SA Graan April 2016

71 / 84

Goeie arbeidspraktyke en
-verhoudinge in die kollig Reeks
Gedurende die plaaswerkerstakings in 2012 en 2013 was
ek op een van die plase waar die pakstoor afgebrand het.
Die plaaswerkers en die eienaar was baie positief ten
spyte van hul stoor wat afgebrand het. Daar het ek besef
dat ons plaaswerkers nie ‘n platform het waar hulle kan sê hoe
hulle voel nie. Ek het die Here gevra vir ‘n oplossing en die idee gekry
van ‘n forum wat ek moes stig.
Op 17 Januarie 2013 het ek ‘n uitnodiging na van die produsente
wie se e-posadresse ek gehad het gestuur, waarin ek gevra het dat
hulle vir my een werker sal stuur vir ‘n vergadering. Daardie verga-
dering is verteenwoordig deur 25 plase met 64 verteenwoordigers.
Ons het onsself die volgende vrae afgevra:
Hoe sien ons Suid-Afrika sonder landbou?
Wie gee ander die mandaat om namens ons te praat?
Wie is verantwoordelik om ‘n proses te begin vir die aanpassing
van landbou se minimum loon?
Die noodsaaklikheid van die voortbestaan van landbou in die hele
Suid-Afrika is van kardinale belang vir die ekonomie en selfs werk-
skepping.
Die Nasionale Plaaswerkersforum is toe op 18 Januarie 2013 gestig.
Die forum bestaan net uit plaaswerkers en produsente en die fon-
dament van die forum is Jesus Christus. Die visie van die forum is
om die verhouding, wat voor 1994 tussen die produsente en die
werkers was, te herstel. Ons glo ons kan rondetafel-gesprekke hê en
só probleme oplos.
Wanneer ‘n plaas deel wil raak van die forum, kan hulle ons kontak
en dan gaan ons uit na die plaas toe om die werkers in te lig oor die
forum en wat dit behels.
Wat wil ons met die forum bereik?
Gesonde dialoog
Plaaswerkers ‘n stem gee
Formele kommunikasiekanale vestig
Advies gee aan plaasarbeiders
Landbou bevorder
As bedingingsgroep in gesprek tree
Plaaswerkers se beroep verstaan
Goeie verhoudinge in die landbou bevorder
Positiewe media oor landbou bevorder
Kommunikasie tussen werkgewer en werknemer verbeter
Die Forum se bestuur bestaan uit:
Voorsitter: Magrieta Fithwa (Middelpos)
Ondervoorsitter: Ockert Diedricks (Welgemoed)
Sekretaresse: Vivian Adams (Sandrivier Landgoed)
Hulpsekretaris: Jakobus Blomkers (Cornerstone)
Tesourier: John Mitchell (Linton Park Wines)
Hulptesourier: Sarie Johannes (Hoekstra Fruit Farms)
Die Forum is verdeel in die volgende komitees:
Dissiplinêre/HR-komitee
Opleidingskomitee
Sport en Kultuur
Prestasiekomitee
Behuisingskomitee
Media
Vir meer inligting, kontak Rita Andreas by 076 790 1066 of
.
RITA ANDREAS, woordvoerder: Nasionale Plaaswerkersforum
– Nasionale Plaaswerkersforum
AKTUEEL
69
April 2016
Deel jou praktyke met medeprodusente
Graan SA-lede is welkom om wenke vir goeie arbeidspraktyke en -verhoudinge op die plaas of praktyke wat hulle op die plaas toepas
en wat vir hulle werk, met medeprodusente te deel. Stuur 'n e-pos na en ons sal jou kontak.
1 tot 3: Die Nasionale Plaaswerkersforum is in Januarie 2013 gestig.
Die visie van die forum is om die verhouding, wat voor 1994 tussen die
produsente en die werkers was, te herstel.
1
2
3