15 / 68
Tydskrif neem afskeid
van sy hoofjokkie
T
ydens
SA Graan/Grain
se jaarlikse Redaksiekomitee-
afsluiting in November verlede jaar, is daar afskeid geneem
van mnr Johan Loxton (bestuurder: Kommersiële Dienste),
wat sedert 1996 as deel van sy portefeulje die besturende
redakteur van die tydskrif was. Loxton het in 2015 afgetree.
Mnr Theo Ferreira (voorsitter: Redaksiekomitee, Graan SA) het
tydens die geleentheid sy dank en waardering teenoor Loxton,
wat die afgelope 19 jaar aan hoof van die tydskrif gestaan het, uit-
gespreek. Onder Loxton se hand het die tydskrif relevant gebly en ‘n
gewilde advertensiebestemming geword.
“Ons neem afskeid van ‘n man wat nie geskroom het om van koers
af te wyk nie sodat die tydskrif vandag in eie reg ‘n bestaan het.
Die tydskrif is finansieel onafhanklik – sekerlik een van die grootste
uitdagings vir só ‘n tydskrif.
“Ja, dit is sekerlik ‘n spanpoging, maar die jokkie van die span
neem die leiding en gee die
spark
wat aan almal in die span daardie
ekstra ‘woema’ gee. Johan, jy was sowaar daardie jokkie gewees;
jy het elke oomblik presies geweet waarheen jy met die tydskrif
op pad is en alle eer aan jou wat meer as die doel bereik het wat
jy vir jouself daargestel het,” het Ferreira afgesluit. “Jy het ‘n sterk
platform geskep waarop dié span net kan voortbou.”
Ferreira het ook die tydskrif se medewerkers bedank vir hulle
insette en harde werk om waardevolle inligting en kennis aan die
lesers van die tydskrif oor te dra.
In gesprek met Loxton
SA Graan/Grain
het met Loxton gaan gesels kort voor sy uittrede
by die tydskrif. Op ‘n vraag wat vir hom as hoogte- en laagtepunte
by die tydskrif uitstaan, antwoord hy sonder om te skroom: “Daar
was vir my baie hoogtepunte – veral elke keer as die tydskrif ver-
nuwe is en die standaard net weer verbeter het. Dit staan vir my uit.
“Dan natuurlik ook die positiewe terugvoer wat ons van ons lesers
en adverteerders gekry het. Ook die goeie sameweking met die
diensverskaffers, veral Kolbe Media en Infoworks. Die hele Redak-
siekomitee het ook altyd so positief saamgewerk.
“Daar was nie vir my regtig laagtepunte nie...dit was wel altyd ‘n
uitdaging om voortdurend te bly verbeter!
“Ek is die trotsste op die groei van die tydskrif – op alle gebiede – en
die erkenning wat dit geniet. Ons het gehou by die pilare waarop die
tydskrif oor jare gebou en gevestig is:
Fokus op kommersiële graan- en oliesadeprodusente en die
doel van die tydskrif: Om by te dra tot Graan SA se visie om te
verseker dat die produsent se boerdery winsgewend en vol-
houbaar is en bydra tot voedselsekerheid in die land.
Kwaliteit redaksionele inhoud.
Goeie samewerking met en goeie ondersteuning deur diens-
verskaffers.
Goeie finansiële bestuur.
Goeie produksiebestuur en kwaliteitskontrole.
Pad vorentoe
Die tydskrif word sedert 1 November 2015 deur Infoworks Media
Publishing bestuur. Mnr Johan Smit (bestuurder: Infoworks)
tree as besturende redakteur op en sal vanaf 1 April vanjaar aan
dr Dirk Strydom, die nuwe bestuurder: Graanekonomie en Be-
marking, rapporteer. Vir die interim ressorteer die tydskrif onder
mnr Nico Vermaak (bestuurder: Korporatiewe Dienste).
Die advertensiebemarking van die tydskrif word steeds deur
mnr Jurgen van Onselen van Kolbe Media hanteer en me Estie
de Villiers (redakteur) is oudergewoonte op haar pos om om te sien
na die maandelikse verskyning van die tydskrif.
Loxton is steeds op ‘n kontrakbasis verantwoordelik vir die organi-
sering van Graan SA se NAMPO Oesdag.
13
February 2016
GRAAN SA
ESTIE DE VILLIERS,
redakteur:
SA Graan/Grain
Blywende nalatenskap
Ek wil graag namens Graan SA vir Johan dankie sê vir die profes-
sionele manier waarop hy die tydskrif vir baie jare bestuur en met
groot stabiliteit in die markplek gevestig het.
Hy het ‘n baie bekwame span gelei om altyd nuwe denke in te
bring en seker te maak dat die basiese beginsels waarop die tydskrif
geskoei is vervul word. Die tydskrif is ‘n vaktydskrif om die produk-
tiwiteit van ons graanprodusente te verbeter. Die verhoudinge
met ons vennote het oor tyd gegroei om standvastigheid te bring.
SA Graan/Grain
speel ‘n belangrike rol in ons visie om produsente
ingelig te hou wat die nuutste navorsing en marktendense betref.
Personeel word vergoed vir hulle poging om hulle werk na behore
te doen, maar die
SA Graan/Grain
-tydskrif is ‘n blywende nalaten-
skap wat Johan vir die graanbedryf nalaat. Baie dankie.
– Jannie de Villiers (uitvoerende hoofbestuurder: Graan SA)
1: Theo Ferreira, Willem Voogt (toe nog bestuurder: Bemarking en
Finansies, Graan SA) en Johan Loxton tydens die Redaksiekomitee-
afsluiting verlede jaar op NAMPO Park waar daar ook afskeid van
Loxton geneem is en hy bedank is vir sy jarelange betrokkenheid
by die tydskrif.
2: Johan Smit, links, en Jurgen van Onselen (Kolbe Media), regs, het
‘n aandenking aan Johan Loxton oorhandig. ‘n Paar van die tydskrif se
voorblaaie, met Loxton se foto op die voorblad ingevoeg, is geraam en
aan hom oorhandig. Loxton het die komitee bedank vir hulle onder-
steuning en samewerking. Volgens hom was die Redaksiekomiteever-
gaderings van die lekkerste vergaderings om by te woon.
1
2