102 / 112
Hoop vir die nuwe plantseisoen
Bekende produsent sterf aan kanker
P
rodusente sal die antwoord om regtig ‘n suksesvolle oes,
‘n beter algehele opbrengs, gesonder grond en ekono-
miese groei te verseker, in biologiese entstowwe vind. Op
2 Augustus vanjaar het Soygro ‘n groot produsentesame-
koms by Carnival City gehou om vir produsente weer hoop vir die
nuwe plantseisoen wat om die draai is, te gee.
Mnr Hendrik Kapp (bedryfshoof: Soygro) het begin deur te sê:
“Elke produsent verlang na ‘n gehalte landbouproduk wat hoër
opbrengste kan verseker, maar dink deesdae dat Rhizobium alleen-
lik die antwoord is.” Hy sê verder dat dit ‘n jammerte is, omdat
daar ‘n baie groter wêreld – wat volhoubare landbou verseker – in
biologie bestaan. Met 30 jaar se studies wat gedoen is oor watter
organismes bymekaargesit moet word, is dit tyd dat produsente
begin kyk na gehalte biologiese entstofprodukte en -programme
om in hul besondere plantbehoefte te voorsien.
Produsente benodig hulpmiddels vir die onderdrukking van plant-
siektes – om plantegroei te bevorder en grondvrugbaarheid te
verseker. Soygro bied aan produsente en landboukundiges die
nodige tegniese ondersteuning en hulp deur mikrobiologiese plant-
en grondentstowwe te vervaardig wat die totale plant, reg deur
die groeiseisoen, aanspreek en spesifiek plant- en grondmikro-
flora opbou.
Mnr Tem Odendaal (direkteur: Soygro) het aan produsente verduide-
lik dat produsente nie méér grond nodig het om hul opbrengs-
potensiaal te verhoog nie, maar dat hulle gemiddelde opbrengs
per hektaar moet styg. “Met ons verskeidenheid mikrobiologiese
entstowwe vir peulgewasse en ander gewasse soos mielies en
aartappels, kan 10% van die gewasproduksie in Suid-Afrika ver-
beter word.”
Odendaal het bewustheid oor die waarde van mikrobiologiese
entstofprodukte onder die produsente gekweek. “Net in die soja-
boon-sektor gaan tot R2,1 biljoen verlore as gevolg van onvolle-
dige entstofprogramme – en meer as R7 biljoen by mielies,” het
Odendaal gesê.
Tydens die geleentheid is die verskillende beginsels van mikro-
biologiese entstofprodukte en -programme bespreek om sodoende
die biologiese potensiaal op plase te ontgin.
M
nr Anthony Evans (73) is in Augustus vanjaar, na ’n
siekbed van ongeveer agt maande, aan kanker oorlede.
Evans was een van Suid-Afrika se bekendste produ-
sente en is in 2013 as die Graan SA/Syngenta Graan-
produsent van die Jaar aangewys. Hy was aan stuur van die Rhys
Evans Groep en die bekende Huntersvlei Sussex-stoet.
Die Rhys Evans Groep is ‘n boerdery met ‘n lang en ryke geskiede-
nis. Anthony het gedurende 1968 saam met sy pa, Rhys, begin
boer en onder sy leiding is die Rhys Evans Groep in die afgelope
dekades tot een van Suid-Afrika se voorste boerderye uitgebou.
Hul graanvertakking bestaan uit ongeveer 75% mielies, 13% sonne-
blomme en 8% grondbone, terwyl die res van die lande deur
sojabone en aangeplante weiding opgeneem word. Die veever-
takking bestaan uit die Sussex-stoet, ‘n Sussex kommersiële
kudde, ‘n voerkraal en ‘n varkboerdery. Hulle het ook ‘n grondbone-
verwerkingsaanleg.
Sy seun, David (die vierde geslag wat die boerdery bedryf), sal die
boerdery oorneem.
Evans laat sy vrou, Jane, ‘n seun en drie dogters agter.
JUANITA GREYLING,
Soygro
ESTIE DE VILLIERS,
redakteur:
SA Graan/Grain
Anthony Evans
Graan SA/Sasol fotokompetisie
Oktober 2016
100
AKTUEEL