SA Graan Maart 2015

94 / 124

Te hoë en te lae dosisse veroorsaak hoë seleksiedruk vir teiken-
setel- en nie-teikensetelweerstand onderskeidelik. Wissel ook die
gebruik van ‘n effektiewe onkruiddoder so gereeld as moontlik af
met ander onkruiddoders met ‘n ander werkswyse (met ander
woorde in ‘n ander werkswysegroep).
Alternatiewe beheer
Met die oog op voorkoming en bestuur van onkruiddoderweer-
stand is dit noodsaaklik dat daar nie net op chemiese beheer
staatgemaak word nie. ‘n Reeks bewerkings- en geïntegreerde
beheermaatreëls teen sterremuur is in Europa ondersoek.
Daar is gevind dat sterremuur baie meer algemeen voorkom in
geenbewerkingspersele as in bewerkte persele. In die VSA is ge-
vind dat bewerking in die nag die ontkieming van onkruidsade,
waarvan die meeste uit sterremuur bestaan het, met tot 75%
verminder het.
Gewasrotasies beïnvloed ook die voorkoms van sterremuur.
In Duitsland is gevind dat sterremuur se voorkoms bevoordeel
word deur rotasies wat 80% grane bevat teenoor rotasies wat net
50% grane bevat. Sterremuur het ‘n onbeskermde groeipunt en is
dus baie gevoelig vir hittebehandeling.
So is 100%-beheer van sterremuur wat in die nul- tot vierblaar-
stadium was, met ‘n vlamwerper verkry. Sterremuur kan ook
onderdruk word deur beweiding. Die toepassing van geïntegreerde
bestuursaksies is baie belangrik, nie net om weerstand te voor-
kom nie, maar ook om onkruidbeheer meer omgewingsvriendelik
te maak.
Behandelings wat meer kompeterende gewastipes en kultivars,
hoë saaidigthede en verhoogde N-toediening ingesluit het, was
byvoorbeeld baie suksesvol om sterremuurpopulasies te onderdruk
en gewasopbrengs te verhoog.
Bedankings en verwysings
Die volgende persone het die artikel krities deurgelees en voorstel-
le ter verbetering gemaak waar nodig: Prof Andy Cairns (Universiteit
van Stellenbosch), dr Erik Eksteen (Syngenta), mnr Org Lotter
(Bayer CropScience), mnr Jim McDermott (Du Pont), mnr Hannes
Schoeman (Monsanto), mnr Frik Potgieter (Nulandis) en mnr Dirk
van Eeden (Terason).
Die lys van geregistreerde onkruiddoders is verkry vanuit die
publikasie: A guide to the chemical control of weeds in South Africa:
A CropLife South Africa Compendium. Bestel by
tions.co.za of 011 079 4199.
Inligting is ook verkry vanuit die boek Onkruide in gewasse en
tuine in Suidelike Afrika en is beskikbaar by die LNR-Instituut vir
Graangewasse, Privaat sak X1251, Potchefstroom, 2520. Kontak
Mary James by 018 299 6253 of
Die boek Probleemplante en indringeronkruide van Suid-Afrika
deur Clive Bromilow is ook geraadpleeg en is beskikbaar by
die meeste boekhandelaars of raadpleeg die webtuiste van die
uitgewers:
Lesers kan die pamflet Volhoubare gewasproduksie in die teen-
woordigheid van onkruiddoderweerstand ook in PDF-formaat ver-
kry van die skrywer van hierdie artikel by Dit is ook
(in Engels) beskikbaar op die CropLife SA-webtuiste ( .
croplife.co.za/Portals/13/Croplife_ Documents/Sustainable%20
crop%20produc tion%20 in%20 the%20presence%20of%20
herbicide%20resistance.pdf ).
4: Die blomme en blare van ‘n sterremuur.
5: Onkruiddoderweerstand by die sterremuur:
Links is ‘n sensitiewe populasie met onbespuite
kontrole voor; en vier verskillende sulfoniel
ureas wat teen aanbevole dosis gespuit is,
agter. Regs is presies dieselfde behandelings op
‘n sterremuurpopulasie van Riebeek Kasteel.
OP PLAASVLAK Geïntegreerde plaagbeheer
ONKRUIDE IN DIE
WINTERREËNVALSTREEK
4
5
92
Maart 2015