70 / 124
September 2017
68
Onkruidbeheer bly een van die
belangrike bestuursbeginsels
M
iljoene rande word jaarliks wêreldwyd aan navorsing
spandeer met die oog op die beheer van peste en plae
in tuine, wingerde, boorde en landerye.
Een van die gewildste en mees algemene middels wat in tuine,
parke, die landbou en bosbou ingespan word om onkruid te beheer,
is glifosaat. Glifosaat is ‘n onselektiewe middel wat veral effektief
is in die beheer van grasse en kruidagtige onkruide.
Dit werk so goed omdat glifosaat deur die plant se blare en sagte
stamme opgeneem word en regdeur die res van die plant vervoer
word – selfs tot in die wortels en ondergrondse stoororgane soos
knolle en bolle. Glifosaat se unieke werking binne-in plante behels
inhibering van een enkele ensiem wat alleenlik in plante voorkom.
Glifosaat beheer daarom net plante en nie mikro-organismes of
diere en insekte nie en bowendien is dit skadeloos vir mens en dier.
Omdat glifosaat sistemies is, sal plante wat met glifosaat gespuit is,
stadig oor ‘n paar dae of weke doodgaan en geen deel van die plant
behoort te oorleef nie.
Geen produkte vir gebruik in landbou of huistuine wat chemies
van aard is, met ander woorde, waar die aktiewe bestanddeel
‘n chemikalie is wat onkruid, plantsiektes en skadelike insekte
bekamp, mag verkoop word alvorens dit nie deur ‘n streng
evalueringsproses gegaan het nie. Dié middels word in Suid-
Afrika gereguleer volgens bepalings van die Wet op Misstowwe,
Veevoere, Landboumiddels en Veemiddels (Wet 36 van 1947). Dié
wet het baie duidelike voorskrifte waarvolgens die produkgehalte
en -werking van chemiese middels op grond van navorsings- en
ontwikkelingsproewe geëvalueer word.
Dit is belangrik om onder geen omstandighede ongeregistreerde
middels te koop of te gebruik nie. Kyk uit vir die L-nommer (hoofletter
L gevolg deur vier syfers, byvoorbeeld L 1234) op die etikette van
chemiese beheermiddels. Dit dui aan dat ‘n landbouhulpmiddel
behoorlik geregistreer is. Volgens Wet 36 van 1947 moet die
L-nommer prominent op etikette van alle geregistreerde produkte
aangedui word.
Dit is essensieel dat die etiket mooi gelees en die aanwysings
noukeurig nagevolg word. Nie net vir die beste werking van die
produk wat jy gekoop het nie, maar ook omdat die veiligheid van
jou en jou gesin afhang van die korrekte gebruik van enige che-
miese middel.
Volhoubare landbouproduksie is vir Monsanto baie belangrik en ons
probeer alles in ons vermoë om saam met ons kliënte daaraan te
werk om die afskeiding van kweekhuisgasse in die atmosfeer
te verminder. Ons ondersteun ons kliënte om verminderde be-
werkingspraktyke te implementeer omdat dit ‘n groot rol speel in
die vermindering van grond- en watererosie, sowel as die verdam-
ping van vog uit die grond.
Goeie plaagbeheer is die verskil tussen sukses en mislukking op
die plaas. Onkruidbestuur word gedoen met die oog daarop om
opbrengsverlies te verhoed deur kompetisie tussen die gewas en
ongewenste plante uit te skakel, terwyl insekbeheer plantskade
beperk sodat die plant steeds optimaal kan groei en produseer.
Onkruiddoders verbeter die opsies vir onkruidbeheer, want die
werking daarvan is minder afhanklik van omgewingsfaktore soos
klimaat en grondsoort as wat die geval is met meganiese beheer.
As die grond te nat is om te bewerk, kan onkruiddoders toegedien
word en juis dan baie goed werk. Onkruiddoders kan ook deur die
besproeiingstelsel of met ‘n vliegtuig toegedien word.
Om die risiko van onkruide wat weerstand teen onkruiddoders
opbou te bestuur, is net so belangrik in volhoubare produksie en
daarom is die volgende bestuurspraktyke noodsaaklik:
‘n Rekordhoudingstelsel van die onkruiddoders wat op ‘n land
gebruik is.
‘n Onkruidbeheerprogram met teenweerstandstrategieë – wat
wisselbou, hooimaak voor saadstorting en ander praktyke
insluit.
Monitering van die doeltreffendheid van die program en die
notulering van afwykings.
Hou by die voorgeskrewe aanbevelings en toedieningshoe-
veelhede wat op die etiket aangedui word.
Kombinasie van meer as een onkruiddoder – gebruik onkruid-
doders met verskillende metodes van werking.
Monsanto se tegnologie maak dit vir produsente makliker om
bewaringspraktyke te volg, want dit bied:
Toegang tot bewaringsbewerkingspraktyke.
Breëspektrumonkruidbeheer.
Effektiewe beheer van eenjarige en meerjarige grasse en breë-
blaaronkruide.
Grootsadige onkruide, soos olieboom, word effektief beheer
– wat lei tot verlaagde kostes en uitskakeling van ongewenste
sade in die graanmonster.
Bewese gewasveiligheid.
Geen stremming op gewas, met die gevolg dat die plant volle
genetiese potensiaal verwesenlik.
Toedieningsbuigsaamheid.
Effektiewe onkruidbeheer vanaf opkoms tot voor oes.
Onkruidgrootte en nie grondkleipersentasie nie, bepaal die
onkruiddoderdosis en gevolglik word daar ook net gespuit
indien die onkruide teenwoordig is.
Wisselbou-opsies kan ten volle geakkommodeer word.
Raadpleeg altyd die produk se etiket.
FOKUS
Geïntegreerde plaagbeheer
Spesiale
Produk-inligting
MAGDA DU TOIT,
bestuurder: Korporatiewe Skakeling en Kommunikasie, Monsanto SA
Skandeer dié QR-kodes en lees meer oor glifosaat.