44 / 116
Innovasie en tendense in
saadbehandeling
Maart 2016
42
S
aadbehandeling het ‘n lang geskiedenis sedert die gebruik
van plantresidu’s meer as 2000 v.C. Tans bied die ont-
wikkelings rondom saadbehandelingsprodukte, saadbe-
dekkings en toedieningstegnologie aan die produsent die
vermoë om ontkiemende saailinge met baie klein hoeveelhede
aktiewe bestanddele op ‘n hoogs geteikende metode te beskerm
teen insekte, swamme, aalwurms en ander omgewingsinvloede.
Terselfdertyd verminder dit die behoefte vir kapitaalintensiewe
spuittoerusting.
Daar is opwindende tendense in die saadbehandelingsgebied ge-
koppel aan beide produkinnovasie sowel as toedieningstegnologie.
Dit sluit in die verbeterde effek op die veiligheid van die mens, plant
en omgewing asook die komplementering van genetika sowel as
presisieboerderybestuurstegnieke.
Veiliger saadbehandelings
Wanneer saadbehandelingsprodukte ontwikkel word deur navor-
singsgebaseerde maatskappye soos Bayer, word daar deurgaans
gefokus op produkte wat die maksimum effek op die indikasie en
die minste moontlike effek op die omgewing, hetsy voordelige
organismes soos erdwurms en bye, het.
Daarom word rentmeesterskapprogramme soos Bayer se verant-
woordelike plantriglyne en die BeeCare-program ondersteun.
‘n Belangrike fokus is die bestuur van stof en daarom word insek-
doders met saadpolimeerbedekkings aanbeveel wat eerstens ver-
seker dat die aktiewe bestanddeel geteiken word waar dit nodig is
en tweedens die blootstelling aan die omgewing verminder word.
Terselfdertyd optimaliseer dit ook die plantproses in terme van die
vloeibaarheid van saad deur gereedskap omdat die wrywing wat
deur stof veroorsaak word, dramaties beperk word. ‘n 3% toename
in plantakkuraatheid kan behaal word met goeie stofbestuur.
Die derde kritiese aspek is die belangrikheid van saadveiligheid.
Baie navorsingsfokus word daarop geplaas om saadbehandelings-
produkte te ontwikkel wat nie ontkieming benadeel nie. Dit is ook
krities dat saadbehandelings nie nadelige effekte het waar saad
strestoestande soos koue ervaar of waar saad vir langer periodes
opgeberg word nie.
DIRK UYS,
Bayer
Saadbehandelingshoogtepunte
2000 v.C. Olyfresidu’s, uiesap en as word as oppervlakkige saad-
behandelings gebruik.
1660
Soutwater, koper en arseen is die nuutste ontwikkeling
in saadbehandeling.
1914
Bayer stel Uspulun op koring bekend.
1970
Die eerste triasool, Baytan, word bekendgestel vir
beide mielies en wintergrane.
1990
Gaucho word as insekdoder op mielies bekendgestel.
2010
Verskeidenheid swam- en insekmiddels word gekom-
plementeer met die nuutste toedieningstegnologie.
1: ‘n Voorbeeld van ‘n industriële saadbehandelingseenheid.
2: ‘n Voorbeeld van saadontkiemingskade (links) en veilige saadbehandeling (regs).
1
2
FOKUS
Saad
Spesiale
Produk-inligting