77 / 92
in die kollig
S
uid-Afrika se voedselsekerheid is afhanklik van familie-
boerderye – daarom het Senwes hierdie gepaste tema
in samewerking met Agri NW en Vrystaat Landbou se
jongboerverenigings in hul jaarlikse Toekomsfokusdag op
13 September op NAMPO Park geïnkorporeer.
Dié dag het ‘n
Nasie in Gespre
-formaat aangeneem en twee pa-
neelbesprekings oor familieboerderye is deur mnr Theo Vorster
gelei. Toeskouers kon ook die
Nasie in Gesprek
-toepassing aflaai en
aktief aan die bespreking deelneem deur vrae vir die paneel te stuur.
‘n Kenner op die gebied van familiebesighede, mnr André Diede-
richs (stigter: The Family Business Association of South Africa
[FABASA]), is van mening dat 96% van Suid-Afrika se voedsel-
sekerheid aan familieboerdery te danke is. “Die huidige generasie
leen eintlik net die besigheid by hul kinders,“ het hy gesê. Hy het
ook sterk melding gemaak van die opvolger se plek in ‘n besigheid.
“‘n Opvolger moet vermoëns en bereidwilligheid hê. As die seun
nie geskik is nie, moet iemand anders geïdentifiseer word.
Dieselfde reëls wat by ‘n korporatiewe instelling geld, moet in ‘n
familieboerdery toegepas word.“ Hy het ook genoem dat die kort-
termynbehoeftes van individue ondergeskik moet wees aan die
langtermynbehoeftes van die familiebesigheid.
Tydens die bespreking het mnr Heinrich Botha (produsent van die
Bultfontein-distrik) klem geplaas op watter voorreg dit vir hom is
om saam met sy pa te boer, omdat een doel en een visie vir hul
belangrik is. Hy het ook genoem dat konflik in familiebesighede
nie noodwendig negatief is nie, aangesien mense mekaar so beter
leer ken en gesonde debatte ook ruimte laat vir groei.
Vrystaat Landbou se Jongboer vir die Jaar 2016, mnr DJ van der
Linde, het sy mede-jongboere aangemoedig om hul ouers se leiding
te waardeer. “Mentorskap is iets wat elkeen benodig om suksesvol
te boer. Die oordra van kennis is essensieel,“ het hy gesê.
Mnr Hendrik Wessels van PricewaterhouseCoopers is van mening
dat ‘n pa nie noodwendig moet uittree wanneer hy aftree nie,
aangesien sy adviserende rol onberekenbare waarde toevoeg.
“Bestuur die kommunikasie tussen pa en seun op só ‘n wyse dat
die een weet wat die ander se verwagtinge is. Plaas strukture,
soos ‘n trust, in plek om van generasie tot generasie die voordeel
uit die gesamentlike besigheid te trek en vermy sodoende
belastingimplikasies.”
1: Ben Prinsloo (Reivilo), Gideon van Zyl (Vryburg) en Jan van Zyl
(Vryburg) het Agri NW se Jongboerkomitee by die dag verteenwoordig.
2: Gerhard Bruwer (‘n jongboer) het oor Graan SA se projekte gesels en
genoem dat die regering na hierdie droogte móét besef hoe belangrik
voedselsekerheid is.
3: Produsente gesels oor hul ervarings in ‘n familieboerdery tydens
die paneelbespreking. Van links is Anton Botha, Heinrich Botha,
DJ van der Linde en Gerhard Bruwer.
75
November 2016
AKTUEEL
ELMARIE HELBERG,
SA Graan/Grain
medewerker
1
2
3