37 / 112
Produk-inligting
Produkreeks uitgebrei
J
WL se reuse Versatile 620 geartikuleerde trekker van 429 kW
het die boeregemeenskap in die land aan die praat oor die
opsie wat dié hoë kW-trekkers na die mark toe bring.
Dit is veral die brute krag van die Cummins QSX15-enjin wat op
lae enjinrewolusies reeds krag lewer, die gladde wisseling van die
CAT-kragskuiftransmissie en die feit dat die trekker maklik ver-
sienbaar is, wat produsente aan die praat het.
Verder het die trekker geen tierlantyntjies nie, ten spyte daarvan dat
hy wel toegerus is met ‘n ruim kajuit (die grootste in die industrie),
‘n transmissiebeheerfunksie wat outomaties ratte kan wissel, ‘n
wenakkerbestuurstelsel wat funksies van die operateur oorneem en
‘n instrumentpaneel met al die nodige inligting (soos wielglip). Dit
is ook reeds toegerus om die meeste GPS-stuurstelsels op die
mark te kan hanteer.
Die feit dat die dieseltenk van die trekker in die middel onder die
kajuit gemonteer is, is ‘n groot pluspunt aangesien die gewigs-
verspreiding van die trekker nie beïnvloed word na gelang van
die vlak van brandstof in die tenk nie.
Die trekkers het ook ‘n lang wielbasis, wat vir uitstekende trekver-
moë en goeie rygerief sorg. Die dieseltenk se inhoud van 1 514 liter
sorg ook dat ‘n lang skof afgelê kan word voordat hervulling nodig is.
Standaard-olievloei op die trekkers is 201 l/min met ‘n opsionele
pomp, wat ‘n lewering van 401 l/min kan gee. Vier hidrouliese punte
is standaard, met twee wat opsioneel bygevoeg kan word – wat aan
die meeste implemente se vereistes voldoen.
Die reeks trekkers wat vir die plaaslike mark beskikbaar is, sluit onder
meer twee geartikuleerde modelle van onderskeidelik 280 kW en
300 kW in, wat op ‘n mediumgrootte raam gebou is. Die trekkers
kan ook toegerus word met nou bande vir gebruik tussen 76 cm-rye
– ideaal vir plantwerk met wye planters op 76 cm-ryspasiëring.
Verder is daar vier swaardiens-geartikuleerde wieltrekkers van
324 kW tot 429 kW. Die reeks word voltooi deur die Versatile Delta-
Trac, ‘n geartikuleerde trekker wat met rusperbande toegerus is.
Die reeks is ook in vier modelle beskikbaar, met kraglewering wat
wissel tussen 324 kW en 429 kW.
Daar is ‘n wye reeks opsionele toerusting beskikbaar – wat wissel
van ‘n kruipratkas vir werk teen ‘n uiters lae spoed, addisionele
beligting, kragaftakker (PTO), leersitplek, verskillende bandgroottes
en beladingsopsies.
Die trekkers het ‘n twee jaar/2 000 uur-waarborg en word gerug-
steun deur die vervaardiger in Kanada en onderdelebeskikbaarheid
is goed.
Elmers-tapkar
‘n Nuwe toevoeging tot JWL se stal is die nuwe Elmers-tapkarre.
Die Elmers Haulmaster 850 van 25 ton is reeds hierdie seisoen
bedrywig op die lande en produsente is gaande oor die produk se
uitlaaivermoë en boukwaliteit.
Die tapkarre is met ‘n dubbelawegaarstelsel toegerus, wat verskeie
voordele bo dié van ‘n enkelawegaarstelsel het, naamlik:
Die dubbelawegaar laai vinniger uit (ongeveer twee minute vir die
30 ton-model).
Die uitlaai-awegaar laat meer spasie toe tussen die wa en die
tapkar.
Hierdie tapkar het ‘n laer swaartepunt.
Die tapkarre is met poeier spuitverf bedek, wat vir ‘n duursame
afwerking sorg. Die opsie om die tapkar met rusperbande toe te
rus, is ook beskikbaar en opsionele toerusting sluit in ‘n skaal,
seil, kamerastelsel, hidrouliese aandrywing en ‘n uitlaai-awegaar
waarvan die hoek hidroulies kan verstel.
Die tapkarre is in groottes van 21 ton tot 51 ton en in verskeie
kleure beskikbaar.
Montag-kunsmistoediener
Montag het sy generasie twee (GENII)-kunsmistoediener bekend
gestel, met twee tenks wat nou onderskeidelik 4,5 ton kapasiteit
kunsmis elk kan hanteer. Beide tenks is boonop met skale ook
toegerus.
Die stelsel het die voordeel dat dit variërende toediening van kuns-
mis in vier seksies kan doen, met een tot 18 rye wat toegedien
kan word. Verder is die stelsel só ontwerp dat daar later rye
bygevoeg of weggeneem kan word na gelang van veranderende
behoeftes van die kliënte.
35
August 2017
FOKUS
Werktuie en toerusting
Spesiale
WERNER NEL,
JWL
1
2
1: Die Versatile 620
DeltaTrac van 429 kW.
2: Montag se nuwe
GENII-kunsmistoestel
wat seksiebeheer kan
doen.