15 / 92
Kongres 2015 beklemtoon
volhoubare graanproduksie gedurende
grondhervorming
G
raan SA-lede, regeringsamptenare, landbourolspelers en
ander belanghebbendes het op 4 en 5 Maart by NAMPO
Park byeengekom vir die jaarlikse Graan SA Kongres.
Die tema “Volhoubare graanproduksie tydens grondher-
vorming” het van meet af aan beloof om belangrike gesprekspunte
uit te lig en lewendige debatte aan te moedig.
Die Kongresagenda het onder meer die Minister van Landbou, Bos-
bou en Visserye, mnr Senzeni Zokwana, as hoofspreker ingesluit
sowel as ‘n insiggewende voorlegging deur mnr Kip Tom (besturen-
de lid van Tom Plase LLC, Indiana, VSA).
Die agenda het bykomend gefokus op die versoening van die
Nasionale Ontwikkelingsplan en voedselsekerheid sowel as ‘n na-
vorsingsfokus vir die graan- en oliesadebedrywe vir volhoubare
produksie. Ter aansluiting hierby, is die praktiese implementering
van grondhervorming ook breedvoerig bespreek.
In die oudiovisuele voorsittersverslag het mnr Louw Steytler (voor-
sitter: Graan SA) en mnr Jannie de Villiers (uitvoerende hoofbe-
stuurder: Graan SA) die hoogtepunte van die voorafgaande jaar
uitgelig, die strategiese fokus van die organisasie vir die komende
jaar bevestig en produsente verseker dat Graan SA, as gevolg van
droogtetoestande in die komende jaar, hulle volle gewig sal ingooi
om ons produsente deur hierdie moeilike tyd te dra. Die oudio-
visuele verslag het verder aan lede ‘n blik agter die skerms gegee
op die organisasie se werksaamhede in die verskeie afdelings. Die
video is ook beskikbaar op die Graan SA-webtuiste.
Minister Zokwana bevestig dat droogte se
impak prioriteite verander
In sy toespraak het minister Zokwana sy verbintenis tot die Suid-
Afrikaanse graanbedryf sowel as die regering se bereidwilligheid
om saam met georganiseerde landbou volhoubare graanproduksie
te verseker, bevestig en het produsente vers verseker dat nuwe
markte vir hul produkte verkry sal word, ten spyte van die huidige
droogtetoestande.
Die minister het verder klem gelê op die aanwending van tyd en
hulpbronne om volhoubare produksie te handhaaf en het ‘n beroep
op alle belanghebbendes in die waardeketting gedoen om insette te
lewer en ondersteuning te gee om ‘n ramp – nie net vir die produsente
nie, maar vir die hele sektor – te voorkom.
‘n Staande applous vir die minister is voorafgegaan deur sy beroep
op die Graantrusts om hul vennootskappe met Graan SA voort te
sit, om sodoende volhoubaarheid in landbou se oorgangstyd te
verseker na hy afgevaardigdes die versekering gegee het dat die
Departement baie naby aan ‘n deurbraak is om die probleme van
nuwe era kommersiële boere, wat sukkel om finansiering te bekom,
op te los.
Volhoubare graanproduksie tydens
grondhervorming
Mnr Kip Tom het tydens sy voorlegging die datawetenskap waar-
mee hy besig is aangespreek om sodoende klem te plaas op maniere
om die produktiwiteit in ons sektor en in Suid-Afrika te bevorder.
Tom was beïndruk deur die waarneembare passie van Suid-Afri-
kaanse produsente en wou graag sy kennis deel oor hoe dataweten-
skap ‘n rol in die produsent se besigheid speel om volhoubaarheid
te verseker, die omgewing te bewaar, verhoogde produktiwiteit
te bewerkstelling en om seker te maak elkeen doen sy deel om ‘n
alewig groeiende globale populasie te voed – 9,3 miljard teen 2050
om presies te wees – en dit met dieselfde natuurlike hulpbronne,
soos grond en water, wat vandag tot ons beskikking is.
Tom het ter afsluiting nie net klem gelê op die versameling van data
nie, maar ook die analisering daarvan sodat insig in die data verkry
kan word en dienooreenkomstige voorstelle gemaak kan word wat
lei tot die stabiliteit om te eksperimenteer en beperkte kanse ten
volle te benut.
Voedselsekerheid en volhoubare produksie
Die eerste paneelbespreking, gelei deur mnr Max du Preez (skrywer,
joernalis en analis) het hom ten doel gestel om oplossings te
oorweeg om volhoubare produksie te bewerkstellig tesame met
voedselsekerheid vir Suid-Afrika.
Die paneel het bestaan uit mnr Roelf Meyer (direkteur: In Trans-
formasie inisiatief), brigadier-generaal John Gibbs (KwaZulu-Natal
melkboer, wetenskaplike en lid van die SANW reserwemag) en
dr Marinda Visser (bestuurder: Bedryfsdienste, Graan SA).
1. In ooreenstemming met die tema het Meyer klem gelê op hulle
doelwit om verskillende sienswyses nader aan mekaar te bring
13
April 2015
TERUGBLIK
Kongres
Spesiale
ALZENA GOMES,
skakelbeampte, Graan SA en foto’s:
JOANIE SCHEEPERS,
JEANÉ MEYER
en
ESTIE DE VILLIERS,
SA Graan/Grain
redaksie
1: Graan SA Kongres 2015 in sitting.
1