35 / 112
Produk-inligting
Hierdie trekkers mág maar
M
assey Ferguson se nuwe Global-
reeks van 61 kW tot 98 kW
is besig om landswyd kleim
af te steek as harde plaas-
werktrekkers – veelsydig, betroubaar en
brandstofdoeltreffend, met puik spesi-
fikasies vir dié kilowatt-segment.
Die Global-trekkerfamilie bestaan uit die
MF 4708 (61 kW), die MF 5700-reeks
(68 kW en 76 kW) en die MF 6700-reeks
(82 kW, 91 kW en 98 kW). Die twee- of
vierwielaangedrewe MF 4708 is beskik-
baar met ‘n semi-platform en die vierwiel-
aangedrewe MF 5700- en MF 6700-reekse
met ‘n platform of kajuit.
“Met die Global-reeks bring ons ‘n praktiese
trekker plaas toe wat by uitstek in plaaslike
behoeftes vir trekkers onder 100 kW
voldoen,” sê mnr Coenraad Oosthuizen,
nasionale verkoopsbestuurder vir Massey
Ferguson by BHBW (voorheen Barloworld
Agriculture). “Dit is eenvoudige trekkers
met basiese tegnologie – maklik om mee te
werk en om in stand te hou – maar ekstra
spesifikasies verhoog kostedoeltreffende
werkverrigting en maak hulle meer
veelsydig.”
Dié trekkers blink uit in ‘n verskeidenheid
toepassings – van ploeg, plant en hooimaak
tot laaigraaf- en sleepwerk.
Turbo-aangedrewe 4,4 liter AGCO Power-
viersilinderenjins sorg vir uitstekende krag-
lewering en wringkrag. Aangeslane krag-
lewering word teen lae omwentelinge
bereik, wat brandstofverbruik verlaag en
ook help om ‘n lang dienslewe met ‘n lae
instandhoudingskoste te verseker.
Sowel die MF 4708 as die MF 5700- en MF
6700-reekse is toegerus met ‘n 12x12-trans-
missie met gesinchroniseerde heen-en-
weerskakeling. Die trekkers is beskikbaar
met ‘n meganiese spoel (
shuttle
) met ‘n
droë koppelaar of ‘n Power Shuttle met ‘n
nat, olieverkoelde koppelaar vir elektro-
hidrouliese vorentoe-en-truskakeling. Die
Power Shuttle maak ratverwisseling in die
ry moontlik.
Nuut by hierdie tipe trekkers is dat elektro-
hidrouliese inskakeling van vierwielaandry-
wing met die druk van ‘n knoppie geskied,
met in- en uitskakeling wat in die ry gedoen
kan word.
Die Global-reeks het ‘n swaardiensraam
en ‘n goeie krag-tot-gewigverhouding,
sodat meer kilowatt na die grond ver-
plaas word en wielglip beperk word.
Die trekkers bied ‘n hysvermoë van tot
5,5 ton (by die MF 6700-reeks), wat goeie
reserwekapasiteit meebring vir die gemak-
like hantering van implemente en ander
toerusting.
Vir nog meer veelsydigheid is
row crop
-
wiele as opsie beskikbaar by sowel die
MF 5700- as MF 6700-reekse.
Kajuit
In reaksie op aanvraag is al die modelle
in die MF 5700- en MF 6700-reekse nou
ook met ‘n kajuit beskikbaar. Dié moderne
kajuit is in Frankryk ontwerp deur dieselfde
ingenieurs wat Massey Ferguson se
hoëtegnologietrekkers ontwerp en bied
buitengewoon hoë vlakke van operateurs-
gerief vir die segment.
Soos die res van die Massey Ferguson-
trekkerreeks is hierdie trekkers beskikbaar
met ‘n BHBW-diensplan vir drie jaar of
2 000 uur.
4 en ‘n half uit 5
Mnr Jannie Verster, wat tussen Hobhouse
en Ladybrand boer, het verlede jaar sy
eerste Massey Fergusons aangeskaf toe
hy ‘n MF 6712 en ‘n MF 6713 (albei met ‘n
nat koppelaar) by OVK Landbou gekoop
het. Die trekkers, wat nou elk meer as
800 uur agter die blad het, word gebruik
vir kontrasnyegwerk, rip en plant.
“Die MF 6700 is ‘n topproduk in sy kate-
gorie,” sê Verster. “Dit is ‘n eenvoudige
trekker, maar daar is nêrens afgeskeep met
die bou daarvan nie. Jy kry baie trekker vir
die prys – van die duursame bande tot die
werksverrigting. Die trekkers lewer hulle
volle kilowatts en is baie ligter op brandstof
as vergelykbare trekkers wat ek voorheen
gebruik het. Die diensintervalle van 500 uur
is ook ‘n voordeel. Ek gee die MF 6700 vier
en ‘n half uit vyf.”
33
August 2017
FOKUS
Werktuie en toerusting
Spesiale
ANITA VAN ZYL,
namens BHBW Suid-Afrika
Die MF 5700- en MF 6700-reekse
van 68 kW tot 98 kW is nou ook
met ‘n kajuit beskikbaar – wat
dit geskik maak vir onder meer
spuitwerk.