NAMPO 2019

80 / 140

78
Graan|Grain
produkinligting
NWK is die oudste landboumaatskappy in die land en
sal op 4 Mei vanjaar sy 110de bestaansjaar vier. Hoe­
wel Senwes en Suidwes ook in 2019 hierdie groot myl-
paal gedenk, is NWK ’n rapsie ouer as hulle.
Die maatskappy het ’n beskeie begin en ’n kleur-
ryke geskiedenis. Dit is op 24 April 1909 gestig, en op
4 Mei daardie jaar amptelik as De Lichtenburg Coöperatieve Land-
bouw Maatschappij onder die Co-operative Societies Act no. 17 of
1908 geregistreer.
Landboukoöperasies het in 1909 soos paddastoele verrys om-
dat produsente na die sluit van die Vrede van Vereeniging in 1902
tot uiterste armoede gedwing is. Die koöperatiewe beweging het
sy oorsprong in Denemarke gehad en die Transvaalse regering het
gevolglik die hulp van ’n Deen, Stilling Anderson, ingeroep. Produ­
sente het besef dat die beste manier om produksie behoorlik aan te
help en te kanaliseer, deur koöperatiewe optrede was.
NWK moes tydens die onderskeie dekades talle uitdagings in ’n
toenemend moeilike ekonomiese klimaat die hoof bied. Mnr Theo
Rabe, hoof uitvoerende beampte, skryf dié maatskappy se oorle­
wing toe aan ’n konserwatiewe benadering tot besigheid, gesonde
oordeel en positiewe kontantvloei.
“Ons is geseën met kundige en lojale direksielede en personeel
wat ’n geweldige invloed op die onderneming gehad het. Ons het
sterker anderkant uitgekom. Hierdie kon ook nie gebeur het sonder
ons Hemelse Vader wat ons uit genade bygestaan het nie,” het Theo
bygevoeg.
Hul hersiende visie – jou dinamiese vennoot in ’n veranderende
besigheidsomgewing – behels dat die maatskappy klantgerig is.
Daar word besef dat in ’n toenemend kompeterende mark, uitne-
mende klantediens van onskatbare waarde is.
Nuwe maatskappykultuur
Theo en die hoof van transformasie, Benedict Modise, het in
Januarie en Februarie vanjaar meer as 2 700 kilometer afgelê en
64 sessies by die maatskappy se onderskeie bedryfspunte in Noord-
wes, Mpumalanga en Gauteng aangebied waartydens hulle dié
hersiende strategie aan sowat 1 350 werknemers verduidelik het.
“Dit is só ’n belangrike konsep, dat ons self hierdie boodskap
aan werknemers moes bring,” het Theo verduidelik. “Dit is ’n kultuur
wat van binne geskep word. Werknemers moet innoverend, doel-
gerig en dinamies wees om tred te hou met klante se veranderende
behoeftes.”
NWK glo daaraan om ’n agent van positiewe verandering te
wees vir die gemeenskappe waarbinne dit sake doen.
Die jeug se onderrig lê die maatskappy na aan die hart. Hulle
het sewe jaar gelede, in samewerking met Noordwes-Universiteit se
Potchefstroomkampus, die Ikateleng-projek (dit beteken bemagtig
jouself) van stapel gestuur. Dit is daarop gemik om matriekuitslae te
verbeter en toelating tot tersiêre instellings te verhoog.
2018 se top 18-matriekleerlinge van die Ditsobotla-distrik, is
in Januarie tydens ’n spoggeleentheid vereer. Elkeen het ’n
skootrekenaar van die maatskappy ontvang wat hulle nou vir hul
tersiêre studies kan aanwend.
Die NAMPO Oesdag vind in NWK se verjaarsdagmaand plaas
en klante kan uitsien na lekker winskopies en ’n wye reeks produkte
om dit saam met hulle te vier. Kom besoek gerus NWK Retail se stal-
letjie in die NAMPO-saal.
Daar sal iets wees vir die hele gesin – van gebruiksartikels tot
die nuutste modes vir jou gunsteling buitelug-aktiwiteit. Dit sluit in
Cat-stewels vir mans en vroue; Jeep-stewels vir vroue; Salomon
Speedcross 4-skoene vir mans en vroue; Kaufmann-bottelflesse,
-kompakte kampeerstoele, -koelsakke en -herlaaibare soekligte;
Jeep-pette; Toms-materiaalhoede; Hawke-teleskope, -verkykers
en -laserafstandmeters; Buffalo River-sesstukslagstelle; Tramontina-
messe; Buzz-koelhouers; Silent Hunter-knaldempers; Tarzan Limpopo-
vellies; Canvas-koelhouers; Tonglite-braaitange; Addis- opvoubare
trolliekratte; Titan-boeregereedskapstelle; Tradequip-sweismasjien-
omskakelaars ( inverter welders) en auto darkening-sweishelms;
Artemis-luggewere en KWC-CO 2-pistole; Cytac-handwapenholsters
en vele meer.
Lede van die NWK-lojaliteitsprogram gaan nóg meer voordele
uit dié unieke program kan put tydens NAMPO. Diegene wat tydens
die Oesdag en tot einde Mei vir die Lojaliteitsprogram registreer,
kan ’n prys ter waarde van R3 000 wen. Enige geregistreerde klant
wat tydens NAMPO by die NWK Retail-stalletjie koop, kan boonop ’n
koopbewys ter waarde van R15 000 van Lekkeslaap losslaan.
Verder kan alle klante wat aankope by die stalletjie doen,
’n deel van meer as R20 000 se pryse wen. Diegene wat vir die
Lojaliteitsprogram geregistreer is, kom boonop ook in aanmerking vir
die Lekkeslaap-geskenkbewys.
Nicolene Smalman, NWK
NWK Retail se stalletjie by vanjaar se NAMPO Oesdag sal iets vir elke
smaak hê! Vriendelike verkoopspersoneel staan gereed om jou met
enige navraag by te staan.
Suid-Afrika se oudste
landboumaatskappy vier
110de verjaarsdag
P
2019