10 / 92
ALZENA GOMES,
skakelbeampte: Graan SA
LEDE-LANDSKAP
‘n 180°-blik op ons lede en tak-akt iwiteite
Kopstukke gesels en geredeneer
by Megaweek
a
gri Mega Week, wat vanaf 14 tot 17 September by Mega
Park op Bredasdorp plaasgevind het, het verseker sy
reputasie van uiterste weerstoestande gestand gedoen
soos die week gevorder het. Dit is egter steeds ‘n
platform waar Graan SA-lede kan ontmoet, ontspan en
ware Kaapse gasvryheid geniet.
Die Graan SA-ledetent het hierdie jaar sy intrek in die Absa Events
Centre geneem en het aan lede ruim geleentheid gegee om nuus
oor plaasaktiwiteite op te vang, weerstoestande te bespreek en
natuurlik oor die invoertarief te koukus – gewapen met ‘n stomende
koppie warm cappuccino, geborg deur John Deere Financial.
Die Megaweek, wat die ideale geleentheid is om met sleutelrol-
spelers te skakel, het die Graan SA-bestuurspan, verteenwoordig
deur mnr Jaco Minnaar (voorsitter), me Preline Swart (visevoor-
sitter), mnr Jannie de Villiers (uitvoerende hoofbestuurder) en
dr Dirk Strydom (bestuurder: Graanekonomie en Bemarking), die
geleentheid gegun om agente, lede en sakelui te ontmoet en dié
informele netwerkgeleentheid is ten volle benut.
Debat
Graan SA, in samewerking met Standard Bank, het as gasheer vir
die jaarlikse
Landboudebat
, wat op Donderdag, 15 September
aangebied is, opgetree. Die onderwerp onder bespreking – wat
hewige debat ontlok het – was die invoertariefbeleid vir winter-
grane (koring en gars) onder leiding van De Villiers tesame met
mnre Nicolaas Hanekom (graanprodusent en makelaar) en Nico
Groenewald (hoof: AgriBesigheid, Standard Bank).
In die debat, wat ‘n sterk fokus op die koringtarief geplaas het, is
uitgelig dat die tarief nie ‘n subsidie is nie, maar eerder beskerming
teen subsidies bied. Hanekom het die gehoor weer eens daarop
gewys dat persepsies oor die koringtarief se invloed op die ver-
hoging in die prys van brood vir die verbruiker ‘n wanopvatting is.
Hy het verder ‘n pleidooi aan graanprodusente gerig om hul
bedryfsorganisasie sterk te hou, aangesien hul afhanklik is van dié
einste organisasie. Suid-Afrikaanse graanprodusente, anders as
hul internasionale eweknieë, sal nie teen ‘n lae prys kan produseer
of droogtes so goed kan hanteer nie – wat ‘n afname in graanpro-
duksie in die land sal teweegbring – sonder beskerming.
ALZENA GOMES,
skakelbeampte: Graan SA en
LIANA STROEBEL,
ontwikkelingskoördineerder: Graan SA
November 2016
8
1: Die Graan SA-ledelokaal was hierdie jaar in die Absa Events Centre gestasioneer. Dit was ‘n effektiewe skuiling teen wind en weer en was heerlik
gesellig vir diegene wat daar besoek afgelê het.
2: Koue weer het nie die besoekers afgesit nie.
3: Personeel van Graan SA se Paarl-kantoor het tydens die Megaweek die fort in die ledelokaal gehou. Hier staan Hailey Ehrenreich, Liana Stroebel en
Toit Wessels gereed om te help.
4: Jannie de Villiers het die
Landboudebat
tydens die Megaweek gefasiliteer.
5: Gerrit van Rensburg (Agri Mega) hier saam met lede van die paneel: Jaco Minnaar, Nicolaas Hanekom, Nico Groenewald en Jannie de Villiers.
6: Jacques en Irene de Villiers van die plaas Cedar in die Paarl het saam met hul kleinding die Graan SA-ledelokaal besoek.
1
4
2
5
3
6