16 / 92
April 2015
14
TERUGBLIK
Kongres
Spesiale
en om te verseker dat gemeenskaplikhede op die pad vorentoe
gevind word om sodoende die Nasionale Ontwikkelingsplan
(NOP) prakties te laat werk. Gibbs het afgesluit deur die idee
van ‘n tipe “oorlogskamer” vas te stel. Dit sal verseker dat alle
betrokkenes (insluitende relevante regeringsbelanghebbendes,
die private sektor en veral die boeregemeenskap) bymekaarkom
om probleme aan te spreek om die gaping deur dialoog te
sluit om sodoende vorentoe te beweeg op ‘n wedersydse en
gemeenskaplike basis.
Dr Visser het ‘n oorsig van die graanproduksieplan aan Kongres
voorgelê – ‘n bloudruk vir landbou se toekoms oor die volgende
vyf jaar en het verder beklemtoon dat navorsing en ontwikkeling
slegs sal slaag in samewerking met die regering.
Graan SA het in die laaste drie jaar verhoudings gebou met sleutel
strategiese regeringsvennote en is deel van ‘n formele forum wat
kwartaalliks byeenkom om kwessies en gemeenskaplike belange te
bespreek, wat Graan SA ook die geleentheid gebied het om insette
te lewer in sleutelkommoditeitsdokumente en -beleide.
Praktiese implementering van
grondhervorming
Die tweede kongresbespreking, geopen met ‘n voorlegging deur
mnr Japie Grobler (voorsitter: Agri Sektor Eenheidsforum [ASUF])
het die praktiese implementering van grondhervorming gedek.
Tydens die aanbieding van ‘n werksdokument, het Grobler klem
gelê op die belangrikheid van suksesvolle grondhervorming binne
die konteks van die handhawing van die produktiewe kapasiteit
van die land, die instandhouding van binnelandse voedselseker-
heid, die vermoë om minderbevoorregte buurlande te ondersteun
en waardevolle buitelandse valuta deur uitvoere te verdien.
Die paneel het bestaan uit mnre Schalk Pienaar (voorsitter: Agbiz),
Andrew Makenete (direkteur: Manama Hole en Musa Capital)
en Ralph Swart (eienaar: Swart Boerdery en die 2014 Nuwe Era
Kommersiële Boer van die Jaar).
Pienaar het bevestig dat grondhervorming (en by definisie die
finansiering daarvan) slegs suksesvol sal wees as die ware doel-
wit daarvan is om volhoubare, lewensvatbare en ekonomiese
voedselproduksie te verseker, wat beaam is deur Ralph Swart se
bevestiging dat grond eienaarskap die grootste probleem regdeur
die land is, te saam met boerdery wat volhoubaar moet wees.
Mnr Andrew Makenete het verder praktiese voorstelle vir grondher-
vorming bespreek en aangedui dat grondhervorming in Suid-Afrika
‘n gebalanseerde siening benodig. Hy het verder die belangrikheid
van die landbousektor beklemtoon en het afgevaardigdes verseker
dat almal deur die proses ontnugter is as gevolg van die stadige pas
aan die een kant en onsekerheid aan die ander – en alhoewel baie
geld reeds spandeer is, is dit nie goed bestee nie.
In sy toespraak het Makenete verskeie voorstelle en opsies bespreek
en tot die konklusie gekom dat daar beslis ‘n nuwe benadering tot
grondhervorming benodig word, aangesien navorsing aandui dat
grondplafonne in die algemeen nie ‘n goeie idee is nie. Makenete
het verder beklemtoon dat internasionale beste praktyke beduidend
toon in die guns van familieplase wat beter werk as dié van korpo-
ratiewe plase, en wie se saak bepleit moet word.
‘n Eerste in die industrie – Momentum
Finansiële Welstand vir Graan SA-lede en
hul plaaswerkers
In ‘n eerste vir die landboubedryf, het Graan SA ook ‘n finansiële
welstandsproduk vir sy lede en hul plaaswerkers bekend gestel,
in ‘n opwindende nuwe strategiese vennootskap met Momentum.
Lees gerus op bladsy 22 meer oor dié vennootskap.
Die pad vorentoe
Kongres se vertroue in die Graan SA-bestuur is weer bevestig met
die herverkiesing van die voorsitter, mnr Louw Steytler, sowel as
beide visevoorsitters, mnre Andries Theron en Victor Mongoato in
hul onderskeie ampte.
Graan SA bedank alle rolspelers, borge en vennote wat bygedra het
tot ‘n uiters suksesvolle 2015 Kongres. Ons sien uit daarna om in
die komende jaar hande te vat om ‘n verskil in georganiseerde
landbou teweeg te bring en ‘n positiewe en sinvolle bydrae te lewer
tot voedselsekerheid in ons mooie land.
2: Graan SA se leierskap wat Kongres voorafgegaan het: Nico Vermaak
(bestuurder: Korporatiewe Dienste), Louw Steytler (voorsitter),
Jannie de Villiers (uitvoerende hoofbestuurder), Andries Theron (visevoor-
sitter) en Victor Mongoato (visevoorsitter).
3: Dawie Spies (Manne van die Woord) het Kongres op ‘n gepaste wyse
geopen.
2
3
Kongres 2015 beklemtoon
volhoubare graanproduksie gedurende
grondhervorming