10 / 100
ALZENA GOMES,
skakelbeampte: Graan SA
LEDE-LANDSKAP
‘n 180°-blik op ons lede en tak-akt iwiteite
Méér as een rekord spat by die
50ste NAMPO Oesdag-aanbieding
m
et die aanloop na die Graan SA NAMPO Oesdag
het ons skouer aan die wiel gesit en ‘n toegewyde
bewusmakingsveldtog vir dié 50ste aanbieding
van die Oesdag geloods om ons lede, sowel as die
wyer publiek, attent te maak op alles wat ‘n be-
soek aan NAMPO hulle hierdie jaar kon bied.
Selfs te midde van die droogte en moeilike toestande op die plaas,
het ‘n rekord aantal Graan SA-lede hierdie jaar die ledelokaal be-
soek. Die gebruiklike vervoerdiens vanaf die ledehek – eksklusief vir
ons lede en geborg deur Absa AgriBesigheid – was maar een van die
voordele wat Graan SA-lede tydens die Oesdag ontvang het.
Die ledelokaal se koffie, geborg deur John Deere Financial, het
‘n reputasie wat al ver buite die NAMPO-grense strek. Dit het tot
gevolg gehad dat die
baristas
meer as 3 000 cappuccino’s en warm
sjokolades bedien het. Met ‘n koue lafenis vir die kele na middagete,
kon lede ligte versnaperinge geniet en die goeie netwerkgeleent-
hede wat die ledelokaal met medeprodusente bied, benut.
Lede kon op hoogte bly van die nuutste markverwikkelinge deur
die vertoning van lewendige Safex-markinligting in die ledelokaal.
Verder het die
Nasie in Gesprek
-forum, gelei deur kundiges in die
bedryf en uitgesaai op skerms in die ledelokaal, produsente op hoog-
te gehou van aktuele kwessies in landbou, met ‘n beduidende fokus
op die beeld van landbou. Gesprekke het onder andere gefokus op
nuwe kommersiële produsente, familiebesighede, die waardeket-
ting van die plaas na die vurk en die bemarking van landbou as ‘n
aantreklike beroepskeuse aan die jeug.
Met dieselfde fokus en missie om die beeld van landbou te be-
vorder, het Graan SA sy sosiale mediaplatforms gebruik om ‘n in-
ligtingsreeks oor die NAMPO Oesdag te publiseer, wat onder meer
NAMPO-argief- en -tydlynplasings, NAMPO-datumaankondigings
en NAMPO-toe en nou-plasings, ingesluit het.
Reg deur het ons gepoog om aktuele inhoud oor te dra met die
doel om gesprek te stimuleer – op ‘n insiggewende wyse. Beide
video- en korttekste van wat op NAMPO Park gebeur, is uitgesaai en
gedeel – met ‘n die fokus op die bevordering van Graan SA se beeld.
Beeldmateriaal van belangrike landbourolspelers, die Graan SA-
bestuur en gebeurtenisse by die 50 jaar-funksie is onder meer ook
gedeel. Dit het verseker dat lede wat self nie die Oesdag kon by-
woon nie, beslis niks misgeloop het nie.
Die Graan SA
-blad het ‘n rekordtotaal van 65 338 inter-
aksies, 23 846 videokyke, 2 643 064 indrukke en 1 835 toename in
aanhangers tydens die week gehad. Graan SA se
-blad het
113 000 interaksies gehad, 472
re-tweets
en 341 skakel-klieks, ter-
wyl die Graan SA
-blad 2 656 interaksies op 113 foto’s
ontvang het.
Bekendes maak ‘n draai
‘n Hele paar bekende gesigte het ook NAMPO se 50ste aanbie-
ding kom vier en behalwe vir die immergewilde Cheetahs-rugby-
span, het die Graan SA-ledelokaal en -uitstalling ook besoek
ontvang van me Annette Steyn (Skaduminister van Landbou),
mnr Mmusi Maimane (leier van die DA), mnre Alex Kotzé van die
K2 Twins-faam en Pieter Koen met die
Kwêla
-span wat ‘n insetsel
oor NAMPO verfilm het.
50 jaar-funksie
‘n Funksie om die 50ste NAMPO Oesdag-aanbieding te vier en om
voorgangers van NAMPO te vereer, is tydens die Oesdag gehou vir
oud-NAMPO Oesdag-voorsitters, vrywillige werkers, bestuur en
personeel en ‘n kort video van NAMPO se geskiedenis is vertoon.
Indien jy enige van die gebeurtenisse misgeloop het, besoek gerus
die NAMPO Oesdag
-blad of die Graan SA
YouTube
-reke-
ning vir ‘n kykie na die video-opnames. Ons sien uit om al ons lede
volgende jaar, 16 tot 19 Mei 2017, in die ledelokaal terug te ver-
welkom.
Gooi gerus ‘n ogie oor die NAMPO-fotobeeld op bladsy 9 tot 13.
1: Die Cheetahs-rugbyspan het ook op NAMPO kom kuier! Hier is hulle in
Graan SA se ledelokaal saam met ‘n paar van Graan SA se personeellede.
Foto: Elmarie Helberg,
SA Graan/Grain
medewerker
2: SA Graan-lede Israel Motlhabane (Wesselsbron), William Matasane
(Senekal), Johannes Ralesekele (Ventersburg) en Johannes Setshego
(Hennenman) het vanjaar by die NAMPO Oesdag saamgekuier en ‘n
draai by die Graan SA-uitstalling gemaak.
Foto: Louise Kunz,
SA Graan/Grain
medewerker
3: Atamelang en Mpho Mokgare (Botswana) het met Graan SA se
personeel oor graanbemarking kom gesels en sommer in die ledelokaal
na die lewendige Safex-skerm gekyk.
Foto: Estie de Villiers, redakteur:
SA Graan/Grain
Julie 2016
8
1
2
3