36 / 52
Desember 2018
34
Laat aanplanting van grondbone:
’n Opsie of ’n waagstuk?
D
ie weer speel ’n groot rol in die bepaling van die plantda-
tum van grondbone. As daar nie vog is nie, kan daar nie ge-
plant word nie.
In die afgelope paar jare het die somerreën sy opwagting ál later in
die seisoen gemaak. Dit is juis om dié rede dat produsente al hoe
later plant – veral in Desembermaand en selfs nog later.
Daar is tans nie ’n kortgroeiseisoengrondboonkultivar beskikbaar
nie. Die plantdatum vir grondbone is nog altyd vanaf 26 Oktober vir
gebiede in die noorde van die land, tot nie later nie as 5 Desember vir
die res van die land se aanplantings.
Die optimale tyd van aanplanting lê tussen 10 November tot
22 November. Gedurende hierdie tyd kan die produsent daarvan
seker wees dat die groeitydperk beskikbaar voldoende vir die
ontwikkeling van ’n oes sal wees en dat daar uit die gevaartydperk
van laat reën in Maartmaand beweeg word – om skade op geoeste
grondbone te voorkom.
Dit is egter wanneer daar uit dié planttydperk beweeg word dat
produsente met uitdagings rakende swak opbrengste, sowel as swak
graderings, gekonfronteer word. Die swak graderings is die resultaat
van die feit dat daar te min tyd vir die gewas oor is om volwasse
peule te vorm.
Wetenskaplikes het bevind dat indien aanplantings ná 15 Desem-
ber gemaak word, die opbrengste met meer as ’n ton verlaag word.
Sodra die som gemaak word, waar die potensiële opbrengs van die
beplande land in ag geneem word en daardie 1 ton-verlies afgetrek
word, kan ’n gevaarlike situasie ontbloot word. Produksiekoste is
aan die styg en daarom kan produsente nie meer bekostig om
kanse te waag wat op die ou end tot ontnugtering gaan lei nie.
Dit is raadsaam om gewasse binne bepaalde planttye aan te plant,
aangesien daar jarelange navorsing gedoen is om inligting te bekom
wat tot voordeel van alle produsente strek. Wees wys en plant
betyds.
OP PLAASVLAK
Grondbone / Aanplantdatum
Bestuurspraktyke
LOUREINE MULLER,
grondboonagronoom, Triotrade
“
“
Die plantdatum vir
grondbone is nog
altyd vanaf
26 Oktober vir
gebiede in die noorde
van die land, tot nie
later nie as
5 Desember...
Platwaaierpunte kan gebruik word, maar
die belangrikste verskil is dat dit ’n soge-
naamde eweredige (
even
) tipe spuitpunt
moet wees, waar die spuitpatroon dieselfde
volume lewering dwarsoor die spuitpatroon
gee (sien spuitpatroon van eweredige waaier
(
even fan
)-spuitpunt in Tabel 2 (op bladsy 33).
In ’n groot aantal gevalle sal die letter “E”
as deel van die spuitpuntkode op die
spuitpunt voorkom. Dit is belangrik dat
hierdie eweredige tipe spuitpunte nie op
spuitbalke wat algeheel-breedwerpig spuit,
gebruik word nie.
Ongelukkig is daar nie ’n enkele
silver bullet
-
tipe spuitpunt wat vir alle bespuitingscena-
rio’s ewe doeltreffend gebruik kan word nie.
Die produsent se belegging in chemikalieë
kan ongedaan gemaak word deur die
gebruik van verkeerde spuitpunte.
Volg die riglyne op die etiket wat water-
volumes betref. Indien van moderne spuit-
toerusting teen verlaagde watervolumes
gebruik gemaak word, is dit belangrik dat
die regte spuitpunt, wat nie te min en te
groot druppels teen normale spuitdruk sal
produseer nie, gekies word.
Na-opkomsonkruidbeheer in die vroeë
somer mag die gebruik van hoër water-
volumes vereis. Dit vereis ’n spuitpunt
met ’n groter opening eerder as wat die
druk verhoog word – wat dan juis kleiner
druppels sal realiseer.
Vir die doel van die artikel is hoofsaaklik foto’s van TeeJet-spuitpunte gebruik. Dit beteken nie dat hierdie fabrikaat
bo ander aanbeveel word nie. Daar is ander betroubare fabrikate met soortgelyke tipe spuitpunte wat ook geskik sal
wees vir die tipes toepassings wat hier bespreek is.
Kies
só
die korrekte SPUITPUNT