24 / 116
Maart 2018
22
M
onsanto is verbind tot die ontwikkeling van ‘n wye
reeks geïntegreerde oplossings om produsente te on-
dersteun. Ons navorsingsfokus is op die verbetering
van produktiwiteit op die plaas.
Volhoubaarheid is die basis waarop Monsanto ons besigheid bou
en ons produkte word ontwikkel om ‘n bydrae te lewer tot die
vermindering van die landbouvoetspoor in die omgewing, maar ons
fokus ook op die beskerming van die bestaande hulpbronne in die
omgewing deur die impak van omgewingstoestande te verminder.
Monsanto is baie trots op die nuwe Dekalb-basters wat ons vanjaar
bekend stel om ons bestaande reeks aan te vul.
Besproeiingsmark
In die besproeiingsmark is ons portefeulje aangevul met twee kort-
groeiseisoenbasters, DKC60-76BR en DKC65-72, wat albei by uitstek
geskik is om byvoorbeeld onder besproeiing te plant.
Wat DKC60-76BR betref, beskik dit oor ‘n uitstekende op-
brengspotensiaal, met ‘n saailing wat vinnig uit die blokke spring.
Verder droog dit vinnig af en toon uitstekende verdraagsaamheid
teenoor Diplodia kopvrot, noordelike blaarskroei, grysblaarvlek
en roes. Die ideale plantestand wissel tussen 80 000 plante/ha en
100 000 plante/ha met ‘n rywydte van 50 cm tot 75 cm. Planthoogte
by volwassenheid is 215 cm tot 250 cm met die koppe wat voorkom
op ‘n hoogte van 100 cm tot 120 cm. Ons beveel aan dat die baster
gestroop word wanneer die pitvog sowat 12% is.
Nog ‘n baster vir hierdie mark is DKC65-72. Hierdie hoëpoten-
siaalbaster is ook geskik vir volbesproeiing en toon ‘n uitstekende
staanvermoë. Dit het ook ‘n goeie verdraagsaamheid teenoor
meeste van die mieliesiektes. Ons beveel aan dat die baster geplant
word met ‘n plantstand van tussen 80 000 plante/ha en 100 000 plan-
te/ha in rywydtes van 50 cm tot 75 cm. Die baster bereik betreklik
gou volwassenheid met ‘n planthoogte van sowat 220 cm tot 260 cm.
Die kopplasing op die plant is op ongeveer 130 cm tot 155 cm.
Droëlandbasters
Wat ons nuwe droëlandbasters betref, spog ons met DKC72-76BR,
DKC76-73R en DKC76-77BR wat spesiaal vir daardie toestande
ontwikkel is.
DKC72-76BR se meerkoppigheid is kenmerkend aan hierdie baster,
wat dan ook ‘n groot rol in die uitstekende opbrengspotensiaal
in beide die westelike en oostelike produksiegebiede speel. Dit
droog vinnig af en het ‘n uitstekende siekteverdraagsaamheid.
DKC72-76BR het ‘n gesonde saailing en later in die seisoen beskik
dit oor ‘n uitstaande staanvermoë. Ons beveel aan dat die baster
geplant word teen ‘n plantestand van tussen 20 000 plante/ha tot
60 000 plante/ha in rywydtes van 0,75 m tot 2,3 m afhangende van
waar jou plaas geleë is. Hierdie is ‘n vroeë- tot mediumgroei-
seisoenbaster met ‘n planthoogte van 280 cm tot 380 cm. Die koppe
kom voor op ongeveer 110 cm tot 170 cm.
DKC76-73R is ook ‘n meerkoppige baster en is ook geskik vir
aanplantings in die oostelike en westelike produksiegebiede. Die
baster beskik oor ‘n bogemiddelde staanvermoë en die blaarskede
bedek die koppe behoorlik. DKC76-73R toon goeie verdraagsaam-
heid teenoor houtskoolvrot asook baie van die ander algemene
mieliesiektes. Hierdie is ‘n uitstekende baster om te gebruik in
toevlugsareas. Ons beveel aan dat dit met ‘n plantpopulasie van
20 000 plante/ha tot 60 000 plante/ha in rywydtes van 0,75 m tot
2,3 m geplant word – afhangende van die produksiegebied waar
dit geplant word. Hierdie is ‘n mediumgroeiseisoenbaster met ‘n
planthoogte van ongeveer 220 cm tot 320 cm en kopplasing op
95 cm tot 150 cm.
DKC76-77BR is nog ‘n uitstekende nuwe baster wat goed sal
presteer in die oostelike en westelike produksiegebiede wat ook
goeie verdraagsaamheid teenoor houtskoolvrot en heelwat van die
ander algemene mieliesiektes toon. Dit behoort in ‘n plantstand van
20 000 plante/ha tot 60 000 plante/ha geplant te word – in rywydtes
van 0,75 m tot 2,3 m. Die planthoogte is 220 cm to 320 cm met koppe
wat op 95 cm tot 150 cm voorkom.
‘n Voorsmaak van die nuwe
2018-mieliebasters
FOKUS
Saad
Spesiale
Produk-inligting
MAGDA DU TOIT,
bestuurder: Korporatiewe Skakeling en Kommunikasie, Monsanto SA
1 en 2: DKC76-77BR en DKC65-72 – van die nuwe wit-en geelmieliebasters beskikbaar in 2018.
1
2