25 / 84
Fokus steeds om tot diens van
graanprodusente te wees
T
ydens die afgelope Kongres het Graan SA terugvoer aan
lede gegee wat die resultaat van die heffingsinkomste vir
die 2015/2016-seisoen betref.
Alhoewel droogtetoestande oor die land heers en die meeste pro-
dusente se oeste skraal lyk, was daar steeds ‘n ongelooflike posi-
tiwiteit onder produsente en is die heffing vir die 2015/2016-jaar ook
in dié gees ontvang.
Die 2015/2016-oes was slegs ‘n normale tot onder-normale oes
(veral in die Noordwes Provinsie en Swartland-gebied) en die
verhoging van die heffing in 2014 het verseker dat Graan SA se
reserwes aangevul kon word om voorsiening te maak vir die te-
korte wat gely gaan word weens die droogtetoestande vir die
2015/2016-bemarkingsjaar.
Inkomste
Graan SA het ‘n heffingsinkomste van R14,79 miljoen gerapporteer
vergeleke met die vorige jaar se rekord van R18,76 miljoen. Hier-
die daling is die resultaat van die droogte en die gevolglike minder
tonne wat deur produsente gelewer is.
Die inkomste het egter vir ‘n surplus van ongeveer R1,7 miljoen
op die heffingsfonds gesorg, hoofsaaklik as gevolg van drastiese
besparings op uitgawes. Die surplus sal na die reserwes geallokeer
word om die nodige tekorte vir die nuwe seisoen, wat ontstaan het
weens die oorheersende droogtetoestande, te dek.
Agente
Die vordering van die heffing raak ‘n al hoe groter uitdaging soos
wat die mark groei en meer kopers die mark betree. Dit verg dat
Graan SA vennootskappe met al die kopers en handelaars aangaan.
In die vorige jaar het die aantal agente vanaf 40 na 46 verhoog.
Mnr Andries Theron (visevoorsitter en Graan SA en voorsitter van
die Bemarkingswerkgroep) het ‘n woord van dank uitgespreek aan
agente wat die invordering van die heffing deur hulle kanale be-
werkstelling.
Ledetal
Graan SA se fokus is om sy lede van diens te wees. Die droogte
het definitief bygedra tot ‘n klein afname in opbetaalde lede – van
3 063 tot die huidige 2 745. Die totale bydraende lede is effens
minder as die vorige jaar.
Met ‘n totale ledetal van 4 930 is dit duidelik dat Graan SA ‘n goeie
verteenwoordiging van graanprodusente in Suid-Afrika het.
Heffing
Theron het kennis gegee dat daar volgende jaar tydens Kongres
aandag gegee sal word aan moontlike veranderde heffings op die
kommoditeite. Vir die hede word al die heffings onveranderd gelaat.
Dit is vervat in
Tabel 1
.
Dankie
Graan SA is ‘n produsente-organisasie en die heffingsinkomste
is die hartklop van die instansie en verseker dat hy sy werksaam-
hede kan voortsit. Theron het ook sy dank teenoor lede uitgespreek
vir die getroue bydrae wat hulle lewer en hul die nodige gerusstel-
ling gegee dat die fokus steeds daarop is om graanprodusente in
Suid-Afrika van diens te wees.
23
April 2016
TERUGBLIK
Kongres
Spesiale
TOIT WESSELS,
ledebemarking en kommunikasiebeampte: Graan SA
GEWAS
HEFFING
Mielies
R2,50
Sojabone
R5,00
Sonneblom
R5,00
Sorghum
R2,50
Grondbone
R10,00
Koring
R3,00
Kanola
R4,00
Gars
R3,00
Alle ander grane
R3,00
TABEL 1: HEFFING OP GEWASSE.
Andries Theron het sy dank teenoor die lede uitgespreek vir die getroue
bydrae wat hulle lewer en ook agente bedank wat die invordering van
die heffing bewerkstellig deur hul kanale.
“
Graan SA is ‘n produsente-
organisasie en die heffings-
inkomste is die hartklop van die
instansie en verseker dat hy sy
werksaamhede kan voortsit.
“
Alle bedrae is BTW uitgesluit