n hele paar veranderings van dié aard deurleef.
NWK Korporatiewe Bemarking en Kommunikasie het
mnr Louis Lange (meganisasiebestuurder: NWK) genader om te hoor
wat die stand van sake is na New Holland se moedermaatskappy
onlangs ‘n groot aankondiging gemaak het.
Tydens NAMPO 2017 het CNH, die moedermaatskappy van New
Holland, bekend gemaak dat die invoerregte voortaan direk
hanteer gaan word en hulle dus nie meer gebruik gaan maak van
invoerders nie.
Een skakel minder in die voorsieningsketting na die eindverbrui-
ker gaan verseker prysmededingendheid vir die klant verbeter.
Dit opsigself gaan die produk se markaandeel verhoog en die
vooruitsigte is dat New Holland sy regmatige plek in die Suid-
Afrikaanse landboumark gaan inneem.
NWK is baie positief hieroor – veral weens die feit dat die strategie
ook die maatskappy se besigheidsdoelwitte gaan ondersteun.
Waar het alles begin?
In die verlede het NWK verskeie produkreekse gelyktydig
hanteer (Fiat, Ford, Massey Ferguson en John Deere) – en later
jare ook nog New Holland en Case. Die aanbieding van verskeie
produkte het NWK genoodsaak om ‘n redelike swaar besigheids-
model/-struktuur daar te stel, wat duur was om te onderhou.
Na vele oorwegings is daar in 2011 ‘n besluit geneem om Megani-
sasie se struktuur meer vaartbelyn te maak en om in die toekoms
slegs met ‘n enkelagentskap (New Holland) besigheid te doen. Die
strategie was eenvoudig om die Meganisasiedepartement meer
koste-effektief te bedryf sonder om diensvlakke daarmee saam in
te boet.
Twee volwaardige bedryfspunte (Lichtenburg en Sannieshof) is
behou, asook onderdelebedryfspunte op Ottosdal, Delareyville,
Mareetsane en Koster.
Drie en ‘n half jaar gelede is ‘n besluit goedgekeur dat Meganisasie sy
operasionele gebied kan vergroot en bedryfspunte is op Delmas en
Middelburg geopen. Die hoofrede was risiko- en kosteverspreiding,
asook nuwe besigheidsmarkte wat ontgin kon word. Beide die
bedryfspunte dra wesenlik by tot die omset en bruto wins van die
Meganisasiedepartement.
Die Delmas-bedryfspunt het in die afgelope finansiële jaar die
winslyn oorgesteek. Dit word alles toegeskryf aan groeiende
besigheidsvertroue tussen NWK en die klante in die Mpumalanga-
gebied – iets waarvoor NWK se bestuur en aandeelhouers waar-
dering het.
En die toekoms...?
NWK Meganisasie bly by sy hoofdoelwit: Om Meganisasie
volhoubaar winsgewend te bedryf sodat dit as departement ook
deel kan vorm van die positiewe bydraers tot NWK se winste. Die
departement het die pas afgelope finansiële jaar daarin geslaag
om ‘n redelike sterk ingreep op sy doelwit van volhoubare
winsgewendheid te maak en het sy finansiële posisie met bykans
40% verbeter teenoor die vorige finansiële jaar.
Meganisasie voorsien ook ‘n beter seisoen na aanleiding van beter
klimaatstoestande wat die departement in die komende seisoen te
wagte kan wees.
Die personeel is reeds belyn om by die maatskappy se be-
sigheidstrategie in te pas en is gerat om produsente van die bes
moontlike diens en naverkoopdiens te verseker.
CNH het ook sy besigheidsvertroue in NWK bevestig deur die
bestaande bedieningsarea waarvoor die maatskappy tans verant-
woordelik is, te vergroot en die Vryburg-, Tarlton- en Brits-gebied is
ook aan NWK toegeken.
Die Meganisasiedepartement se bestuur handhaaf ‘n “oop
deur”-beleid: Alle produsente is welkom om te kom inloer en oor
‘n koppie koffie met ons te kom gesels oor die New Holland
produkreeks, asook die ander produkreekse wat in die NWK
Meganisasiestal aangebied word.
Lange en sy span staan reg om jou van diens te wees.
FOKUS
Werktuie en toerusting
Spesiale
KORPORATIEWE BEMARKING EN KOMMUNIKASIE,
NWK
New Holland CR-stropers – lank reeds 'n gunsteling onder Noordwes-produsente.