78 / 84
76
KORING:
2015 se data bespreek
F
ebruarie is nie net die maand van die liefde nie. Dit is ook ‘n
baie belangrike maand in die kalender van alle koring-
produsente in Suid-Afrika.
Die Nasionale Koringkultivarevalusiewerkgroep se jaarlikse ver-
gadering vind gewoonlik in Februarie plaas. Tydens hierdie
vergadering word die data van die vorige seisoen getoets teen
kundiges in die koringbedryf en die aanbevelings vir die komende
seisoen word gefinaliseer.
Alhoewel verskeie ander organisasies en maatskappye ook kulti-
varproewe doen, het die LNR-Kleingraaninstituut (LNR-KGI) die
mandaat om die Nasionale Koringkultivarevaluasieprogram in al die
verskillende produksiegebiede in Suid-Afrika uit te voer.
Hierdie program is die enigste een waar die totale stel syfers op ‘n
openbare forum bespreek word en dit verteenwoordig die enigste
stel objektiewe kultivardata. Die inligting wat hiermee genereer
word, word wyd versprei aan produsente op verskillende forums
soos boeredae, inligtingsdae, asook die populêre media.
Die resultate is verder ook belangrik omdat dit deur die onderskeie
saadmaatskappye vir bemarkingsdoeleindes en besluitneming ge-
bruik word.
Tydens die afgelope vergadering van hierdie werkgroep, op
11 Februarie 2016, het die komitee (wat bestaan uit verteenwoor-
digers van saadmaatskappye, Graan SA, die Universiteite van die
Vrystaat en Stellenbosch, SANSOR, die onderskeie Departemente
van Landbou en ander rolspelers) weer eens die program geëvalueer
ten einde te verseker dat die proewe wetenskaplik uitgevoer en die
data objektief en korrek weergegee word.
Hierdie program vorm die ruggraat van die
Produksiehandleidings
wat jaarliks uitgegee word. Aangesien produksiepraktyke en kulti-
varaanbevelings van streek tot streek verskil, word twee afson-
derlike handleidings in Afrikaans en Engels gepubliseer. Die een
handleiding, waarin die droëland- en besproeiingsgebiede se inlig-
ting verskyn, is spesifiek gerig op die somerreënvalgebied en die
tweede op die winterreënvalgebiede.
Belangstellendes kan vir me Elri Burger by 058 307 3507 of me
Eveline Mofokeng by 058 307 3400 kontak vir meer besonderhede.
Die handleidings sal ook tydens die Graan SA NAMPO Oesdag van
17 tot 20 Mei by die LNR-KGI se stalletjie in die Microbial Solutions-
saal beskikbaar wees.
AKTUEEL
ANNELIE BARNARD,
LNR-Kleingraaninstituut, Bethlehem
Belanghebbendes wat die vergadering bygewoon het, is: Willem Botes
(Universiteit van Stellenbosch), Willem Kilian (LNR-KGI), Lebogang Jack
(Departement van Landbou, Noordwes), prof Sakkie Pretorius
(Universiteit van die Vrystaat), Walter Mokgobu (DAFF), Eddie
Goldschagg (SANSOR), dr Willem Boshoff (Pannar), dr Cobus le Roux
(LNR-KGI) en dr Francois Koekemoer (Sensako).