3 / 52
1
January 2015
Ontmoet ons
medewerkers...
g
errie Trytsman is gebore
op Kareedouw; het skool
gegaan op Hankey en
Matriek op Humansdorp
voltooi. Ná hy sy diensplig voltooi
het, doen hy aansoek vir werk by
die Transvaalstreek se Landbou
Departement as leerlingtegnikus
en verwerf ‘n nasionale diploma by
die Technikon Pretoria in plantkunde. Hy word later gesekondeer
na Rietondale proefplaas om peulgewasnavorsing te doen.
Met die ontstaan van die BTech-grade by die technikon, word
hy as een van die pioniers gekies om die graad te doen. Gerrie
skryf daarna by Kovsies in vir ‘n meestersgraad. Hy is tans
saam met Graan SA besig om na ‘n meer volhoubare stelsel
te kyk in ons semi-ariede graangebiede deur die beginsels
van bewaringsboerdery toe te pas en veral die wisselbou deur
middel van dekgewasse te verbreed.
Hy is getroud met Marike en hulle het twee dogters. Hy en
sy mede-outeurs is verantwoordelik vir die maandelikse CA-
rubriek
Integrated crop and pasture-based livestock production
systems
(
bladsy 20
).
K
unsmispryse kan gedurende die jaar uiter-
matig wissel en omdat kunsmis as produksie-
inset so ‘n groot bydrae lewer tot ‘n graan- en
oliesadeprodusent se lopende produksiekoste,
kan die tyd van aankope ‘n reuse-verskil maak.
In Inset-oorsig (
bladsy 15
) kyk
CORNÉ LOUW
en
PETRU FOURIE
(albei van Graan SA) na wanneer
kunsmispryse die goedkoopste is. Volgens hulle
blyk dit dat beide internasionale en plaaslike
kunsmispryse in Januarie, Februarie of Maart
op hul laagste is. Die neiging is ook dat pryse
nader aan die einde van ‘n kalenderjaar, op hul
hoogste is.
MEDEWERKERS
vir hierdie uitgawe
Chris Dannhauser, Jannie de Villiers, Max du Preez, Petru Fourie, Justin Hatting, Elmarie Helberg, Koos Kirsten, Wessel Lemmer, Corné Louw, André Nel, Jolanda Nortjé,
PJ Pieterse, Ruth Schultz, Gerrie Smit, Hendrik Smith, Jason Sparrow, Liana Stroebel, Wayne Truter, Gerrie Trytsman en Kobus van Zyl
o
ns is klaar met Graad 1...Sjoe, kan nie glo hoe die afgelope jaar
gevlieg het nie! Dit voel soos gister wat ons vir Ousus die eer-
ste keer grootskool toe gevat het. Ongelooflik hoe vinnig die
tyd aanstap; nee, eerder weghardloop!
Einde verlede jaar was dit dan ook Ousus se meriete toekenningsdag
– ’n geleentheid om, soos die hoof dit gestel het, “aan die kinders voor
hul eie portuurgroep erkenning te gee vir die uitstaande prestasies
wat die afgelope jaar behaal is”. Hoe anders is dit nie as toe ek in die laer-
skool op die plaasskool was nie! Nou se dae word dit die oggend in
skooltyd gehou – baie formeel. En al die ouers was nie eers daar ge-
wees om te sien hoe trots hierdie langbeen-haasbek-kindertjies oor die
verhoog stap om hulle sertifikate by die hoof te ontvang nie.
Ek onthou nie meer wie watter prys of sertifikaat destyds by ons
plaasskool-prysuitdeling gekry het nie. Wat ek wel onthou, is hoe lekker
ons klomp maats ná die tyd by die bring-en-braai gespeel het – weg-
kruipertjie of aan-aan. Ons het die speelgronde in die donker platge-
hardloop – so asof jy moes opmaak omdat jy heel Desembervakansie
nie jou maats gaan sien nie. En die ouers het mekaar almal geken en
land en sand om die braaivleisvure gekuier – anders as hier waar jy net
‘n paar ouers ken en in die verbygaan groet.
Dis tog jammer dat tye so verander het; dat ‘n mens so gejaag lewe
en nie meer moeite doen om tyd te spandeer om mense beter te leer
ken nie. Dis net elkeen vir homself. Elkeen baklei sy eie stryd – op sy
eie mishoop.
My voorneme vir die nuwe jaar is om weer (en meer) aandag (en tyd)
te gee aan die mense rondom my: My gesin; my familie; my vriende;
my kinders se maatjies – ek dink ‘n mens vergeet soms watse groot
invloed vriende op jou kind se lewe het – ons bure. Die gemeenskap
waarbinne jy woon; om ‘n betrokke ouer; vriend en landsburger te word.
Kliek-kliek
Die nuwe
SA Graan
/Sasol Chemicals (Kunsmis) fotokompetisie vir ama-
teurfotograwe skop ook af en in dié uitgawe kan jy meer lees oor die
2015-tema: Die plaaslewe. So komaan; as jy graag foto’s neem, is hier-
die nou die ideale geleentheid om jou foto’s in te stuur en die kans te
staan om R1 000 as maandelikse wenner in te palm of dalk selfs meer
wanneer jou foto deurgaan na die eindrondte.
Gee ‘n Bybel weg
Lesers het ook elke maand die geleentheid om hulle (of ‘n werknemer)
se besonderhede in te stuur om in aanmerking te kom om ‘n Bybel (met
komplimente van die Bybelgenootskap) te ontvang. Die Bybels is in
Afrikaans, Engels, Zulu of Xhosa beskikbaar.
Graangids
Saam met hierdie uitgawe van
SA Graan/Grain
word die landbou-na-
slaangids,
Graangids
, uitgepos – ‘n bêreboek wat elke produsent dig by-
derhand moet hou. Ons is baie trots op dié gids wat oor die afgelope jare
gegroei het tot die volwaardige publikasie wat dit vandag is.
Groetnis tot volgende maand!
ESTIE DE VILLIERS,
redakteur
VOORPUNT
I
n Deel 8 van ons reeks “Onkruide in die winter-
reënvalstreek” (
bladsy 16
) skryf
PJ PIETERSE
(Universiteit van Stellenbosch) meer oor die kiesie-
blaar. Kiesieblaar kom wydverspreid in Suid-Afrika
voor, maar is veral in die Kaapse provinsies ‘n
lastige onkruid, veral in boorde en wingerde.
I
n “Ken jou (vriendelike) vyand” – ‘n reeks oor
die natuurlike vyande van insekte in kleingraan-
verbouing – sal kennis oor natuurlike vyande se
voorkoms, gedrag en algemene lewensiklus, vol-
gens
JUSTIN HATTING
(LNR-Kleingraaninstituut),
produsente in staat stel om ingeligte besluite te
neem ten einde biologiese beheer te ondersteun.
Meer op
bladsy 30
.