![Show Menu](styles/mobile-menu.png)
![Page Background](./../common/page-substrates/page0106.jpg)
Oktober 2016
104
Droogte duur voort
– hulp steeds nodig
P
rodusente in sekere dele van Suid-Afrika sukkel steeds om
die huidige seisoen te oorleef. Agri SA is besorg oor hul
toekomstige lewensvatbaarheid.
“Droogte is nie ‘n eenjaarverskynsel nie. Kontantvloei en produk-
siekrediet-aangeleenthede sal met ons wees vir die volgende twee
tot drie jaar,” sê mnr Omri van Zyl (hoof uitvoerende beampte:
Agri SA). “Ons sal voortgaan om produsente in nood by te staan,
maar dit behels slegs ‘n druppel in die maatemmer vergeleke met
wat werklik benodig word.”
Agri SA het sy bes gedoen om behoeftige produsente landwyd
van noodsaaklike hulp in die vorm van vee- en kuilvoer te voorsien.
Volgens mnr Christo van der Rheede (adjunk uitvoerende direkteur:
Agri SA), wat as koördineerder van die fonds optree, beloop die
bydraes deur die korporatiewe sektor, internasionale donateurs,
kerkgenootskappe en algemene publiek tans R16 miljoen in totaal.
“Dele in die Noord-Kaap, Vrystaat, Noordwes Provinsie, die Oos-
Kaap en die Wes-Kaap staar steeds ‘n erge krisis in die gesig en
Agri SA doen weer eens ‘n beroep op die korporatiewe sektor en
die algemene publiek om voort te gaan met hul finansiële bydraes
aan die Agri SA Droogterampfonds.
“Agri SA word daagliks oorval deur produsente wat nie meer
weet wat hul te doen staan nie. Hulle is net nie meer in staat om
voer aan te koop nie. Boorgate droog op en vee vrek op groot
skaal. Plaaswerkers en hul families het ook ‘n groot behoefte aan
humanitêre hulp. Help ons asseblief om ons voedselprodusente en
hul werkers by te staan,” het hy gesê.
“Die tekort aan wintervoer is ‘n wesenlike probleem en enige by-
draes deur die publiek word hoog op prys gestel. Verdere uitbeta-
lings vanuit die Droogterampfonds is in September aan provinsies
wat ‘n erge tekort aan wintervoer ervaar, gemaak.”
In
Tabel 1
word ‘n opsomming gegee van uitbetalings wat aan
provinsies vanuit die Droogterampfonds gemaak is, terwyl
Tabel 2
‘n opsomming gee van bydraes gelewer.
Bankbesonderhede vir bydraes
Begunstigde: Agri SA Rampfonds
Bank: Absa
Rekeningtipe: Tjek
Rekeningnommer: 40-6854-0775
Takkode: 632 005 (Business Bank – Pretoria East)
Begunstigde se verwysing: RAMP
Jy kan ook ‘n SMS stuur. SMS ‘Ramp’ na 42030 en dra R30 by tot
die Agri SA Droogterampfonds.
Kontak Van der Rheede vir verdere navrae by 012 643 3400 of
Christo@agrisa.co.za .AKTUEEL
ESTIE DE VILLIERS,
redakteur:
SA Graan/Grain
Noord-Kaap
R3 668 421
Noordwes Provinsie
R3 639 474
Vrystaat
R3 439 474
Wes-Kaap
R2 500 000
Oos-Kaap
R889 474
KwaZulu-Natal
R505 263
Gauteng
R450 000
Limpopo
R407 895
TABEL 1: UITBETALINGS AAN PROVINSIES
VANUIT DIE DROOGTERAMPFONDS.
TABEL 2: OPSOMMING VAN BYDRAES WAT REEDS GEMAAK IS.
Getal kommersiële produsente wat hulp
ontvang het
12 921
Getal nuwe era-boere wat hulp ontvang het
4 000
Totale getal landbouers wat hulp ontvang het
15 974
Voerbale (rond en vierkantig) versprei
66 557
Sakke met voerpille versprei
36 609
Getal plaaswerkers en landelike familielede
van kospakkies en gebottelde water voorsien
9 057 plaaswerkers (vier lede =
36 228 landelike familielede)
Getal trokke benut
579
Getal donateurs wat geld geskenk het
1 300
Hoeveelheid meel en kospakkies versprei
236
Hoeveelheid water versprei
548 000 liters
Getal watertenks geskenk
20
Getal boorgate gesink
3
Agtergrond
Senwes het die Droogterampfonds
geloods en aan Agri SA, ‘n nie-wins-
gewende organisasie wat daarop
gefokus is om ‘n stabiele, winsge-
wende landbou-omgewing binne
Suid-Afrika te vestig, oorhandig, om
produsente by te staan gedurende
hierdie uitdagende tyd. Die fondse
word benut om voer aan te koop, die
vervoer van voer te subsidieer en
voer onder produsente in nood te
versprei via Agri SA-geaffilieerde
landbouverenigings in droogtege-
teisterde gebiede.
Graan SA/Sasol fotokompetisie
– Richard Krige 2015