53 / 116
Koringkultivars vir 2018 bespreek
O
ndanks baie negatiwiteit rondom koringproduksie – veral
in die droëlandgebiede van die Vrystaat – is koring steeds
‘n winsgewende gewas as dit reg bestuur word. Vra
maar vir dié produsente wat hierdie jaar weer uitstekende
koringopbrengste behaal het. Die regte kultivarkeuse bly daarom
steeds een van die belangrikste produksiebesluite vir enige ko-
ringprodusent.
Daar is tans ‘n magdom uitstekende kultivars om van te kies.
Hoe moet ‘n produsent dan nou maak om die regte kultivar vir sy
behoefte te kies? Gelukkig hoef produsente nie self al die kultivars
wat beskikbaar is, te toets om inligting te bekom nie. LNR-Klein-
graan plant elke jaar verskeie proewe in al die koringproduserende
gebiede in Suid-Afrika om die beskikbare kultivars van al die
saadmaatskappye op ‘n objektiewe en wetenskaplike manier ten
opsigte van hulle opbrengspotensiaal, kwaliteit en aanpasbaarheid
te evalueer.
Hierdie program, wat die enigste van sy soort in Suid-Afrika is,
staan bekend as die Nasionale Kultivarevaluasieprogram (NCEP).
Daar bestaan drie afsonderlike evaluasieprogramme wat spesifieke
kultivars in elk van die drie produksiestreke evalueer.
Alhoewel LNR-Kleingraan die mandaat het om die NCEP in
Suid-Afrika uit te voer, is die samewerking van ander instansies en
rolspelers krities om hiervan ‘n sukses te maak. In hierdie nasionale
samewerkingsooreenkoms is die Departement van Landbou,
Wes-Kaap getaak om te help met die plant en instandhouding
van sekere proewe in die Wes-Kaap. Ander instansies soos die
Universiteit van die Vrystaat, Stellenbosch Universiteit en SABBI
lewer ook ‘n belangrike bydrae met die insameling en weergee van
addisionele inligting aan die kleingraanindustrie.
Almal wat betrokke is by koringproduksie in Suid-Afrika, vergader
aan die einde van elke seisoen om die data van die vorige seisoen
te evalueer en te bespreek. Hierdie groep bestaan uit kundiges in
die industrie en verteenwoordiges van al die saadmaatskappye,
Graan SA, die Universiteit van die Vrystaat en Stellenbosch Uni-
versiteit, SANSOR, SAB Miller, die onderskeie Departemente van
Landbou en ander rolspelers. Die doel van hierdie vergadering is
om te verseker dat die proewe wetenskaplik uitgevoer is en dat die
data objektief en korrek weergegee word.
Die jongste kultivarevaluasievergadering is op 8 Februarie vanjaar
by LNR-Kleingraan, net buite Bethlehem, gehou. Tydens hierdie
vergadering word nuwe kultivars, waarvan daar minstens twee jaar
se proefdata beskikbaar is en wat eersdaags kommersieel beskikbaar
sal wees, ook bespreek en in die jaarlikse produksiehandleidings
ingesluit.
Behalwe vir kultivaraanbevelings, bevat hierdie handige handleidings
ook inligting ten opsigte van algemene produksiepraktyke, grond-
bewerkingsriglyne en plantvoeding, asook die jongste inligting
rondom onkruid-, siekte- en insekbeheer.
Danksy befondsing deur die Wintergraantrust word die handleidings
gratis aan alle kommersiële koringprodusente in Suid-Afrika verskaf.
Aangesien produksiepraktyke en kultivaraanbevelings van streek
tot streek verskil, word daar twee afsonderlike handleidings ge-
publiseer, naamlik een vir die somerreënvalgebied waarin beide die
droëland- en besproeiingsgebiede hanteer word, sowel as ‘n aparte
handleiding vir die winterreënvalgebiede.
Hierdie handleidings is in Afrikaans en in Engels beskikbaar. Daar
is ook ‘n uiters gebruikersvriendelike handleiding wat die data en
aanbevelings op ‘n praktiese manier vir nuwe era-boere aanbied
en dit is beskikbaar in Engels, Sotho of Xhosa.
Kyk uit vir die handleidings wat vanaf die tweede week in Maart
beskikbaar sal wees. Indien jy nie so ‘n handleiding ontvang nie, kan
jy LNR-Kleingraan gerus kontak (058 307 3400). Gaan kyk ook op ons
webtuiste (
www.arc.agric.za/arc-sgi) vir die elektroniese weergawe
daarvan.
Al die inligting rondom kultivarprestasie gedurende
die 2017-koringseisoen sal ook aan produsente
bekend gemaak word deur middel van verskeie
publikasies in die media.
51
March 2018
Saad
FOKUS
Spesiale
DR ANNELIE BARNARD,
LNR-Kleingraan, Bethlehem
Van die kundiges wat die vergadering bygewoon het. Voor: Gerhard Engelbrecht (K2 Agri), Renier Boshoff (K2 Agri), Petru Fourie (Graan SA),
Lebogang Jack (Departement van Landbou: Noordwes), Eddie Goldschagg (SANSOR), dr Toi Tsilo (LNR-Kleingraan) en Wandile Ngcamphlala (Graan SA).
Agter: Prof Willem Boshoff (Universiteit van die Vrystaat), Cornel Bender (Universiteit van die Vrystaat), dr Willem Otto (Sensako), Willem Botes
(Stellenbosch Universiteit), Stephan de Groot (Sensako), Gawie Kotzé (SAB Miller), Willem Kilian (LNR-Kleingraan) en dr Francois Koekemoer (Sensako).