NAMPO 2019

75 / 140

73 Graan|Grain
produkinligting Dit is ’n feit soos ’n koei dat die landbousektor in Suid-
Afrika die ruggraat van ons nasie se ekonomiese sta-
biliteit vorm en dit bly ook steeds een van die grootste
werkverskaffers in die land. Sonder kundigheid, tegnolo-
gie, vaardighede en die optimale gebruik van beskik-
bare grond, infrastruktuur en toerusting, sal dit beslis ’n
perd van ’n ander kleur wees.
Om volhoubare landboupraktyke vir ons land se toekoms te
verseker, wat gepaard gaan met die kwessie van voedselsekuriteit
en die tegnologiese revolusie wat ons vandag in landbou sien, is dit
baie belangrik dat daar in die formele onderrig en ontwikkeling van
voornemende boere belê word. As uitvloeisel van die selfbemagti­
ging met kennis en vaardighede, kan dié boerderye nie anders as
om meer lewensvatbaar te wees en ’n volhoubare toekoms vir die
kommersiële produsente van môre te bied nie.
As gevolg van ’n reusebehoefte in tersiêre opleiding in die land-
bouwetenskappe, het die Noordwes-Universiteit (NWU) van Januarie
vanjaar hulle landbouprogramme ook na die Potchefstroomkampus
uitgebrei vir ’n formele kwalifikasie in dié rigting. Twee BScAgric-pro-
gramme mag dalk so rég in jou kraal pas!
Ons bied voorpuntopleiding van hoë kwaliteit aan wat jou
toelaat om ’n graadkursus in BScAgric met Landbou-ekonomie en
Agronomie of Grondkunde en Agronomie te volg.
Ons navorsing
1. Die NWU se navorsingsgroep vir geïntegreerde plaagbeheer
(IPM) fokus op toegepaste, ekologiese navorsing met betrekking
tot artropode en nematodes wat gewasse en diere in Suid-Afrika
parasiteer. Navorsing oor landbouverwante dierparasiete word
ook gedoen.
2. Ons landbou-ekonome se navorsing fokus op mededingend-
heid, waardekettinganalise, prystransmissie, internasionale han-
del, landbou-ontwikkelingstrategieë asook markintelligensie en
-inligting.
3. Navorsing word ook gedoen oor herlewingslandboustelsels, wei-
dingsbestuur, veldverbetering en die herstel van veld na die be-
heer van bosindringing.
4. Navorsingsaktiwiteite in gewasfisiologie fokus op die impak van
klimaatsverandering op gewasproduktiwiteit. Die effek van ver-
hoogde CO2-vlakke, droogte en temperatuur op gewasse word
ondersoek. Verder word alternatiewe gewasse ondersoek vir
droogte- en temperatuurtoleransie.
5. Navorsingsprojekte in die toepassing van presisieboerdery word
tans ontwikkel.
Johan van Zyl, namens die Noordwes-Universiteit
Formele landbou-opleiding
’n moét vir volhoubaarheid
en vooruitgang
Is jy geïnteresseerd in die wetenskaplike onderbou van landbou? Is boerdery, landboubesigheid, landboudienste,
landbounavorsing of ‘n landbou-akademiese loopbaan op jou horison? Die Noordwes-Universiteit se nuwe BSc
(Agric) programme sal so rég in jou kraal pas!
Twee nuwe vierjaar graadkursusse is beskikbaar wat op Agronomie, Grondkunde en Landbou-ekonomie fokus:
• BSc (Agric) met Landbou-ekonomie en Agronomie
• BSc (Agric) met Grondkunde en Agronomie
Hierdie programme sal spesifieke behoeftes aanspreek binne die hoofsaaklik somergraan-streke, met onder
andere, wetenskaplik gevorderde presisieboerdery.
Minimum toelatingsvereistes:
• Nasionale senior sertifikaat met universiteitsvrystelling
• Minimum APS-telling vanaf 22
• Wiskunde en Fisiese Wetenskap vlak 4 (50- 59%)
Kontak ons gerus vir meer inligting:
Me Chantel Zaayman
Tel: 018 2994213
NWU – jou implement vir
vooruitgang in landbou
P
2019