102 / 108
Julie 2017
100
Produsente verwonder hul aan
blinknuwe stroper en trekker
S
owat 1 000 gaste, wat hoofsaaklik produsente van regoor
die land ingesluit het, kon op 3 Mei vanjaar nie hul oë af-
hou van die nuutste stroper en trekker wat Case by die
Equidome Event Hall in Kyalami, Midrand aan hul vertoon
het nie.
Die bekendstelling was deel van die Case IH-handelsmerk se
175 jaar-vieringe. Produsente kon dié oggend ‘n verskeidenheid
stropers, trekkers, spuite en landboutoerusting vanuit alle hoeke
besigtig, waarna dié landboureus se splinternuwe Case IH 9240-
stroper en Magnum 380 CVT-trekker aan hulle voorgestel is.
Een van die wêreld se grotes
Die Case IH 9240-stroper is die grootste model in die Case IH-
reeks en een van die grootste stropers in die wêreld. Met die
AFS-moniteringstelsel sowel as die stuuroutomaat (
auto-pilot
)-
funksie wat standaard verskaf word, neem die stroper totale be-
heer by die operateur oor. Ander tegnologie sluit in AFX Axial
Flow-tegnologie, ‘n 16 liter-FPT-enjin en ‘n vergrote sif-area.
Sterkste en grootste in sy klas
Die kajuit van die Magnum 380 CVT Trac-trekker is die grootste in
sy klas en werk teen 68 desibel, wat die stilste op die mark is. Die
FPT 8,7 liter-enjin bied ‘n kraglewering van 410 kW, wat die trekker
die sterkste in sy klas maak.
Van krag tot krag
Northmec is die enigste verspreider en invoerder van Case pro-
dukte. Mnr Johan van der Merwe (besturende direkteur: Northmec)
het tydens die bekendstelling ‘n oorsig gegee van Case se suksesse
oor die afgelope vyf jaar.
“Dit is vir my aangenaam om vandag aan julle te kan rapporteer
dat die 4 500 m
2
-moniteringsaanleg op 1 Junie vanjaar op die
14 ha-hoenderplaas wat ons gekoop het, geopen is. Voortaan sal alle
Case produkte eers by dié aanleg deur ‘n kwaliteitkontroleproses
moet gaan om seker te maak dat die produk wat op die plaas
afgelewer word, op ‘n sekere standaard is,” het hy gesê.
Verder is die Red Excellence-program ook al by verskeie takke en
handelaars bekend gestel. Standerton se tak is reeds opgegradeer
en voldoen aan die Northmec bedryfstandaard. Besondere fokus
word geplaas op onderdele. “Case se onderdele-pakhuis van
4 000 m
2
is meer as verdubbel in grootte na 9 000 m
2
.
“Northmec het ook die afgelope jaar sy markaandeel verdubbel.
Verbintenisse is met nog twee handelaars, VKB en Suidwes, gesluit
om Northmec se produkte te versprei.”
Volgens mnr Tony Sinclair (uitvoerende hoof: Capital Equipment
Group) plaas hulle oorwegend fokus op kommunikasie met kliënte
en lê hul sukses met topgehalte kliëntediens juis hierin. “Ons het
die afgelope paar jaar miljoene spandeer om personeel kommuni-
kasietegnieke aan te leer, sodat probleme so gou as moontlik opgelos
kan word,” het hy verduidelik.
Die eerste 20 persone wat op dié dag bestellings vir masjiene
geplaas het, wen ‘n reis na Amerika toe om die grootste trekker-
en stroperaanlegte te besoek.
AKTUEEL
Produk-inligting
RUTH SCHULTZ,
SA Graan/Grain
medewerker
1: Sowat 1 000 gaste, wat produsente en handelaars
ingesluit het, het die Case produkbekendstelling
bygewoon.
2: Deon van der Westhuizen (Bethal), Pieter Griesel,
Cobus van Coller, Dries du Preez en Hercu du Preez
(almal van Viljoenskroon) by een van die vele indruk-
wekkende Case trekkers wat dié dag uitgestal is.
3: Hanno Lombard en Fanie Nel (albei van Excelsior)
het die Case IH Magnum 310-trekker van nader gaan
beskou.
4: Jano Buitendag, Klaas Tromp, Bennie du Plessis,
Henk Schutte, Hannes Terblanche, Nico van der Merwe
en Muis Thornhill (almal van Thabazimbi) het deurgery
vir die Red Power Excellence-dag in Johannesburg.
1
3
4
2