SA Graan Desember 2015

25 / 44

Hierdie tipe navorsing is daarom belangrik
– nie net om Bt-weerstandsvlakke te bepaal
nie, maar ook om as ‘n waarskuwing te dien
vir produsente wanneer weerstand in hul
omgewing ontwikkel.
Die navorsing help ook só om die huidige
event wat weerstandbiedende larwes be-
heer, te beskerm. Uit hierdie evaluering
kan daar dus vroegtydig gesien word wan-
neer ‘n sekere populasie die vermoë begin
ontwikkel om langer te lewe op, of wanneer
larwes die vermoë begin ontwikkel om te
oorleef op die huidige event.
Deur hierdie navorsing kan daar vroegtydig
opgetree word as tekens van weerstand in
die veld voorkom om totale veldweerstand
te voorkom.
Vir meer inligting, kontak die
outeur by .
agric.za.
1: ‘n Afrika-stamboorderlarf.
2: Larwes wat geïnokuleer word op ‘n kelk.
Dankie aan die Mielietrust wat die navorsing befonds het en die volgende persone
vir hul harde werk en toewyding: Elrine Huyser, Alicia Pretorius en Mabel du Toit.
Dankie ook vir die Noordwes-Universiteit (Potchefstroomkampus) se bydrae.
2
1
Desembermaand
in die grondboonland…
LOUREINE SALOMON, LNR-Instituut vir Graangewasse
Geen grondboonseisoen verloop dieselfde nie en die
2015/2016-groeiseisoen blyk om geen uitsondering op
die reël te wees nie. Reeds het ons in Novembermaand
‘n voorsmakie gehad van onvoorspelbare weerspatrone
waar vroeë grondboonaanplantings noodwendig opsy geskuif moes
word sodat temperature kon herstel ná sneeuneerslae op die suide-
like Drakensberge.
Die grondboonplantseisoen het dus weer eens onder druk gekom.
Dit is uiters belangrik vir die produsent om te hou by die afsnydatum
vir aanplantings om te verseker dat daar genoeg tyd vir die grond-
boonplantjies is om volwassenheid te bereik en dus ‘n ordentlike oes
te kan lewer.
Die algemene duimreël vir die afsnydatum van grondboonaanplan-
tings is 5 Desember. Slegs in gebiede waar betekenisvolle reën laat
in die seisoen voorkom, kan laat aanplantings gedoen word, maar
dan moet produsente besef dat opbrengs ingeboet gaan word.
Die volgende kan in gedagte gehou word gedurende Desember-
maand:
Grondbone begin eers 21 dae na opkoms aktief groei en nuwe
blaartjies vorm. Blaartjies wat ontwikkel het tydens opkoms, was
reeds binne die kiemplantjie gevorm. Indien daar swak opkoms
was, sal dit produsente baat om vas te stel wat die oorsaak was,
hetsy koue, plantdiepte, planterprobleme of wat ook al die geval
mag wees. Dit is nodig om uit te vind sodat toekomstige foute
vermy kan word.
Let op vir saailingsiektes aangesien dit verband kan hou met
saadbehandeling en klimaatsomstandighede sowel as wis-
selboupraktyke.
Is daar reeds gips toegedien?
Indien daar saadvermeerderingsaanplantings gedoen is, moet
seker gemaak word dat landeenhede vroegtydig by SANSOR
geregistreer word.
Voorsorg is altyd beter as nasorg. Goeie beplanning vir ‘n goeie oes
begin reeds by planttyd. Maak seker dat die grondboonplantrye
reeds aangepas is by die tipe uithaler wat gebruik gaan word aan die
einde van die seisoen. Dit kan vermorsing verminder en sodoende ‘n
beter kwaliteit oes lewer.
‘n Grondboonprodusent se voetspore moet verkieslik van planttyd
tot oestyd in die lande sigbaar wees, om sodoende
‘n kwaliteit oes te verseker. Vir enige verdere navrae,
kontak die outeur by 018 299 6333 of .
agric.za.
23
December 2015