6 / 52
4
d
ie Desembervakansietyd is vir
my ‘n tyd van besinning oor waar
ek trek met verskeie aspekte van
my lewe en om ‘n bietjie voren-
toe te kyk ten opsigte van die
jaar wat voorlê. Ons gesin span-
deer minstens ‘n paar dae alleen iewers in die
berge of in die bos om ons verhoudings met
mekaar te bespreek en om ons doelwitte vir
die nuwe jaar met mekaar te deel.
Geestelike doelwitte, akademiese doelwitte
en verhoudingsdoelwitte is die dinge wat
ons ernstig met mekaar deel en mekaar voor
verantwoordelik hou. Ons praat ook oor die
jaar wat verby is en hoe ons gevaar het. 2015
gaan regtig ‘n moeilike jaar wees wat die
werk aanbetref.
Die twee onderwerpe wat ons reg aan die
begin sal moet hanteer, is die implemente-
ring van die grondhervormingsbeleid en ‘n
goeie wegtrek ten opsigte van die sosiaal-
maatskaplike arbeidsake.
2015 gaan ook ‘n waterskeidingsjaar vir georganiseerde landbou
wees om te herstruktureer en op ‘n nuwe pad te kom. Graan SA
gaan ook nie vryspring om self in diepte na ons eie strukture te
kyk en om die nodige aanpassings te maak vir die jare wat voorlê
nie. Sulke aanpassings is nooit maklik nie, maar dit is die dinge wat
nodig is om weer nuwe groei mee te bring.
2015 gaan waarskynlik ‘n nuwe rekordoes vir sojabone lewer en
‘n nuwe bedeling vir die koringbedryf inlei. Alles mooi en goeie
vooruitsigte. Ons verhoudinge met die staat het ook nuwe “oeste”
opgelewer en beter opbrengste.
Ná verskeie jare van samewerking het Suid-Afrika uiteindelik ‘n
ooreenkoms met China geteken wat beteken dat ons nou ook
ons mielies aan hulle kan lewer. Ons vorige voorsitter, mnr Neels
Ferreira, en minister Tina het die werk begin en nou is dit uitein-
delik afgehandel. Dankie aan almal wat hard gewerk het om hierdie
moontlik te maak.
Hoe sal ons weet hoeveel van ons ander langertermynprojekte
(soos biobrandstof) gaan dalk ook in 2015 tot vrug kom? Dit gaan
beslis ook ‘n groot waterskeidingsjaar vir ons Graan SA landbou-
ontwikkelingsprogram wees. Daar is by die dag meer en meer on-
weerswolke op die horison wat totaal ander idees daaroor het as
waarmee ons nou besig is. Dit is jammer.
Ek is egter vol moed dat die span leiers, personeel en lede van
Graan SA gereed sal wees om die uitdagings die hoof te bied.
Waarvan ek baie oortuig is, is dat ons nie sonder julle as lede se
ondersteuning en gebede kan klaarkom nie. Ons beplan om vroeg
in 2015 weer daar in julle omgewing streeksvergadering te hou om
ons drome en probleme met mekaar te deel sodat ons saam die
nuwe jaar kan aanpak.
Vir die nuwe jaar gaan ons beslis durf, waagmoed, vindingrykheid
en deursettingsvermoë nodig hê. Ons vermoë om verskillende
dinge gelyktydig te hanteer gaan erg op die proef gestel word: Ver-
hoog produktiwiteit, terwyl ons aan moeilike kwessies, soos trans-
formasie op alle terreine, werk.
Sterkte vir die jaar wat voorlê, Graan SA is saam met jou!
2015 vol uitdagings
JANNIE DE VILLIERS,
uitvoerende hoofbestuurder/CEO
“
Vir die nuwe jaar
gaan ons beslis durf,
waagmoed, vindingryk-
heid en deursettingsver-
moë nodig hê.
“
STANDPUNT
POINT OF VIEW
Graan SA
Januarie 2015