12 / 68
Februarie 2016
10
Openlik en eerlik tydens
Wes-Kaap-boeredae gesels
n
uwe era-graanboere in die Suid-
en Wes-Kaap het in Desember
verlede jaar twee boeredae (aan-
gebied deur Graan SA) by Fyn-
bos Estate buite Malmesbury
en op Wildebraam Bessieplaas
buite Swellendam bygewoon.
Albei vergaderings is goed bygewoon deur
nuwe era-boere, mentors, die Wes-Kaapse
Departement van Landbou asook verskeie
plaaslike bedryfsrolspelers. Die hoofdoel
van hierdie dae is om mense byeen te bring
om sake te bespreek, te dink en oplossings
vir plaaslike uitdagings te vind.
Geleenthede soos hierdie skep ook ‘n ge-
sonde platform vir nuwe era-boere om met
plaaslike insetverskaffers en rolspelers ken-
nis te maak en verhoudings te bou.
Ons was geëerd om uitstekende sprekers
te ontvang. Me Carol Levindal van die Wes-
Kaapse Departement van Landbou, het ‘n
insiggewende voorlegging gelewer rakende
die departement se strategiese doelwitte,
die kommoditeitsbenadering, die werking
van die departement se CASP-befondsing
en ook die moontlikhede en beperkinge
van hierdie tipe befondsing in perspektief
geplaas.
Mnr Barend Sylvester van Kaap Agri, het
meer van die landboumaatskappy se wer-
king en beskikbare dienste vertel, terwyl
prof Johan van Rooyen van die Sentrum vir
Agribesigheid Ontwikkeling en Leierskap
aan die Universiteit van Stellenbosch, ons
nuwe era-boere en mentors se denke ge-
prikkel het met insiggewende inligting ra-
kende verskeie benaderings tot mentorskap
en beskikbare programme om mentors te
ondersteun.
Mnr Noko Masipa, van Land Bank, het meer
van die bank se struktuur en strategie vertel,
mnr Willem Burger, kredietbestuurder van
SSK, het boere ingelig oor die koöperasie
se agtergrond, missie, finansiële statistiek,
uitstekende vordering met nuwe era-boere
se lidmaatskap, stelsels wat in plek gestel is
om hierdie boere te ondersteun asook wat
hul vir die toekoms beplan.
Mnr Dirk van Paperdorp, produsent en men-
tor van die Suurbraak Graanboeregroep, het
sy gedagtes, raad en ondervinding oor die
vreugdes, uitdagings en oorwinnings van
mentorskap gedeel.
Laastens het mnr Byno van Huffel, van
Meulenhofplaas buite Ceres en mnr Johan-
nes Hartnick, voorsitter van Oliebooms-
kraal Boerdery Koöperasie in Slangrivier,
terugvoer oor die Graan SA Wes-Kaapse
toer vir nuwe era-boere gegee en ook
op hul beurt die Departement van
Landbou en spesifiek me Joyene Isaacs
bedank vir die departement se onbaatsug-
tige bystand en die ondersteuning wat aan
nuwe era-boere in die Suid- en Wes-Kaap
verleen word.
Relevante vrae is deur verskeie rolspelers
by die onderskeie vergaderings gevra, wat
gesonde gesprekke en debatte aan die gang
gesit het. Boere het ook die geleentheid ge-
kry om hul bekommernisse en uitdagings
met rolspelers te deel.
Ons glo dat daar ‘n groot behoefte is aan
meer geleenthede soos hierdie, waar daar
rustig, openlik en eerlik gepraat kan word,
waar boere en rolspelers hul gedagtes
sonder oordeel kan deel, waar wanpersep-
sies uit die weg geruim word en waar op-
lossings en samewerking aan die orde van
die dag is.
Ons wil die Wintergraantrust graag hartlik
bedank dat hulle dae soos hierdie vir ons
moontlik maak. Dit is van groot belang vir
die graanbedryf om hierop te bou.
LIANA STROEBEL,
ontwikkelingskoördineerder: Graan SA
1: Boere in gesprek tydens die boeredag wat op Fynbos Estate,
Malmesbury gehou is.
2: Carol Levindal het ‘n insiggewende voorlegging rakende die Wes-Kaapse Departement van
Landbou se strategiese doelwitte gelewer.
3: Daar word aandagtig na prof Johan van Rooyen geluister.
4: Noko Masipa het meer van Land Bank se struktuur en strategie vertel.
5: Willem Burger lig boere in oor SSK se vordering met nuwe era-boere se lidmaatskap.
6: Andy Harmse van Suurbraak aan die woord.
1
4
2
3
6
LEDE-LANDSKAP
GRAAN SA
5