10 / 68
ALZENA GOMES,
skakelbeampte: Graan SA
LEDE-LANDSKAP
‘n 180°-blik op ons lede en tak-akt iwiteite
Waardevolle lesse met nuwe era-boere
gedeel tydens Kaapse toer
g
raan SA se Graanprodusentontwikkelingspro-
gram het in November verlede jaar ongeveer
15 nuwe era-boere op ‘n toer deur die Suid- en
Wes-Kaap geneem. Die doel van hierdie toer was
om die boere meer blootstelling aan verskeie
boerderypraktyke, bestuurstyle asook aan die
waardeketting en verskeie bedryfsrolspelers te gee.
Boere wat hierdie toer meegemaak het, is hoofsaaklik
graanboere vanuit Velddrif, Piketberg, Moorreesburg, Hope-
field, Darling, Ceres, Elim, Spanjaardskloof en Slangrivier en
het van groot tot kleiner boere ingesluit. Die groep het in die
Paarl ontmoet vanwaar die toer afgeskop het. Die atmosfeer
van opgewondheid in die bus was tasbaar met nuwe ont-
moetings asook ou vriende wat mekaar vir die eerste keer in
‘n lang tyd weer gesien het.
Die Wes-Kaap-gedeelte van die toer het besoeke aan
Meadow Voere, Koos Blanckenberg (van Klipheuwelplaas),
die Sasko Meule, dr Johann Strauss (Wes-Kaapse Departe-
ment van Landbou se Langgewensproefplaas) en Tomi’s
Slagpale ingesluit.
‘n Besoek is ook afgelê aan mnr Ismail Motala (vrugteprodu-
sent en voorsitter van AFASA), waarna die toer na die Suid-
Kaap beweeg het. Hierdie besoeke het prof Robin Meeske
en sy navorsingspan (by die Wes-Kaapse Departement van
Landbou se Outeniquaproefplaas), mnr Jan-Hendrik Joubert
(van die plaas Uitkyk), mnr Dirk van Papendorp (mentor van
die Suurbraak Grain Farmers) asook mnr Pietie Uys (buite
Swellendam) ingesluit.
Die omvang van teoretiese en praktiese inligting, bestuurs-
praktyke asook beginsels wat hierdie produsente en rolspelers
in só ‘n kort tydperk aan die nuwe era-boere oorgedra het, is
voorwaar indrukwekkend. Die eerlikheid van alle vrae en ant-
woorde was opvallend – wat baie waarde tot elke besprekings-
punt toegevoeg het en tot dieper insig gelei het.
Die temas wat soos ‘n goue draad deur die hele toer geloop
het, was die beginsels van bewaringsboerdery, goeie be-
planning, samewerking en om alle besluite op gesonde be-
sigheidsbeginsels te baseer. Graanprodusente en rolspelers
in die bedryf met jare ondervinding het verder waardevolle
raad wat hulle tot vandag self toepas gedeel, naamlik om
aan te hou vrae vra, te lees, te leer, om aanpasbaar te wees
en om dit wat jy doen, altyd op die eersgenoemde beginsels
te baseer.
LIANA STROEBEL,
ontwikkelingskoördineerder: Graan SA
Hoogtepunte van die toer
‘n Paar opmerkings van persone wat die toer bygewoon het:
“Vir my was dit ‘n hoogtepunt om gesprekke met ander produsen-
te te hê en te besef dat hulle dieselfde uitdagings as ek ervaar en
die besef dat as ons saamwerk, ons hierdie uitdagings kan oorkom.”
– Samantha Smiles, DEHS Farming
“Ek het die toer baie leersaam gevind en idees gekry wat ek kan ge-
bruik. ‘n Hoogtepunt vir my was om te sien hoe hierdie kommersiële
produsente bereid is om inligting te deel.” – Andries van der Poll,
Klipdrift
“Die hoogtepunte van die toer was vir my om te besef dat boerdery
met presisie bedryf kan word; dat mens geduldig moet wees; hoe
ons saam met Moedernatuur moet werk om die volhoubaarheid van
die grond te verseker en hoe ons die grond kan bestuur om natuur-
like grondstowwe te behou.” – Hamilton Klaase, Welbeloon
“Dit was baie interessant en ek het baie geleer. Die besoeke wat ek
die meeste geniet het, was ons besoeke aan Koos Blanckenberg en
Jan-Hendrik Joubert.” – Abraham Nathan, Knolkop
“Ek het dit baie geniet, het baie geleer en sal nog meer wil leer. By
Sasko Meule was dit vir my baie interessant om te sien hoe hulle die
meel maal en verpak.” – Lukas Cleophas, Knolkop
“Daar is beslis idees en praktyke wat ons kan saamneem na ons
boerderye toe en wat ons kan toepas. Wat vir my uitgestaan het,
is die goeie samewerking tussen die broers by Koos Blanckenberg.
Ek het baie by die proefplase geleer en verstaan ook nou beter
waarheen die bemesting gaan en die voordele wat dit inhou. Daar
was by elke besoek iets wat van toepassing was op ons plaas.”
– Hilton Papier, Theewatersvlei
“Ek kyk nou met ander oë na ons besigheid en bewaringsboerdery is
‘n móét. Ek sal die goue reëls wat ek geleer het, gaan toepas en elke
dag my beste gee.” – Preline Swart, Swart Boerdery
“Die toer was baie leersaam. Dit was goed georganiseer en by elke
besoek was daar baie praktiese sowel as tegniese inligting beskik-
baar. Inligting wat ek kan terugneem plaas toe, sluit in: Dat bewa-
ringsboerdery die toekoms is; dat ons vir die natuur moet omgee;
dat mens ‘n leier moet wees in dit wat jy doen; dat mens moet vra,
bel,
, dink, beplan en geniet wat jy doen.” – Byno van Huffel,
Meulenhof
Februarie 2016
8