NAMPO 2019

113 / 140

111 Graan|Grain
Eugene Muller, besturende direkteur, K2 Saad
Gegewe die huidige situasie in ons land, word die
antwoord op bogenoemde vraag beïnvloed deur
aan wie dit gerig is, asook deur dié individu se
toekomsperspektief.
Om volhoubaar te boer is nie so maklik vir pro­
dusente oor die algemeen nie. Daar is ’n magdom
faktore om in ag te neem. Die skrywer kan nie al die faktore bespreek
nie, maar op die oog af blyk dit asof baie hiervan produsente eerder
daarvan weerhou om te investeer en op die plaas te bly.
Uitdagings
Die meer algemene uitdagings sluit in:
Die bestuur van ’n volhoubare, winsgewende boerdery is ’n groot
uitdaging aangesien die produsent ’n prysnemer ten opsigte van
insette asook kommoditeite is.
’n Veranderende klimaat, met ’n onvoorspelbare – en versteurde
– reënvalpatroon oor die laaste paar seisoene.
’n Gelaaide politieke omgewing met gerugte van onteiening.
Die emosionele impak van opmerkings ten opsigte van veilig­
heid op die plaas.
Die beskikbaarheid van finansiering wat al hoe moeiliker word.
Suid-Afrikaanse produsente maak ’n enorme bydrae tot ons land
se ekonomie. Sommige bronne bereken die indirekte bydrae tot so
hoog as 15%. Dit terwyl Suid-Afrika in werklikheid gesien word as ’n
semiwoestyn en beskik oor minder as 5 miljoen hektaar se hoëpoten­
siaallandbougrond.
Onlangs is ’n 3 000 ha-plaas in die Noord-Kaap (met 1 600 ha-
besproeiing in plek) verkoop vir nagenoeg R440 miljoen. Dit beteken
slegs een ding – daar is steeds produsente wat hoop het vir die
toekoms en glo dat dit sinvol is om op die plaas te bly en ’n verskil
te maak.
Uiteindelik is dit wat ons glo ook ons realiteit. By K2 (en ons groen­
te-afdeling Nuvance) glo ons die volgende wanneer dit by boerdery
kom:
Dit is in ons bloed om na aan die natuur te leef, die getuienis van
die skepping te sien in alles rondom ons en as rentmeesters werk­
lik ’n verskil te maak.
Indien ons die voorreg het om grond te kan bewerk, dit op te bou
en goeie saad te plant, is die geleentheid geskep vir ’n honderd­
voudige oes.
Met soveel faktore (soos byvoorbeeld die voorspelling van reën)
waaraan ons baie min kan verander en wat die eindresultaat
beïnvloed, moet ons dit wat ons wel kan beheer, so goed as
moontlik doen – en vertrou vir die res.
Ons besef daar is baie bestaansboere en opkomende boere wat
ook toegang moet kry tot die nuutste genetika, diens en tegnolo­
gie om hul voortbestaan te verseker. Die impak van sukses in dié
opsig is verreikend. Hierdie mense sal dan ook vir hulself kan sorg,
’n kleiner las op ons land se ekonomie plaas, en tesame met die
groter kommersiële produsente bydra tot voedselsekerheid en
-sekuriteit in ons land.
Doen die regte dinge
Geen fout uit ons verlede kan reggestel word deur nog ’n fout nie,
en daarom is dit belangrik dat ons altyd doen wat reg is. In die geval
van saad kan daar slegs ’n oes wees indien die saad eers sterf. In die
lig hiervan stel ons ook by NAMPO 2019 ’n vernude K2/Nuvance aan
ons huidige en toekomstige kliënte bekend.
K2 is ’n filiaal van Zaad Holdings wat op sy beurt aan Zeder be­
hoort. Sy aandeelhouers is ten volle verbind tot Suid-Afrika. Fondse
word plaaslik belê en winste word plaaslik aangewend, eerder as
om dit na die buiteland te kanaliseer.
Ons het onlangs uitstekende resultate gesien op verskeie gewas­
se wat onder andere ingesluit is in onafhanklike LNR-proewe. Daar­
om is ons oortuig daarvan dat ons vooruitgang maak en dus die
nuutste genetika, wat ook goed aangepas is vir ons omstandighede,
beskikbaar stel aan die mark.
By K2 glo ons steeds, ten spyte van uitdagings, in die toekoms
van ons land en sy produsente. Ons besef dat dit nodig is om be­
trokke te wees by alle aspekte wat ons produsente raak, maar ook
dat dit geen verskil sal maak om emosioneel deel te neem aan ge­
laaide gesprekke nie. Ons wil werklik ’n verskil maak op die plaas en
ons produsente se hande vat om te verseker dat hulle kan voortgaan
om dit te doen waaroor hulle passievol is. Ons word gedryf deur die
viering van gedeelde suksesse en ons span kundiges sien uit daarna
om jou tot diens te wees. Kom loer gerus in by ons NAMPO-stalletjie,
en wie weet, dalk kry jy die geleentheid om vir Toks van der Linde
persoonlik te ontmoet.
Of jy nou glo dat dit sin maak om aan te hou of nie – dit wat jy
glo, sal jou realiteit wees! Kom ons vat hande en dra elkeen by om
Suid-Afrika voortreflik te maak – gee jou beste, hou aan reg doen,
spreek lewe, gun elkeen ’n plekkie in die son en hou aan glo.
Is dit nog sinvol om
te boer in Suid-Afrika?
Wanneer dit voel
of jy wil tou opgooi ,
onthou hoekom jy
begin het. Hou aan
saai op goeie grond
produkinligting
P
2019