NAMPO 2019

119 / 140

117 Graan|Grain
Christin Hunter, Pannar
Die NAMPO Oesdag is ’n instelling vir Pannar: Van­
jaar vier ons ’n allemintige 45 jaar se betrokkenheid
by die Oesdag. NAMPO is ’n baie relevante platform
waar ons met plaaslike produsente sowel as gaste van
regoor Afrika suid van die Sahara saam kan verkeer.
Produsente word hartlik uitgenooi om ons stalletjie
te besoek.
Pannar bied ’n volledige gewasportefeulje gerig op alle bestuur­
style en boerderypraktyke – ons het die perfekte oplossing vir jou.
Ons formidabele geelmieliepakket van ultravinnige, vinnige en
medium basters bied uitstekende opsies vir produksie onder droëland
of besproeiing. Die ultravinnige pakket is versterk met drie nuwe uit­
sonderlike genetiese platforms, naamlik PAN 3R-724BR, PAN 3R-786BR
en PAN 3R-700BR, wat ’n aansienlike opbrengsverhoging bied. Dié
nuwe genetiese platforms het reeds ’n uitstekende prestasierekord
onder besproeiing en in die hoëpotensiaal-droëlandproduksiege­
biede gevestig.
Vier nuwe, opwindende basters versterk ons basterpakket van
vinnige tot medium groeiklasse.
Pannar stel vanjaar die volgende nuwe geelmieliebasters vry:
PAN 3A-124, PAN 3R-524R en PAN 3R-724BR
Hierdie is die opwindendste nuwe ultravinnige platform met uit­
stekende prestasie onder besproeiing en dit lewer die beste prestasie
in besproeiingsevalueringsproewe. Die basters word teen hoë plant­
populasies van 95 000 plante/ha tot 100 000 plante/ha aanbeveel.
Onder droëland is hulle ’n goeie keuse vir die hoëpotensiaal­
streke van die oostelike Hoëveld en KwaZulu-Natal. Plant hulle teen
45 000 plante/ha tot 60 000 plante/ha onder droëlandproduksie­
toestande.
Hulle beskik oor ’n vaste kopgrootte, wat voordelig is onder
hoëpotensiaaltoestande wat hoë plantbevolkings vereis. Dit is die
vinnigste platform in die Pannar-reeks en produseer ’n aantreklike
graantipe wat vinnig afdroog.
PAN 3R-586R en PAN 3R-786BR
Twee ultravinnige basters versterk die besproeiingspakket. Hulle ver­
dra hittestres goed – ’n belangrike eienskap vir produksiegebiede in
die warm Noord-Kaap.
Die basters presteer goed onder droëlandtoestande in
Mpumalanga, die Oos-Vrystaat en veral in KwaZulu-Natal. Hulle het
sterk saailinge, goeie verdraagsaamheid teen blaarsiektes en goeie
staanvermoë. Plant hulle teen 45 000 plante/ha tot 60 000 plante/ha.
Hulle is amper so vinnig soos die vorige platform en toon goeie
verdraagsaamheid teen blaarsiektes, veral Phaeosphaeria en grys­
blaarvlek.
PAN 3R-500R en PAN 3R-700BR
Ultravinnige basters wat baie goed aangepas is onder besproeiing,
teen hoë plantestande. Hulle handhaaf baie goeie prestasie en sta­
biliteit en die platform lewer ’n hoë volume en kwaliteitkuilvoer.
Die basters is goed aangepas in die oostelike produksiegebiede
onder droëland teen 45 000 plante/ha tot 60 000 plante/ha. Hulle
beskik oor goeie staanvermoë en ’n lae kopplasing en lewer ’n goeie
kwaliteit semi-blinkpitgraantipe.
PAN 4A-156
’n Vinnige baster wat veral goed aangepas is vir KwaZulu-Natal,
Mpumalanga en die Oos-Vrystaat se hoëpotensiaalgronde. Dit word
teen ’n hoë plantbevolking aanbeveel en is geneig om enkelkoppig
te wees – ’n goeie spanmaat vir PAN 4A-172 en PAN 5A-182.
Dit kan as ’n enkele oes van mielies onder besproeiing of aan­
vullende besproeiing verbou word. ’n Plantestand van hoogstens
60 000 plante/ha word aanbeveel.
Goeie verdraagsaamheid teen blaarsiektes en veral Phaeospha-
eria word getoon.
PAN 4R-672R
Hierdie vinnige geelbaster is die stalmaat van PAN 4A-172 wat
die afgelope twee jaar koning kraai in basterevaluasieproewe
– in die besonder in die Oos-Vrystaat. Beide is ’n uitstekende keuse vir
die oostelike Hoëveld van Mpumalanga en die Oos-Vrystaat.
Dié basters dra hulle koppe laag op die stam en het goeie
staanvermoë.
PAN 4R-728BR
’n Baster in die vinnige groeiklas wat goeie verdraagsaamheid teen­
oor bruinroes en ’n uitstekende opbrengspotensiaal het. Dit is goed
aangepas vir die hele oostelike produksiegebied – ’n agronomies
goed gebalanseerde baster wat geskik is vir hoë plantpopulasies.
Dit pas goed in waar slegs ’n enkele oes van mielies onder be­
sproeiing of aanvullende besproeiing verbou word. ’n Plantestand
van hoogstens 70 000 plante/ha word aanbeveel.
PAN 5A-190 en PAN 5R-590R
Dié basters in die medium-vinnige groeiklas pas perfek in onder
droëland vir Mpumalanga en die Oos-Vrystaat. Die groot planttipe
van die basters maak dit besonder geskik vir kuilvoerproduksie.
Beide beskik oor vroeë groeikragtigheid en is enkelkoppig
met goeie staanvermoë. ’n Baie gesonde planttipe met goeie al­
gemene siekteverdraagsaamheid en spesifiek vir Diplodia kopvrot
en bruinroes.
PAN 5A-154 en PAN 5R-554R
Hierdie medium-vinnige basters beskik oor goeie opbrengsstabiliteit
en aanpasbaarheid. Hulle handhaaf ’n redelike vaste kopgrootte
met ’n mooi diep-oranje graantipe. PAN 5A-154 is ’n stabiele span­
maat vir PAN 5A-182.
Dit kan met groot sukses aangeplant word waar slegs ’n enkele
oes onder besproeiing of aanvullende besproeiing beplan word.
Dié basters beskik oor goeie staanvermoë en algemene siek­
teverdraagsaamheid en toon veral goeie verdraagsaamheid teen
Diplodia kopvrot.
Die regte kultivars
vir die taak
Die ultravinnige pakket
is versterk met drie nuwe
uitsonderlike genetiese plat-
forms, naamlik PAN 3R-724BR,
PAN 3R-786BR (op foto) en
PAN 3R-700BR, wat ’n aan-
sienlike opbrengsverhoging
bied.
produkinligting
P
2019