80 / 92
November 2016
78
BOER SLIM
– begin by klein veranderinge
“D
aar is nie meer tyd of geld om foute in boerdery
te maak nie. Elke besluit wat jy op die plaas neem,
het ‘n direkte impak op jou winsgewendheid en
volhoubaarheid.”
Só het mnr Antonie Delport (hoof: Syngenta SA) aan produsente
gesê tydens Syngenta se SmartFarm Bewese Tegnologie-
beraad, wat vanaf 12 tot 16 September op Brits plaasgevind het
– ‘n eerste vir Syngenta SA. Die beraad is in lyn met die maat-
skappy se Goeie Groeiplan, wat daarop gemik is om die volhou-
baarheid van landbou op wêreldskaal teen 2020 te verbeter.
Luidens ‘n persverklaring het die beraad plaaslike produsente aan-
gemoedig om die manier waarop hulle boer, besluite maak, pro-
dukte aankoop en in gewasse belê, te verander. Dit sal daartoe lei
dat hulle op die lang duur slim keuses sal maak en groter opbreng-
ste sal lewer.
“As jy beplan om gemiddeld of ondergemiddeld besigheid te
doen, is landbou nie vir jou nie. Die vraag na kwaliteit en veilige kos
raak te hoog en as jy nie oor die tegnologie, innovering en nodige
intensiteit beskik om jou produkte in die mark te kry nie, gaan jou
besigheid agteruitgaan,” het Delport verduidelik.
Vir die maatskappy is slim vennootskappe ook belangrik. “Die oor-
name van Syngenta deur ChemChina, China se grootste chemiese
maatskappy, bring meer geld na die tafel om tegnologie te ontwik-
kel. Ons het ‘n vennoot gekry wat ons portefeulje komplementeer
en dit maak daarom sin om tegnologie-ontwikkeling onder een dak
te plaas,” het hy gesê.
AKTUEEL
RUTH SCHULTZ,
SA Graan/Grain
medewerker
Slimboere deel hul raad
oor die lug
Een van die grootste uitdagings in landbou is die feit dat
stadsjapies nie altyd weet met watter uitdagings pro-
dusente daagliks op die plaas gekonfronteer word nie.
Syngenta het die stap gedoen deur met die nasionale
radiostasie
RSG
saam te span om die belangrike bood-
skap van voedselsekerheid aan die publiek uit te dra.
“SlimBoer, ‘n oes van slim keuses” is op
RSG
se
Tjaila-
tyd
met Amore Bekker gedurende die beraadsweek uit-
gesaai. Luisteraars kon inskakel om hul stories oor die rol
wat produsente in hul daaglikse lewe speel, te deel en het
die kans gestaan om elke dag R2 500 in kontant te wen.
Produsente wat die beraad bygewoon het, het ook hul
ondervindinge gedeel oor wat dit behels om gedurende
moeilike tye steeds slim keuses te maak:
“‘n Slim produsent kan in een woord, naamlik risikobe-
stuur, opgesom word. Daar is net een konstante in boer-
dery en dit is verandering.” – Mnr André Groenewald
(Jan Kempdorp) en medestigter van
Farmboek
, ‘n foon-
toepassing waar jy meer inligting oor siektes en produkte
kan kry.
“As jy klein veranderinge in elke komponent van jou
boerdery aanbring, sal jy later ‘n groot verskil in die
wins van jou boerdery sien – wat beter produktiwiteit
tot gevolg sal hê. Ek het reg oor Afrika gewerk en kan
met vrymoedigheid sê dat as mense kos het om te
eet, daar meer rustigheid en stabiliteit in jou land is.”
– Mnr Ernst Zeelie (Hectorspruit)
“Dit is essensieel om op hoogte te bly van die nuutste
tegnologie – veral as ‘n mens kyk na die verskil in op-
brengste as gevolg van die verskillende generasies
se praktyke en gebruike oor jare.” – Mnr Philip Grobler
(Bothaville)
Vir nog interessante onderhoude en paneelbesprekings
met produsente tydens dié Syngenta-beraad, besoek
syngenta.slimboer
op
YouTube
.
1: Antonie Delport gesels met die eerste groep produsente wat die
Syngenta SmartFarm Tegnologie-beraad op 12 September bygewoon
het. “Die hart van Syngenta se besigheid is navorsing en ontwik-
keling en ons is trots op die tegnologie en oplossings wat Syngenta
mark toe bring,” het hy gesê.
2: Somergraan- en aartappelprodusente van reg oor die land, asook
Syngenta-agente en industrie-aandeelhouers, het die beraadsweek
bygewoon. Agter is: Bobby Engelbrecht en Neill O’Neill (albei aartap-
pel- en uieprodusente, onderskeidelik van Lephalale en Tom Burke).
Voor: Jacques Haasbroek (aartappel- en uie-produsent van Lepha-
lale), Callie Engelbrecht (Syngenta-agent) en Jako Nel (aartappel-
en uieprodusent van Tom Burke).
1
2